Maraka 12:35 - ALLALA KUMƐ

³⁵ Yisa ye mɔgɛnu karanna Alla-Bato-Bɔn la tumɛ min, a ya nyinikalɛ kɛ ko, “Tɔn-karan-mɔgɛnu bi a fɔla kama ko Allata-Mɔgɔ-Yabɔnɛ si bɔ Mansa Dawuda bɔnsɔn rɔ?

Maraka 12:35 ပူးပေါင်းရင်းမြစ်များ

Matiyu 26:55

Yisa kumara nyama ye ko, “Fɔ wo ni na faannu anubɛ gbelekɛnu na n bira tinɛ iko tɔn-tinyanɛ le nde la? N ya n sigi Alla-Bato-Bɔn la tele-wo-tele ka mɔgɛnu karan, wo ma n bira wulɔn?

Matiyu 9:27

Yisa bɔra nyɔ tumɛ min, kei-fiyon fila bilara a fɛ. Anu bi gbele-gbelenna ko, “Mansa Dawudala dan, kinikini ma ma!”

Maraka 10:1

Wo kɔma, Yisa bɔra nyɔ ka ta Yudiya nyamanɛ rɔ Yorodan bɛ kɔgɔma. Nyama nara a wara tun. A ya anu karan iko a duruta a mala nya min tuma-wo-tuma.

Maraka 11:27

Nba, anu sɛgira Yerusalɛm. Yisa ye tala Alla-Bato-Bɔn la tumɛ min, saraka-masɔla-wɛnu anubɛ tɔn-karan-mɔgɛnu anubɛ kɛmɔgɛnu nara a wara.

Maraka 14:49

N bi wo karanna nun tele-wo-tele Alla-Bato-Bɔn la, wo ma n bira. Kɔnɔ a fɛrɛ sa fɔ min sɛbɛnɛ Allata kitabu rɔ, wo ni bɔ-a-la.”

Luka 19:47

Yisa tora mɔgɛnu karanna tele-wo-tele Alla-Bato-Bɔn la. A faga-sɔgɛ ye saraka-masɔla-wɛnu na anubɛ tɔn-karan-mɔgɛnu anubɛ kun-tigi minnu bi anu tɛma nun.

Luka 20:1

Lunyɛ do, Yisa ye mɔgɛnu karanna Alla-Bato-Bɔn la. A ye kibara-nyimɛ kawandilɛ bɔla tumɛ min, saraka-masɔla-wɛnu anubɛ tɔn-karan-mɔgɛnu anubɛ kɛmɔgɛnu nara a wara.

Luka 21:37

Tele-wo-tele, Yisa ye mɔgɛnu karanna Alla-Bato-Bɔn la. Suyi wa ke tumɛ min, a ni ta ki Ɔlifi kɔnkɛ kuma.

Yɔni 18:20

Yisa ya a yabi ko, “N bara kuma gbɛ rɔ mɔgɛ bɛɛ ye. N bara mɔgɛnu karan dina-bɔnnu na anubɛ Alla-Bato-Bɔn la, Yahudiya bɛɛ la si dɛn kan min. N ma fenfen fɔ dogɔn rɔ.

Yɔni 7:42

A sɛbɛnɛ Allata kitabu rɔ ko Allata Mɔgɔ-Yabɔnɛ si bɔ Mansa Dawuda bɔnsɔn rɔ. A ko a si sɔrɔn Mansa Dawudala soe burɔ Bɛtalehɛm.”