Maraka 10:1 - ALLALA KUMƐ

¹ Wo kɔma, Yisa bɔra nyɔ ka ta Yudiya nyamanɛ rɔ Yorodan bɛ kɔgɔma. Nyama nara a wara tun. A ya anu karan iko a duruta a mala nya min tuma-wo-tuma.

Maraka 10:1 ပူးပေါင်းရင်းမြစ်များ

Makawandili Kumɛnu 12:9

Kɔnɔ hɛnkili ye nde, karan-mɔgɔ bolo min kɛ, woletɔ n tora mɔgɛnu karanna. N ya hɛnkilimaya-kumɛnu nakɔrɔsi ka a lɔn ni tonyɛ ye anu tɔ.

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Matiyu 26:55

Yisa kumara nyama ye ko, “Fɔ wo ni na faannu anubɛ gbelekɛnu na n bira tinɛ iko tɔn-tinyanɛ le nde la? N ya n sigi Alla-Bato-Bɔn la tele-wo-tele ka mɔgɛnu karan, wo ma n bira wulɔn?

Matiyu 4:23

Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Maraka 1:21

Anu tara ke Kapereniyam soe burɔ. Yahudiyanuta Sulen-Tele kera nkɛkuna, Yisa donta Yahudiya-dina-bɔn la ka mɔgɛnu karan dabira.

Maraka 10:2

Farisi donu nara a wara ka anu taya a bira-koe ma. Anu ya a manyinika ko, “A fɔ ma ye wa, mala tɔn si sɔn ko kei ni a ban ala musi la?”

Maraka 12:35

Yisa ye mɔgɛnu karanna Alla-Bato-Bɔn la tumɛ min, a ya nyinikalɛ kɛ ko, “Tɔn-karan-mɔgɛnu bi a fɔla kama ko Allata-Mɔgɔ-Yabɔnɛ si bɔ Mansa Dawuda bɔnsɔn rɔ?

Maraka 14:49

N bi wo karanna nun tele-wo-tele Alla-Bato-Bɔn la, wo ma n bira. Kɔnɔ a fɛrɛ sa fɔ min sɛbɛnɛ Allata kitabu rɔ, wo ni bɔ-a-la.”

Maraka 2:13

Yisa sɛgira Kalili dalɛ dala tumɛ min, mɔgɔ siyaman nara a wara. Yisa ya anu karan dabira.

Maraka 4:2

A ya ko siyaman fɔ anu ye tilinu tɔ. A ko,

Maraka 6:2

Sulen-Tele ma, a ya mɔgɛnu karan Yahudiya-dina-bɔn la. Mɔgɔ siyaman nadɛnta nyɔ. Anu ya ala karan lamɔɛn tumɛ min, anu dama kawara. Anu ya nyinikalɛ kɛ ko, “Yon ya hɛnkili kɛ di a ma? A ya hɛnkili kɛ bɛɛ sɔrɔn mintɔ? A si ke kabana-koenu mala kama?

Maraka 6:34

Yisa bɔra kulɔn rɔ tumɛ min, a ya nyama-belebele-wɛ wo yen. A yisi fara kinikinɛ la anuna ko la bawo anu manɛ iko saga-fɛ-birala sa sagɛ minnu fɛ. Wo le ya a ma, a wulita anu karanna ko siyaman na.

Maraka 6:6

A kawara anuna dɛnkɛninyabɛlitayɛ ma kati! Wo kɔma, so-mɛsɛ minnu bi nyɔla foolɛ rɔ, Yisa tagamanta wo bɛɛ rɔ ka mɔgɛnu karan.

Yɔni 10:40

Wo kɔma, Yisa tenbira Yorodan bɛ kɔma tun, Yɔni ya batasili kɛ kan min nun. A tora nyɔ.

Yɔni 11:7

Tele filɛ wo kɔma, a ya a fɔ ala karan-dannu ye ko, “Ma sɛgi wona Yudiya nyamanɛ rɔ.”

Yɔni 18:20

Yisa ya a yabi ko, “N bara kuma gbɛ rɔ mɔgɛ bɛɛ ye. N bara mɔgɛnu karan dina-bɔnnu na anubɛ Alla-Bato-Bɔn la, Yahudiya bɛɛ la si dɛn kan min. N ma fenfen fɔ dogɔn rɔ.