Maraka 11:25 - ALLALA KUMƐ

²⁵ Kɔnɔ wo wa sɔ madiyali-kɛ-tinɛ, ni min diminyanɛ mɔgɛ do ma, a ni a makoto. Woletɔ wo Fa Alla min bi Arinyɛni tɔ, wo si wo hakɛnu makoto. [

Maraka 11:25 ပူးပေါင်းရင်းမြစ်များ

Sakaraya 3:1

Ko-rayirɛ do fanan tɔ tun, Mari ya Saraka-Masɔla-Kun-Tigi-Wɛ Yasowa yira n na. A sɔnɛ Mari yakɔrɔ melikala muninyɛ rɔ. Setanɛ sɔnɛ ale Yasowa bolo nyimɛ wara la. Yasowa tɔgɔ-tinya-sɔgɛ ye a la anu bolo.

Matiyu 5:23

Woletɔ ni i ye a fɛ ka Alla kɔ saraka mintan tinɛ kuma Mari bato-bɔn la, i hɛnkili la ni bila ko ila ko siginɛ i ta-nyɔgɛ burɔ,

Matiyu 6:12

Ma ara bila i la minnu na, i ni ma makoto wonu na iko male bɛrɛn bi wonu makotola nya min, minnu bara bila ma la.

Matiyu 6:5

“Wo tenbi madiyali kɛla, wo kana a ma iko nyɛrɛ-mayiralɛnu! A di wonu ye ka madiyali kɛ anu kulu-mayɛlɛnɛ la Yahudiya-dina-bɔnnu na anubɛ sere tɛma alako mɔgɛnu ni anu yen. Wo ni wo hɛnkili to kɛ ko! Anu bara ban anu sarɛ sɔrɔnna feu!

Luka 18:11

“Farisi wo sɔra a dan na ka wuli Alla madiyala ka le, a ko, ‘Alla, n bi baraka birala i ye bawo kɔrɔnditore ma nde la, kensunte ma n na, telenbɛli ma n na nna musi wara la iko mɔgɔ toe bɛɛ ye nya min, ado n bi baraka birala i ye bawo nde sa iko duti-makelelɛ kɛ pan!

Luka 18:13

“Kɔnɔ duti-makelelɛ wo ya a masɛgi a la. A ma sɔn hali ka a yɛ layɛlɛ san ma fɔ ka a kɔgɔ-dɛ matugu. A ko, ‘E, Alla, kinikini nde hakɛ-tigi ma!’

Luka 6:37

“Wo kana mɔgɛnu kiti, woletɔ Alla ti wo fanan kiti. Wo kana mɔgɛnu yiliki, woletɔ Alla ti wo fanan yiliki. Wo ni mɔgɛnu makoto, woletɔ Alla si wo fanan makoto.

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

Kɔlɔsi 3:13

Wo ni wo nyɔgɔn dɛnbɛ. Kumɛ wa wuli wo nyɔgɔn tɛma tumɛ min, wo ni wo nyɔgɔn makoto. Wo ni wo nyɔgɔn makoto iko Mari ara wo fɔlɔn makoto nya min.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

Lankɛnimayɛ 11:4

Nɛbi filɛ wonu, ɔlifi-kɔlɔma filɛ anubɛ lɛnpu filɛ le wonu na. Kɛnu denu sɔnɛ Duninya-Mumɛ-Tigi-Mari yakɔrɔ.