Maraka 11:18 - ALLALA KUMƐ

¹⁸ Saraka-masɔla-wɛnu anubɛ tɔn-karan-mɔgɛnu ya wo lamɔɛn. Woletɔ anu wulita fɛrɛ nyinina Yisa faga-koe ma. Anu kilannɛ a la nun bawo nyama bɛɛ kawara ala karan ma.

Maraka 11:18 ပူးပေါင်းရင်းမြစ်များ

1 Mansɛnu 21:20

Mansa Ehabu ya Nɛbi Ilaya yen tumɛ min, a ya a fɔ a ye ko, “N yoge, i wara n gba bɔ?” Nɛbi Ilaya ko, “Ɔn! Koe minnu ma di Mari ye, i wara i nyɛrɛ ma wonu malɛ la.

1 Mansɛnu 22:18

Mansa Ehabu ya a fɔ Mansa Yɛhosafati ye ko, “N ma a fɔ i ye nun? Kumɛ min ma di n tole la, kɛ si wonu denu fɔ n ye?”

1 Mansɛnu 22:8

Mansa Ehabu ya a fɔ a ye ko, “Mɔgɔ kelen bi yan, Imilala den Nɛbi Mɛkaya, kɔni. Kɔnɔ wo ma di n ye mumɛ bawo a ti wɔlɔyiya-kuma-wo-kuma fɔ n ye min di n tole la fɔ a yogomɛ gbansan!” Mansa Yɛhosafati ya Mansa Ehabu makawandi ko, “A ma bɛn, i ni kuma-sufa kɛ fɔ muk!”

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Matiyu 21:15

Saraka-masɔla-wɛnu anubɛ tɔn-karan-mɔgɛnu ya Yisa yen kabana-koenu kɛla. Anu ya a lamɔɛn dennɛnu bi anu kan nabɔla Alla-Bato-Bɔn la ko, “Mansa Dawudala dan, i ni sɛnɛ!” Wo le ya a ma, anu diminyara.

Matiyu 7:28

Yisa banta koe wonu fɔla tumɛ min, nyama kawara ala karan wo ma.

Maraka 1:22

Min bɛɛ ya ala karan lamɔɛn, wonu kawara ala karan ma. A ma anu karan iko tɔn-karan-mɔgɛnu bawo sɛnbɛ ye ala karan rɔ!

Maraka 11:32

Kɔnɔ ni ma ko, ‘A bɔra mɔgɛ le bolo,’ mɔgɛnu si min kɛ, ma kilannɛ wo la bawo anu dama lanɛ a la ko Yɔni, nɛbi le.”

Maraka 12:12

Yahudiyanuna kun-tiginu ya anu taya Yisa bira-koe ma bawo anu ya a lɔn ko Yisa ya tili wo tɛgɛ anu denu denu ma. Kɔnɔ anu kilanta nyama la min kɛ, anu bɔra a fɛ ka ta anu ye.

Maraka 3:6

Tiriyante wo rɔ, Farisinu anubɛ Mansa Hɛrodila bila-fɛ-mɔgɛ donu tara anu kun nayigi alako anu si Yisa faga-koe rabɛn nya min.

Maraka 6:20

Mansa Hɛrodi kilanta Yɔni la bawo a ya Yɔni lɔn mɔgɔ-nyimɛ la, ado a sɛnima. Woletɔ a ya a kandan a kin na! Hɛrodi wa a tole masɔ Yɔni la tuma-wo-tuma, a kɔndɔ si fili kɔnɔ hali wo, a di a ye ka a tole masɔ a la tun!

Luka 19:47

Yisa tora mɔgɛnu karanna tele-wo-tele Alla-Bato-Bɔn la. A faga-sɔgɛ ye saraka-masɔla-wɛnu na anubɛ tɔn-karan-mɔgɛnu anubɛ kun-tigi minnu bi anu tɛma nun.

Luka 2:47

Min bɛɛ ya ala kirabɔ-kan lamɔɛn, wonu kawara ala hɛnkilimayɛ anubɛ ala yabilɛnu ma.

Luka 20:19

Tɔn-karan-mɔgɛnu anubɛ saraka-masɔla-wɛnu ya anu taya wo wati rɔ ko anu ni Yisa bira bawo anu ya a lɔn ko a ya tili kɛ tɛgɛ anu denu denuna ko la. Kɔnɔ anu kilanta mɔgɛnu na.

Luka 4:22

Anu dama ya a tɔgɔ-nyimɛ fɔ ka kawa ala kuma-nyimɛnu ma. Anu ko, “Yusufula dan ma kɛ la, wa? Kɛ mara kama?”

Yɔni 7:1

Wo kɔma, Yisa ya Kalili sigisɔn ratagama. A ma sɔn tala Yudiya nyamanɛ rɔ bawo Yahudiyanuna kun-tigi minnu bi nyɔ, wonu bi a faga-koe rɔ.

Yɔni 7:19

Nɛbi Musa ya Allala tɔn di wo ma nun, a sa wo nya le? Kɔnɔ hali wo, wo kelen bɛrɛn sa tɔn birala. Nfenna wo ye wo rayala n faga-koe ma?”

Yɔni 7:46

Kandannɛ wonu ya anu yabi ko, “Ha bi, mɔgɔ-wo-mɔgɔ ma kuma iko kei kɛ kumara nya min!”

Kɛwɔlɛnu 24:25

Kɔnɔ Pɔli wulita kumala ko-nyima-kɛ-koe anubɛ nyɛrɛ-bira-koe anubɛ kiti-tɛgɛ-tele-koe ma min kɛ, Mansa Filikisi kilanta. A ko, “Wo ara a bɔ. Ta fɔlɔn. N ba fɛrɛ sɔrɔn tumɛ min, n si i kele.”