Maraka 13:8 - ALLALA KUMƐ

⁸ Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma. Dugu-yɛrɛyɛran si kɛ kan tina siyaman tɔ. Kɔnkɔ-fitinɛnu si na. Wola tɔrɔyɛnuna fɔlɔtɛ le kɛnu na dɔrɔn.

Maraka 13:8 ပူးပေါင်းရင်းမြစ်များ

2 Ko-Kɔrɔta-Karan 15:6

Sibole donu bi sibole donu kɛlɛla. Soe donu bi soe donu kɛlɛla bawo Mari ye tɔrɔyɛ lanala wo ma.

Yaburi 48:6

Anu yɛrɛyɛrɛnta iko musi min buyi ara a lamaga

Aiseya 19:2

Mari ko a si na-kelen-nyɔgɛnu nakɛ anu nyɔgɔn ma ka sigi-nyɔgɔma-gbansan fanan nakɛ anu nyɔgɔn ma. A ko a si soenu natugu anu nyɔgɔn ma. Nyamanɛnu si anu nyɔgɔn kɛlɛ.

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 37:3

Mansa Hɛsakaya ya a fɔ anu ye ko anu ni a fɔ nde, Nɛbi Aiseya ye ko, “Tɔrɔ-tele le bi la. Ma ye tɔrɔyɛ anubɛ yarabiyi kɔrɔ bi. Ma mani de iko musi min bi mui-koe rɔ kɔnɔ sɛnbɛ sa a bolo tun den sɔrɔn tinɛ.

Yɛrɛmaya 13:21

Wo ye a fɔla minnu ma ko wo diyana-mɔgɛ le, wonu ba sigi wo kun na, wo si nfen fɔ? Wo ti yakɔrɔ-mamɔɛ anubɛ dumɛ sɔrɔn? Wo dumɛ si ma wo bolo iko musi buyi wa a lamaga.

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Yɛrɛmaya 25:32

Mari Sɛnbɛ-Bɛɛ-Tigi ko kasarɛ si to bɔla nyamanɛ do rɔ ka ta nyamanɛ do rɔ. A si ta iko banda-fin-fɔn-bɛ ha ka ke wula-yanna-nyamanɛnu ma duninya bɛɛ rɔ.

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Yɛrɛmaya 49:24

Damasika kɛnu si na ma kɔlɔbɔ! Anu si na anu buri kilan bolo. Anu si na anu sɔrɔkɔnna dumɛ bolo iko musi buyi wa a lamaga.

Yɛrɛmaya 50:43

Wo lamɔɛn Babilɔn mansɛ bolo, a mankulan bɔra a ma. Hɔnya sigira-a-la iko musi bui wa a lamaga.

Yɛrɛmaya 6:24

Wole Yerusalɛm so-burɔ-mɔgɛnu ba kɛlɛ-dan wonu na-koe lamɔɛn, wo mankulan si bɔ wo ma kilan bolo. Yisi-tɔrɛ si wo bira. Wo si taran dumɛ rɔ iko musi tenbi den sɔrɔn kun na.

Hegayi 2:22

N si sɛnbɛ bɔ duninya kun-tiginu bolo. Anuna kirindinu si yɛlɛma ala burilɛnu na. Anuna kɛlɛ-dannu anubɛ anuna soeenu si faga kɛlɛ rɔ.

Sakaraya 14:13

Wo wati wa ke, Mari si a ma, anu kɔndɔ ni fili ha min ba a tintan a ta-nyɔgɛ la, a ni wo kɛlɛ.

Matiyu 24:8

Wola tɔrɔyɛnu dabirɛ le kɛnu na dɔrɔn.

Maraka 13:7

Wo si kɛlɛ-koenu namɔɛn anubɛ kɛlɛ-kibarɛnu kɔnɔ wo kana kilan. A fɛrɛ sa fɔ wonu ni ma kɔnɔ ala ban ma wo la fɔlɔn.

Maraka 13:9

“Wo ni a ma wo fɛrɛma bawo anu si wo kiti ka wo ladon Yahudiya-dina-bɔnnu na anu si wo gbesi kan min. Anu si ta wo la kun-tiginu anubɛ mansɛnu bara ndela ko la ko wo ni ma sereyɛnu na n ye.

Kɛwɔlɛnu 11:28

Kelen bi anu tɛma min tɔgɛ Agabasi, wo ya a sɔ ka wɔlɔyiyɛ kɛ Allata Ni-Sɛnimɛ sɛnbɛ baraka rɔ ko kɔnkɔ-fitinɛ ye nala duninya bɛɛ rɔ. (Wo kɛra wo tumɛ Kaladiyasi ye Romu nyamanɛ kun-tigiyɛ la.)

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.

Lankɛnimayɛ 6:4

So-wulan fanan bɔra. Min mayiginɛ wo kuma, Alla ya sɛnbɛ di wo ma ka kɛlɛ lana dugu-kole kuma alako mɔgɛnu ni anu nyɔgɔn faga. Alla ya faan-yan-bɛ di wo ma.