Maraka 15:43 - ALLALA KUMƐ

⁴³ Yusufu, Arimatiya kɛ nara. Yahudiya mɔgɔ-ba le nun min gbiliyanɛ kati! A ye Allala mansayɛ makɔnɔna. Ale Yusufu ya a yisi ragbɛlɛya ka ta Pailɛti wara ko anu ni Yisa furi don a bolo.

Maraka 15:43 ပူးပေါင်းရင်းမြစ်များ

Matiyu 19:30

Kɔnɔ minnu bi a fɔlɔtɛ la, wonu si ma a laban la. Minnu bi a laban la, wonu si ma a fɔlɔtɛ la wulɔn.”

Matiyu 20:16

Yisa ko, “A ye wo nya le, a labannu si ma a fɔlɔtɛnu na. A fɔlɔtɛnu si ma a labannu na.”

Matiyu 27:57

Wurɛ kera tumɛ min, nɔnfulu-tigi do nara ka bɔ Arimatiya soe burɔ. A tɔgɛ Yusufu. Yisala karan-dan le wo fanan na.

Maraka 14:54

Pita bilara a fɛ wula-yan la ha saraka-masɔla-kun-tigi-wɛla kata burɔ. A donta kata burɔ ka a sigi da-kandannɛnu fɛ tɛ fɛ a gbala tinɛ.

Maraka 15:44

Pailɛti ya a lamɔɛn tumɛ min ko Yisa fagara yona, a kawara. A ya kɛlɛ-den-kun-tigi wo kele ka a manyinika ni Yisa niyi ara ban bɔla.

Luka 2:25

Mɔgɛ do ye Yerusalɛm soe burɔ nun min tɔgɛ Simiyɔn. Mɔgɔ-nyimɛ le, a telennɛ. A ye Isirɛlata kisi-koe makɔnɔna nun, ado Allata Ni-Sɛnimɛ ye a fɛ.

Luka 2:38

Wo wati, a nara ka baraka bira Alla ye. Min bɛɛ ye Alla makɔnɔna ko a ni na Yerusalɛm kunka tinɛ, a ya dennɛla ko fɔ wonu denu ye.

Luka 23:50

Kei do ye nyɔ min tɔgɛ Yusufu ka bɔ Yahudiyanuna soe do rɔ min tɔgɛ Arimatiya. Mɔgɔ-nyimɛ le kei wo la, ado Yahudiya mɔgɔ-ba do le. A ye Allala mansaya-na-koe makɔnɔna. Hali mɔgɔ-ba le ale la, a ma sɔn anuna ko-latɛgɛnɛ anubɛ anuna kɛwɔlɛnu ma.

Yɔni 19:38

Wo kɔma, Yusufu min bɔra Arimatiya soe burɔ, wo ya Pailɛti madiya ko ni a si Yisa furi bi. (Nba, Yusufu wo, Yisala karan-dan do le wo la nun. Kɔnɔ a tora dogɔn rɔ bawo a kilannɛ Yahudiyanu na.) Pailɛti sɔnta ko a ni Yisa furi bi. Yusufu tara a layigi kɔlɔma ma ka ta a la.

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 17:12

Anu siyaman dɛnkɛninyara. Kiriki-musu-tɔgɔlamɛ siyaman anubɛ Kiriki-kei siyaman fanan dɛnkɛninyara.

Filipai 1:14

N bi yele la min kɛ, wo ara yisi-latɛgɛ di yan-dɛnkɛninya-mɔgɔ-siyaman ma. Woletɔ anu yisi ragbɛlɛyanɛ wati bɛɛ Allala kumɛ kawandili-bɔɛ ma. Anu kilanni ma tun.