Maraka 12:33 - ALLALA KUMƐ

³³ Woletɔ mɔgɛ ni Alla keni a yisi bɛɛ la, a hɛnkili bɛɛ la, anubɛ a sɛnbɛ bɛɛ la. I ni i sigi-nyɔgɛ keni iko i nyɛrɛ, ado yanni mɔgɛ ni na sogenu na ka anu mintan saraka-bɔ-tinɛ kuma anubɛ ka saraka-gbɛrɛnu di Alla ma, a fisa, mɔgɛ ni tɔn filɛ kɛnu bira.”

Maraka 12:33 ပူးပေါင်းရင်းမြစ်များ

Yaburi 50:23

Ka baraka bira n ye, sarakɛ le wo la min si gbiliyɛ di n ma. Min bɛɛ ye n kan tola a gbɛ rɔ, n bi wonu nakisila le.”

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Hoseya 6:6

N bi nyinina hinɛ le ma wo bolo, saraka ma de! Yanni nna mɔgɛnu ni sarakɛnu mintan n ye, a fisa, anu ni nde lɔn a kila-bɛrɛbɛrɛ fɛ.

Matiyu 12:7

A sɛbɛnɛ Allata kitabu rɔ ko, ‘N sa saraka-soge fɛ fɔ kinikinɛ.’ Ni wo ya wo kɔrɛ lɔn nun bɛrɛkɛ, wo ti mɔgɔ-magbalanɛ kɛnu yiliki,

Matiyu 9:13

Wo ta kumɛ kɛ kɔrɛ nyini Allata kitabu rɔ ko, ‘A sa nyinina saraka-soge ma ma bolo fɔ kinikinɛ,’ bawo n ma na mɔgɔ-telennɛnu kele tinɛ fɔ hakɛ-tiginu alako wonu ni bila n fɛ.”

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

Hiburunu 10:8

Sarakɛ wo bɛɛ masɔra iko a sɛbɛnɛ Allala tɔn rɔ nya min kɔnɔ hali wo, Yisa ya a fɔ ko, “Soge minnu mintanta saraka-bɔ-tinɛ kuma, wonu dɔrɔn ti i hɛnɛ. I sa nyinina sarakɛnu ma minnu bi bɔla hakɛnuna ko la.”

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.