Maraka 14:72 - ALLALA KUMƐ

⁷² Tiriyante wo rɔ, dondɔn keke fila nyɔgɛ kera. Pita ya a miri Yisala kumɛ ma ko, “Yanni dondɔn ni keke iko fila, i si a fɔ iko sawa ko i ma n lɔn.” A ya-yi bɔra biribiri diyi-kɛ bolo.

Maraka 14:72 ပူးပေါင်းရင်းမြစ်များ

2 Samuwɛli 24:10

Mansa Dawuda ban mɔgɛnu danna, a yisi ma kima tun. A ya a fɔ Mari ye ko, “N bara min ma kɛ la, n bara hakɛ-wɛ le kɛ kɛ la ka bila ile Mari le la wo la. I yandi, Mari, n makoto. N bara kun-takolonya-koe le ladan kɛ la.”

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Matiyu 26:34

Yisa ya a fɔ Pita ye ko, “I ni i hɛnkili to kɛ ko! Yanni dondɔn ni keke bi suyi kɛ rɔ, i si a fɔ kinyama sawa ko i ma n lɔn.”

Maraka 14:30

Yisa ya a fɔ Pita ye ko, “Wo ni wo hɛnkili to kɛ ko! Yanni dondɔn ni keke iko fila bi-suyi-kɛ rɔ, i si a fɔ kinyama sawa ko i ma n lɔn.”

Maraka 14:68

Kɔnɔ Pita ya a sɔsɔ. A ya a yabi ko, “Nde ma a lɔn. I ye min fɔla, n ma wo nya lɔn.” Nba, Pita bɔra ka ta tenbi-bolɔn la. A ma mɛ, dondɔn kekera.

Maraka 14:71

Pita ya a keli. A ko, “I ye kei minna ko fɔla, n ma wo lɔn muk!”

Luka 22:60

Kɔnɔ Pita ya a fɔ ko, “I ye min fɔla, nde sa wo do-wo-do kalama!” A ye wo fɔɛ kun na tumɛ min, dondɔn kekera.

Luka 22:62

Pita burimatoe bɔra dila biribiri!

2 Kɔrɛnti 7:10

Yisi-lafinyɛ min bɔnɛ Alla bolo, wo si na yisi-yɛlɛmɛ la, ado wo si a laban kisi-koe ma wo bolo. Wo ti mɔni wo rɔ mumɛ! Kɔnɔ hadama-danta yisi-lafinyɛ si a laban sayɛ ma.