Maraka 15:15 - ALLALA KUMƐ

¹⁵ Pailɛti ye a fɛ ka nyama hɛnɛ, woletɔ a ya Barabasi boloka anu ye. A ya a ma, ala kɛlɛ-dannu ya Yisa gbesi ka a don anu bolo ko anu ni a gbangban kɔlɔma ma.

Maraka 15:15 ပူးပေါင်းရင်းမြစ်များ

Yaburi 129:3

Anu ya n kɔmɛ rafarafara bosɛ la. N kɔmɛ mara iko sara-ninki dugu-sin-gbɛ.

Yaburi 57:11

E, Alla, a ma, ma ni ila kabana-koenu yen san-kole rɔ ka ita gbiliyɛ yen dugu-kole kuma.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Aiseya 50:6

N bara n wasa don n fɛrɛ rɔ n gbesilɛnu ye. Min bi n da-buyɛ mawurunna, n ya n dɛ lata wonu bara la. Anu bi n mayɛlɛnna ka anu nɔgɔ-yi kɛ n ma kɔnɔ n ma n yakɔrɛ bɔ anu kɔrɔ.

Matiyu 20:19

Anu si n don sibolo-gbɛrɛnu bolo. Wonu si n mayɛlɛn ka n gbesi ka n gbangban kɔlɔma ma n si faga kan min. A tele sawa nyɔgɔn, Alla si n nawuli ka bɔ furinu tɛma.”

Matiyu 27:26

Ale Pailɛti ya Barabasi boloka. A ya a ma, anu ya Yisa gbesi ka a don anu bolo a gbangban-koe la kɔlɔma ma.

Maraka 10:34

Wonu si n mayɛlɛn ka anu da-yi kɛ n ma. Anu si n gbesi ka n faga. A tele sawa nyɔgɛ, n si wuli tun ka bɔ furinu tɛma.”

Maraka 15:14

Kɔnɔ Pailɛti ya anu manyinika ko, “A ya ko-yogomɛ nyamintan kɛ?” Anu sɔnkɔra ha ka a dan natenbi ko, “A gbangban kɔlɔma ma!”

Luka 18:33

A tele sawa nyɔgɛ, n si wuli tun ka n niyi lafɛ.”

Luka 23:16

Nba, n si a gbesi worɔ ka a boloka.” [

Yɔni 19:1

Nba, Pailɛti ya Yisa bi ka a lata a gbesi tinɛ.

Yɔni 19:16

Wo kɔma, Pailɛti ya Yisa don kɛlɛ-dannu bolo a gbangban-koe la. Kɛlɛ-dannu ya Yisa bi.

Kɛwɔlɛnu 24:27

San fila kɔma, Porisiyasi Fɛsitasi sigira sigisɔn-mansayɛ la Mansa Filikisi gbɛ rɔ. Kɔnɔ Mansa Filikisi ye a fɛ nun ka Yahudiyanu diyana-koe kɛ, woletɔ a ya Pɔli to yele la.

Kɛwɔlɛnu 25:9

A di Mansa Fɛsitasi ye ka Yahudiyanu diyana-koe kɛ, woletɔ a ya Pɔli manyinika ko, “Anu bara i maburi koe minnu ma, i si sɔn tala Yerusalɛm worɔ? Nde ni ila kiti tɛgɛ nyɔ, wa?”

Kalesiya 1:19

N ma kilaya-gbɛrɛ yen fɔ Mari Yisa dɔgɛ Yemesi.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.