Maraka 10:52 - ALLALA KUMƐ

⁵² Yisa ya a fɔ a ye ko, “Ta, ila dɛnkɛninyɛ ara i lakɛndɛya.” Tiriyante wo rɔ, a kera fen yenna. A bilara Yisa fɛ.

Maraka 10:52 ပူးပေါင်းရင်းမြစ်များ

Yaburi 146:8

A si fiyɔnnu yɛ laka. A si mɔgɔ-buinɛnu nasɔ. Telenbagɛnu di Mari ye.

Yaburi 33:9

A kumara le dɔrɔn, duninya danta. A kuman-kan ya a ma, duninyama-fan bɛɛ bɔra gbɛ rɔ.

Aiseya 35:5

Fiyɔnnu si fen yen. Tolo-gberenu si ko lamɔɛn.

Matiyu 11:5

Ya-fiyɔnnu bi fan yenna, namarɛnu bi tagamana, kunatoenu bara kɛndɛya, tolo-gberenu bi ko lamɔɛnna, furinu na ara wuli ka niyi lafɛ, kibara-nyima-kawandili ara bɔ bolo-kolɔnnu ye.

Matiyu 12:22

Nba, mɔgɛ donu nara kei do la Yisa wara. Fiyɔn le. A ti ke kumala fanan bawo nyinatoe le. Yisa ya a lakɛndɛya min kɛ, a wulita kumala anubɛ a yɛ lakara ka fen-yen kɛ fanan.

Matiyu 15:28

Nba, Yisa ya a fɔ a ye ko, “N biran-musi, ila dɛnkɛninyɛ kolo! I diyana-koe ni kɛ i ye.” Wo wati nyɛrɛ rɔ, ala dunmusi kɛndɛyara.

Matiyu 21:14

Fiyɔnnu anubɛ minnu bi anu tonkanna, wonu nara a wara Alla-Bato-Bɔn la. A ya wonu nakɛndɛya.

Matiyu 8:3

Yisa ya a bole sa kirayatoe wo kuma. A ya a fɔ a ye ko, “N bara sɔn i lakɛndɛya-koe ma.” A fɛrɛ kɛndɛyara tiriya!

Matiyu 9:22

Yisa ya a tintan tumɛ min, a ya ale musi yen. A ya a fɔ a ye ko, “N na, i yisi ni kimɛ! Ila dɛnkɛninyɛ ara i lakɛndɛya.” Musi wo kɛndɛyara wati kelan wo kɔrɔ tiriya!

Maraka 1:31

Yisa tara musi wo wara. A ya musi wo bole bira tumɛ min, fɛrɛma-kaliyɛ ya a boloka kelenna! A ya a dɛnbɛ a lasɔla ka wɔli-kɛ dabira anu ye.

Maraka 5:34

Yisa ya a fɔ musi wo ye ko, “N na, ila dɛnkɛninyɛ ara i lakɛndɛya. Ta yisi-kimɛ rɔ. Ila kirayɛ ara ban i rɔ.”

Maraka 8:25

Yisa ya a bolenu sa kei wo yɛ ma tun. Kei wo yɛ lakara bɛrɛkɛ! A ye fen yenna a kilɛ fɛ kaka!

Luka 7:50

Kɔnɔ Yisa ya a fɔ musi wo ye ko, “Ila dɛnkɛninyɛ ara i kisi. Ta yisi-kimɛ rɔ.”

Luka 9:48

A ya a fɔ anu ye ko, “Ni min ya dennɛ kɛ rabira n tɔgɛ rɔ, wo ara nde rabira, ado ni min ya nde rabira, wo ara n sɔlɛ fanan tabira. Min famayiginɛ wo dama ko wo tɛma, wo le kolo wo dama ko.”

Yɔni 9:32

Kebi duninya danta, mɔgɔ ma a lamɔɛn bɛ ko mɔgɛ do ara fiyɔn yɛ laka min sɔrɔnta fiyonyɛ rɔ.

Yɔni 9:39

Yisa ko, “N nara duninya kɛ rɔ ka dan-nafarɛ yira mɔgɛnu tɛma. Fiyɔn yɛ la si ka, ado minnu mirinɛ ko anu yɛ lakanɛ, wonu si fiyonya.”

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’