Maraka 13:13 - ALLALA KUMƐ

¹³ Mɔgɛ bɛɛ si wo kɔn ndela ko la kɔnɔ ni min si a munyu ha ala ban, wo si kisi.

Maraka 13:13 ပူးပေါင်းရင်းမြစ်များ

Daniyɛli 12:12

Duwa-mɔgɛ le wo mɔgɛnu na minnu si to anu munyuna telenbagayɛ rɔ tele waga kelen, tele kɛmɛ sawa, tele bi-sawa ani tele loli (1,335) kɛnu kɔrɔ.

Matiyu 10:22

Wo si gboya mɔgɛ bɛɛ ye ndela ko la kɔnɔ ni min si a munyu ha a laban, wo tigi si kisi.

Matiyu 24:13

Kɔnɔ min si a munyu ha ala ban, wo si kisi,

Matiyu 24:9

“Wo kɔma, mɔgɛnu si wo bira ka wo ladon tɔrɔyɛ rɔ. Anu si wo faga. Mɔgɛ bɛɛ si wo kɔn ndela ko la.

Maraka 13:12

Mɔgɛnu si anu na-kelen-nyɔgɛnu kunyɛ don a yogenu bolo tɔ alako anu ni anu faga. Fanu si wo nyɔgɔn ma anuna dannu na. Dannu si wuli anu sɔrɔnnɛnu kan ma hali ka anu nadon sayɛ rɔ.

Luka 21:17

Bɛɛ si wo kɔn ndela ko la

Luka 6:22

“Mɔgɛnu ba wo kɔn ka anu ban wo la, mɔgɔ-sewanɛ le wole la. Anu si wo manyini ka a fɔ ko mɔgɔ-yogomɛ le wole la ka a tɛgɛ nde, Hadama-dan la ko ma!

Yɔni 15:21

Kɔnɔ anu si koe kɛ bɛɛ ma wo la bawo ntɛ le wole la, ado ale min ya nde sɔ, anu ma wo lɔn.

Yɔni 17:14

N bara ila sarakanɛ fɔ anu ye. Nta karan-dannu gboyanɛ duninya-mɔgɛnu ye bawo duninyata ma anu na, ado duninyata ma nde fanan na.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Kalesiya 6:9

Ma ni ma tunadiya ko-nyima-kɛ-koe ma bawo ni ma ma bandan, wati si na, ma si ma ko-nyima-kɛ-sarɛ sɔrɔn.

Hiburunu 10:39

Kɔnɔ wo mɔgɔ ma male la min si sɛgi a kɔma ka halaki. Mala dɛnkɛninyɛ le ye a yirala ko ma kisinɛ.

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

1 Yɔni 3:13

Woletɔ n na-kelen-nyɔgɛnu, ni wo gboyara Alla-lɔnbɛlɛnu ye, wo kana kawa.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.