Maraka 12:14 - ALLALA KUMƐ

¹⁴ Anu nara a wara, anu ko, “Karan-mɔgɔ, ma ya a lɔn ko mɔgɔ-telennɛ le ile la. I ti kilan mɔgɔ-wo-mɔgɔ la, ado bɛɛ rakɛn ile yala. I ye mɔgɛnu karanna a kilɛ fɛ ka a bɛn Alla wara-koe ma. Nba, i miriya ye kama? Ka duti sara Romu nyamani-kun-tigi ma, mala tɔn-tinyɛ le wo la, ka, a sa wo nya?”

Maraka 12:14 ပူးပေါင်းရင်းမြစ်များ

2 Ko-Kɔrɔta-Karan 18:13

Kɔnɔ Nɛbi Mɛkaya ya a fɔ a ye ko, “A ye malebɛ Mari tɛma, nta Alla ye min fɔla n ye, n bi wo le latenbila mansɛ ma.”

2 Ko-Kɔrɔta-Karan 19:7

Wo ni Mari gbiliya ka kitinu tɛgɛ a kilɛ fɛ. Mata Mari Alla ti sɔn ko-radunɛ ma, lafisayali, anubɛ nɔnfulu-birɛ kiti tɛgɛ tinɛ.”

Nihɛmaya 9:37

Ma ara hakɛ kɛ min kɛ, mala nyamanɛ kɛ tɔnɛ bɛɛ ara ban tola sibolo-gbɛrɛ-mansɛnu denu ye. Koe minnu di anu ye, anu bi wo le sigila mabɛ mala kolo-fannu ma. Ma ye tɔrɔya-belebele le kɔrɔ kɛ la.”

Yaburi 120:2

Mari, n nakisi yanfantenu anubɛ foninya-fɔlɛnu masibɛ ma.

Yaburi 55:21

A ye kuma-teleka-telekɛ min nabɔla a da rɔ, wo di iko fɛnɛ kɔnɔ fenfen sa a sɔn-kole rɔ fɔ gboyanayɛ. Fɔlɔ nun, kumɛ min bi bɔla a da rɔ, wonu manɛ n fɛrɛ ma iko tuli kɔnɔ a ye kumɛ min nabɔla a da rɔ kaka, wo mani de n fɛrɛ ma iko anu ba mɔgɔ tɛgɛ faan la.

Yɛrɛmaya 42:20

wo ara wo nyɛrɛ baya min si a ma, wo kunyɛ si to-a-rɔ. Wo ya n manyinika ko n ni mata Mari Alla madiya wo ye, ado wo ko a miriya ye ko-wo-ko ma, wo ye wonu denu kɛla.

Maika 3:8

“Kɔnɔ nde, Maika sa iko nɛbi doinu bawo Mari ya ata niyi anubɛ ata sɛnbɛ di nde ma fanan. A ya latelen-hɛnkili di n ma. A ara n yisi gbɛlɛya ka wole, Isirɛla mɔgɛnuna hakɛ yira wo la.

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Matiyu 22:17

Nba, i miriya ye kama? Ka duti sara Romu nyamani-kun-tigi wara, mala tɔn-tinyɛ le wo la, ka, a sa wo nya? Wo fɔ ma ye.”

Maraka 12:13

Anu ya Farisi donubɛ Mansa Hɛrodila mɔgɛ donu nata Yisa ma nyinikali-kɛ-tinɛ a bira-koe la.

Maraka 12:15

Kɔnɔ Yisa ya anuna yanfɛ yen. A ya a fɔ anu ye ko, “Wo ye wo rayala n bira-koe ma nfenna? Na duti-wodi do la, n ni a mafɛlɛn.”

Maraka 14:45

Yudasi kera nya min wo, a tara Yisa wara. A ko, “Karan-mɔgɔ!” A ya a sunbu.

Luka 20:22

Nba, i miriya ye kama? Ka duti sara Romu nyamani-kun-tigi ma, wo telenta, ka, a sa wo nya?”

Luka 23:2

Anu ya a maburɛ dabira. Anu ko, “Ma ya kei kɛ bira bawo a ye mala mɔgɛnu nasamala. A ye a fɔla anu ye ko anu kana duti di Romu kun-tigi-wɛ ma. A ko ale nyɛrɛ le Allata-Mɔgɔ-Yabɔnɛ la, mansɛ, kɔni.”

Yɔni 7:18

Mɔgɛ min bi kumala a nyɛrɛta miriya rɔ, a di a ye, a ni matɔgɔlɛ sɔrɔn mɔgɛnu bolo. Kɔnɔ ni mɔgɛ min ye a fɛ ka a sɔlɛ gbiliya, tonya-fɔlɛ le wo la, foninya-wo-foninya sa a da rɔ.

Romu 13:6

Wo ye duti sarala kɛ le fananna ko la bawo kun-tigi wonu bi anuta wɔlɛ kɛla Alla le kɔrɔ.

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

2 Kɔrɛnti 2:2

ado ni n ya wo ladiminya nun, yon si nde lasewa worɔ fɔ wole n bara minnu nadiminya?

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

2 Kɔrɛnti 5:11

Ma kilannɛ Mari la min kɛ, ma ye ma rayala ko mɔgɛ bɛɛ ni a yɛ lamunun Mari la. Alla ya ma lɔn feu, ado wole ya nde lɔn wo yisi rɔ wo nya na le fanan.

2 Kɔrɛnti 5:16

Nba, ma ti mɔgɛ mafɛlɛn tun iko hadama-dan miriya ye nya min. Fɔlɔ-nun, ma ya Kirasiti mafɛlɛn iko hadama-dan miriya ye nya min kɔnɔ ma ti wo ma tun.

Kalesiya 1:10

N sa n tayala ka mɔgɛ hɛnɛ koe kɛnu tɔ! N bi a fɛ ka Alla kelen pe le hɛnɛ. Wo miri ko n bi n tayala ka diya mɔgɛnu ye, wa? Ni n bi n tayala ka diya mɔgɛnu ye, n ti ma Kirasitila wɔli-kɛlɛ la nun mumɛ!

Kalesiya 2:6

Wonu donu bara anu nyɛrɛ ma mɔgɔ-banu na kɔnɔ hali anu mara mɔgɔ-banu na, nna ko sa wo rɔ. Alla ti mɔgɔ ma mɔgɔ-ba la ala yanyɛ anubɛ ala kinyɛ fɛ, ado mɔgɔ-ba wonu ma a fɔ n ye ko n ni nta kumɛ yɛlɛma sibolo-gbɛrɛnuna ko la.

Tɔn-Fɔɛ-Fila-Nyɔgɛ 16:19

Anu kana ma mɔgɔ-radunɛnu na. Anu kana lafisayalɛ kɛ kiti tɛgɛ tinɛ. Anu kana dogonta-fan bira. Hali mɔgɛ hɛnkili kolo, dogonta-fan si a ma, a ni fiyonya. Hali a telenta, a ra si du kɔnkɔrɔntɔn!

1 Tɛsalonaika 2:4

Iko Alla ara ma lakɔrɔsi nya min, a ye a fɛ, ma ni kibara-nyimɛ fɔ mɔgɛnu ye wo nya na le. A ya wɔlɛ wo bɛɛ kerifa ma la. Ma wa kuma, ma sa ma rayala ka mɔgɛnu hɛnɛ fɔ Alla min bi ma yisi lakɔrɔsila.