Maraka 12:17 - ALLALA KUMƐ

¹⁷ Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.” Anu kawara a ma bɛrɛkɛ!

Maraka 12:17 ပူးပေါင်းရင်းမြစ်များ

Hɛnkilimaya-Kumɛnu 23:26

Nna den, i yɛ sɔ n na. I ni i sanka n ma ka n kɛ-nya bi.

Hɛnkilimaya-Kumɛnu 24:21

Nna den, Mari gbiliya. Wo kɔma, i ni mansɛ fanan gbiliya. Ni a sɔgɔ sa i la ka Mari anubɛ mansɛta tɔrɔyɛ sɔrɔn, i kana i dɛndɛn mɔgɔ-murutiyanɛnu na

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Matiyu 22:21

Anu ya a yabi ko, “Romu nyamanɛ kun-tigi-ba.” Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.”

Matiyu 22:22

Anu ya wo lamɔɛn tumɛ min, anu kawara kati! Anu bɔra a fɛ ka ta anu ye.

Matiyu 22:33

Nyama ya wo lamɔɛn tumɛ min, anu kawara Yisala karan ma.

Matiyu 22:46

Hali dafa, mɔgɔ kelen ma a tɛgɛ. Ka a dabira wo tele ma, mɔgɔ-wo-mɔgɔ ma sisi a manyinikala nyinikali-gbɛrɛ la tun.

Matiyu 8:10

Yisa ya wo lamɔɛn tumɛ min, a kawara. A ya a fɔ a gba-fɛ-bilalɛnu ye ko, “Wo ni wo hɛnkili to kɛ ko! N ma kɛ-nyɔgɔn-dɛnkɛninyɛ yen mɔgɔ-wo-mɔgɔ bolo Isirɛla mɔgɛnu tɛma.

Maraka 12:16

Anu nara wodi-mɛlan do la. A ya anu manyinika ko, “Yon yakɔrɛ anubɛ tɔgɛ ye kɛ ma?” Anu ya a yabi ko, “Romu nyamani-kun-tigi.”

Maraka 12:30

I ni ita Mari keni i yisi bɛɛ la anubɛ i sɔndɔmɛ bɛɛ, i hɛnkili bɛɛ, anubɛ i sɛnbɛ bɛɛ la.’

Luka 20:25

Wo le ya a to, Yisa ko, “Nba, wo le. Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.”

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 13:7

Ni yili ye minnu na, anu ni anu sara. Wo ni wola duti bɛɛ sara fanan. Wo ni mɔgɛnu gbiliya iko a bɛnta, wo ni anu gbiliya nya min.

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

1 Pita 2:17

Wo ni mɔgɛ bɛɛ gbiliya. Wo ni wo ta-nyɔgɛ dɛnkɛninya-mɔgɛnu keni. Wo ni kilan Alla la ka nyamani-tigi gbiliya.