Maraka 1:5 - ALLALA KUMƐ

⁵ Mɔgɛ min bɛɛ ye Yudiya nyamanɛ rɔ anubɛ Yerusalɛm soe burɔ, wonu tara anu tole masɔ Yɔnila kumɛ la. Anu ban anu sɔla anuna hakɛnu na nkɛkuna, a ya anu batasi Yorodan bɛ rɔ.

Maraka 1:5 ပူးပေါင်းရင်းမြစ်များ

Yaburi 32:5

Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Matiyu 4:25

Nyama bilara a fɛ. Kalili ka wo, Yerusalɛm ka wo, Yudiya ka wo, Yorodan bɛ kan-kɔma-mɔgɔ wo, anubɛ minnu bɔra so-kun-tan wonu tɔ wo, wonu bilara a fɛ.

Maraka 1:4

Woletɔ Yɔni tara wula-da-rakolɔn rɔ mɔgɛnu batasi tinɛ. A ye kawandili bɔla ko, “Wo ni sɔn batasi-koe ma ka a yira ko wo ara wo kan-kɔ sɔ wola hakɛnu na. Ni wo ya wo ma, Alla si wo makoto wola hakɛnu na.”

Maraka 1:6

Duruki min nadannɛ nyomo-siyi la, Yɔni ya wo don a kan na ka a butɛ kiri sogo-gbole la. A taranta kondɔnnu anubɛ liyi dɔnna nun.

Yɔni 1:28

Kɛ bɛɛ mara Bɛtani soe da kɔrɔ, Yɔni ye batasili kɛla kan min nun, Yorodan bɛ kɔgɔma.)

Yɔni 3:23

Yɔni fanan ye batasili kɛla tenke-yi do rɔ nun Selɛm soe dafɛ bawo tenke wo rayan nun. Mɔgɛnu ba ta a wara, a si wonu batasi. (

Yɔni 5:35

Yɔni-Batasi-Kɛlɛ nara waan la iko lɛnpu lamalannɛ. Wo sewara ala wan-takɛ wo la nun wati-kundu-ni kɔrɔ ka a diya bɔ.

Kɛwɔlɛnu 19:18

Dɛnkɛninya-mɔgɔ siyaman wulita anu sɔn-yogomɛ rakaranna ka wo labɔ gbɛ rɔ.

Kɛwɔlɛnu 2:38

Pita ya a fɔ anu ye ko, “Wo kelen-kelennamɛ-bɛɛ ni yɛlɛma ka wo kan-kɔ sɔ wola hakɛnu na. Wo kɔma, wo ni batasi ale Yisa, Allata-Mɔgɔ-Yabɔnɛ tɔgɛ rɔ, woletɔ Alla si wo makoto wola hakɛnu ma. Alla si ata Ni-Sɛnimɛ di wo ma.

Yemesi 5:16

Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

Yasowa 7:19

Yasowa ya a fɔ Ekan ye ko, “Nna dan, i ni tonyɛ fɔ Isirɛlata Mari Alla ye kaka ka i sɔ i hakɛ la. I ya min ma, wo fɔ n ye kaka. I kana ko-wo-ko dogon n ma.”