Maraka 15:26 - ALLALA KUMƐ

²⁶ Anu ya a yiliki min na, anu ya wo sɛbɛ walan ma ko, “Yahudiyanuna Mansɛ.”

Maraka 15:26 ပူးပေါင်းရင်းမြစ်များ

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Aiseya 10:7

Mari ko karagbɛlɛyɛ rabɛnnɛ Asiriya mansɛ nyɛrɛ bolo sibolo-gbɛrɛnu kan ma. A ara a wakila ka anu siyaman kasara.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 2:2

Anu ya nyinikalɛ kɛ ko, “Dennɛ min sɔrɔnta ka na ma mansɛ la Yahudiyanu kun na, wo ye mi? Ma ara a sɔrɔn-tamasere-lole yen ma warɛ tele-bɔɛ min kɛ, ma ara na a bato tinɛ.”

Matiyu 27:37

Mɔgɛnu ya a maburi minna ko la, anu ya wo sɛbɛ ka a sa a kunyɛ kuma. A ko, “Yahudiyanuna Mansa Yisa le kɛ la.”

Maraka 15:2

Pailɛti ya a manyinika ko, “Yahudiyanuna mansɛ le ile la, wa?” Yisa ya a yabi ko, “Ɔn, a ye iko i wara a fɔ nya min.”

Maraka 15:27

Minnu bi buila mɔgɛnu ma ka anuna bolo-fannu bi, anu ya wo filɛ gbangban kɔlɔmanu ma Yisa tɔnkɔnnu tɔ, kelen a bolo-nyimɛ rɔ, kelen a maran rɔ. [

Maraka 15:32

Ma ni Allata-Mɔgɔ-Yabɔnɛ, Isirɛla mansɛ yen yigila kaka ka bɔ kɔlɔma ma, ado ni wo mara, ma si la a la!” Mɔgɔ filɛ minnu gbangbanta kɔlɔma ma a tɔnkɔnnu tɔ, wonu fanan ya a lafɛya.

Tɔn-Fɔɛ-Fila-Nyɔgɛ 23:5

Hali wo, wota Mari Alla ma sɔn Nɛbi Belamta dankɛ ma. A ya ata dankɛ wo yɛlɛma duwɛ la bawo a ya wole Isirɛla mɔgɛnu keni.