Maraka 14:3 - ALLALA KUMƐ

³ Yisa ye Saimonna bɔn la nun Bɛtani soe burɔ. Fɛrɛma-kiraya-yogomɛ do ye ale Saimon fɛrɛ ma nun. Anu bi fen dɔn la tumɛ min, musi do nara don bɔn la. Kuru-dagɛ min tɔgɛ alabasita, wo lafanɛ a bolo sɛnti-da-gbɛlɛ la min tɔgɛ naradi. A ya dagɛ wo kumɛ keri a la ka sɛnti wo kɛ Yisa salɛ ma.

Maraka 14:3 ပူးပေါင်းရင်းမြစ်များ

Keninteya-Siginu 1:12

Ile nna mansɛ tenbi sani i warɛ bɔn la, n bi i mamunna tuli min na, wo suma-diyamɛ si ila bolɔn bira-a-la.

Keninteya-Siginu 5:5

N ya n nasɔ dɛ laka tinɛ nna kei ye. Tulu-suma-diyamɛ min bi n ma, n bole-bilɛ kankan rɔ, a sumɛ tora wo ma.

Matiyu 21:17

Yisa ya anu to nyɔ. A bɔra soe wo burɔ ka ta ki Bɛtani soe burɔ.

Matiyu 25:17

Wɔli-kɛlɛ min fanan ya sɛnɛ-bɔrɔ fila sɔrɔn, wo fanan ya a ma wo nya le. A ya bɔrɔ-fila-gbɛrɛ sɔrɔn tɔnɛ la.

Maraka 14:2

Anu ko, “Ma kana wo kɛ ladiya-wati rɔ. Ni ma ya wo ma, mɔgɛnu si sɔnkɔ-sɔnkɔ ma ma.”

Maraka 14:4

Mɔgɛ donu bi nyɔ, wonu diminyara ka a fɔ anu nyɔgɔn ye ko, “Sɛnti kɛ tinya-kunya ye nfenna?