Maraka 10:23 - ALLALA KUMƐ

²³ Yisa ya a yɛ lamunun ala karan-dannu na ka a fɔ anu ye ko, “Nɔnfulu-tiginu don-koe Allala mansayɛ rɔ, wo gbɛlɛ de!”

Maraka 10:23 ပူးပေါင်းရင်းမြစ်များ

Yobu 31:24

Ha bi, n ma n yigi sa nna fen-kolomɛnu kuma,

Matiyu 18:3

A ko, “Wo ni wo hɛnkili to kɛ ko! Ni wo ma wo nyɛrɛ kɛ-nya yɛlɛma ka ma iko dennɛnu, wo ti don Allata mansayɛ kɔrɔ min bi Arinyɛni na muk!

Maraka 10:15

Wo ni wo hɛnkili to kɛ ko! Ni min ti Allala mansayɛ rabira iko dennɛ, wo ti don a rɔ mumɛ!”

Maraka 10:22

A ara a yakɔrɛ funu. A yisi-magboyanɛ tara bawo bana le ale la nun.

Maraka 3:5

Yisa ya anu dama mafɛlɛn. A diminyara anu ma kɔnɔ a kinikinita anu ma fanan anuna yisi-gbɛlɛyɛla ko la. A ya a fɔ kei wo ye ko, “I ni i bole rasagan.” A ya a bole rasagan nkɛkuna, a kɛndɛyara kelenna!

Maraka 5:32

Kɔnɔ Yisa tora a yɛ lakalanna alako min ya wo ma, a si wo yen nya min.

Luka 18:24

Yisa ya a yen min kɛ ko a yisi ma ara gboya, a ko, “Nɔnfulu-tiginu don-koe Allala mansayɛ rɔ, wo gbɛlɛ de,

Yɔni 3:5

Yisa ya a yabi ko, “N bi tonyɛ fɔla i ye, mɔgɔ-wo-mɔgɔ ti ke donna Allala mansayɛ rɔ, fɔ ni a sɔrɔnta yi anubɛ Allala Ni-Sɛnimɛ la.

1 Kɔrɛnti 1:26

N na-kelen-nyɔgɛnu, Alla ya wo kele tumɛ min, wo ye nya min nun, wo ni wo yili to wo ko. Iko hadama-dan si fan dan nya min, a hɛnkilima wo, a mɔgɔ-ba wo, a kun-tigi wo, wonu ma siya wo tɛma nun.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.

2 Pita 1:11

Ni wo ya wo ma, wo wa don habadan-mansayɛ rɔ, ma Mari anubɛ ma kisilɛ Yisa Kirasiti ye kan min, anu si wo labɛn sewɛ la.