Maraka 14:24 - ALLALA KUMƐ

²⁴ Yisa ko, “N yele le kɛ la n bara Allata sarama-kan kiri min fɛ. N yele bɔnɛ mɔgɔ siyaman hakɛla ko la.

Maraka 14:24 ပူးပေါင်းရင်းမြစ်များ

Bɔ-Koe-Iyipiti 24:8

A yele-toe min tora mirannu tɔ, Musa ya wo fanan bi ka wo pusen mɔgɛnu ma. A ko, “Yele kɛ si ma lanyiri-kiri-fan la wobɛ Mari tɛma alako wo ni ata lanyiri latɔnbagaya.”

Yɛrɛmaya 31:31

Mari ko wati ye nala, a si sarama-kan-kurɛ kiri ale anubɛ wole, Isirɛla anubɛ Yuda kɛnu tɛma.

Sakaraya 9:11

Mari ko ka a tɛgɛ sarama-kan wo ma ma tɛma min kirita saraka-yele la, wo donu bi biralɛ rɔ nyamani-gbɛrɛkɛnu tɔ minnu manɛ wo yala iko kɔlon-tagbalanɛ, ado a si wo labɔ tɔrɔyɛ wo rɔ.

Maraka 10:45

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ-siyaman kunka-koe la.”

Maraka 14:23

Wo kɔma, a ya yi-lafɛ fanan bi ka baraka bira Alla ye ka wo don anu bolo. Anu dama ya anu min a la.

Maraka 14:25

Wo ni wo hɛnkili to kɛ ko! N ti nɔnbɔ-gbɔ-yi kɛ min tun, fɔ n ba a min a kurɛ la Allala mansayɛ rɔ.”

Luka 22:20

Kima-dɔn banta tumɛ min, a ya nɔnbɔ-gbɔ-yi do bi tun. A ko, “Nɔnbɔ-gbɔ-yi kɛ le Allata sarama-kan-kurɛ tamasere la min kirinɛ wo ye n yele fɛ. Yele wo bɔnnɛ wole le ye.

Yɔni 6:53

Yisa ya a fɔ anu ye ko, “N bi tonyɛ fɔla wo ye, ni wo ma nde, Hadama-dan bagbuyi dɔn ka n yele min, wo ti niyi sɔrɔn.

1 Kɔrɛnti 10:16

Ma tenbi Marita kima dɔnna chɔchi la, ma si baraka bira Alla ye. Ma wa ma min yi-lafɛ wo la tumɛ min, ma ye ta-nyɔgɔnyɛ le kɛla Kirasiti yele le tɔ wo la. Ma si biredi min takeri fanan, ma wa biredi wo dɔn tumɛ min, ma ye ta-nyɔgɔnyɛ kɛla Kirasiti fɛrɛ-bɔnkɛ le tɔ wo la.

1 Kɔrɛnti 11:25

Anu ban biredi wo dɔnna, Yisa ya yi-lafɛ fanan bi wo nya. A ko, “Allatalata sarama-kan-kurɛ min kirinɛ n yelela ko la, wo le kɛ la. Wo ni kɛ min alako wo ni to wo mirila n ma nya min.”