Maraka 14:36 - ALLALA KUMƐ

³⁶ A ya madiyali kɛ ko, “N Fa Alla! I si ke koe bɛɛ kɛla. Ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Maraka 14:36 ပူးပေါင်းရင်းမြစ်များ

Ko-Dabirɛnu 18:14

Koe do ye nyɔ min gbɛlɛ Mari yala, wa? N si sɛgi i warɛ yan a wati-latɛgɛnɛ rɔ yari. Sira kɛ si den-kei sɔrɔn, yɔ.”

Yaburi 40:8

Nta Alla, a di n ye, n ni i diyana-koe kɛ ka ila karan mara n yisi rɔ.”

Yɛrɛmaya 32:27

Mari le ale la min bi hadama-dan bɛɛ kun na. A ko a ti kuri fenfen ma.

Matiyu 26:39

A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Matiyu 26:42

Yisa tara tun a kinyama fila nyɔgɛ ka Alla madiya. A ko, “N Fa Alla, ni tɔrɔyɛ kɛ ti ke bɔla n dafɛ fɔ n ba n min a la, ile sako ni kɛ.”

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.

Maraka 10:27

Yisa tora anu mafɛlɛnna sin! A ya anu yabi ko, “Mɔgɔ ti ke wo mala kɔnɔ Alla le si ke koe bɛɛ mala.”

Maraka 10:39

Anu ya a yabi ko, “Ma si ke le.” Yisa ya a fɔ anu ye ko, “N bi n minna tɔrɔyɛ min na, wo si wo min wo la yati, ado anu bi n batasila tɔrɔyɛ min tɔ, wole fanan si batasi wo nya.

Maraka 14:37

Wo kɔma, a sɛgira ka ala karan-dan wonu taran kinɔgɛ rɔ. A ya a fɔ Pita ye ko, “Saimon, i ye kinɔgɛ le tɔ, wa? I ma ke i sigila n fɛ hawa kelen kɔrɔ?”

Yɔni 12:27

Yisa ko, “N yisi tɔrɔnɛ kaka. N si nfen fɔ? N kana a fɔ ko, ‘N Fa, i yandi, tɔrɛ kɛ kana na n ma,’ ado n nara wo lela ko la.

Yɔni 18:11

Yisa ya a fɔ Pita ye ko, “Ila faan lasɛgi a gbɛ rɔ! N Fa Alla ara yi-lafɛ min di n ma, i sa a fɛ, n ni n min wo la, wa?”

Yɔni 4:34

Yisa ya a fɔ anu ye ko, “Min ya n sɔ ka ata wɔlɛ lakanbali ka wo sako kɛ, wo le si n buyi lafa.

Yɔni 5:30

Yisa ko, “N ti ke ko-wo-ko mala n nyɛrɛ ma. N bi kiti tɛgɛla iko Alla ya a fɔ n ye nya min. Woletɔ nna kiti-tɛgɛ-nya telenta. N sa n tayala ka n nyɛrɛ diyana-koenu kɛ. Min ya n sɔ, n bi wo diyana-koenu denu kɛla.

Kalesiya 4:6

Ka a yira ko Allata dan le male la, Alla ya ala danta Ni-Sɛnimɛ sɔ ko a ni sigi ma yisi rɔ. A ye a lagbɛla ma ye ko Alla le ma fa la.

Filipai 2:8

A ya a famayigi ka Allala kumɛ bira ha a donta sayɛ rɔ. A fagara kɔlɔma ma iko ko-yogoma-kɛlɛ.

2 Timoti 2:13

Kɔnɔ hali ni male ma lanayɛ kɛ, ale si lanayɛ kɛ tolon bawo a ti foninyɛ fɔ a nyɛrɛ ye.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!