Maraka 1:40 - ALLALA KUMƐ

⁴⁰ Fɛrɛma-kirayatoe do nara a nyɛnkin Yisa kin kɔrɔ a madiya tinɛ a dɛnbɛn -koe la. A ko, “Ni i ye a fɛ ka n nakɛndɛya, n ya a lɔn ko wo sɛnbɛ ye ile bolo ka n nakɛndɛya.”

Maraka 1:40 ပူးပေါင်းရင်းမြစ်များ

Ko-Dabirɛnu 18:14

Koe do ye nyɔ min gbɛlɛ Mari yala, wa? N si sɛgi i warɛ yan a wati-latɛgɛnɛ rɔ yari. Sira kɛ si den-kei sɔrɔn, yɔ.”

2 Samuwɛli 3:29

Alamɛ Yohabu anubɛ ala denbayɛ ya tɔrɔyɛ kɛ sɔrɔn ka a tɛgɛ Abina faga-koe kɛ ma. Alamɛ anu ya tɔrɔya-su kɛnu sɔrɔn, kɔrɔsini-gbɛ wo, fɛrɛma-kirayɛ wo, ni wo ma, anu ni to wurundi-kɛ-wɔlɛ kɛla iko musu-kɔrɔnɛ, ni wo ma, anu kunyɛ ni to kɛlɛ rɔ, ni wo ma, anu ni faga kɔnkɛ bolo. Tɔrɔya-su kelen-kelan kɛnu ni a bɔnsɔn bɛɛsi tɔrɔ kelen-kelenyɛ ma.”

2 Mansɛnu 15:5

Mari ya a ma, Yusaya ya kiraya-yogomɛ do sɔrɔn a fɛrɛ ma, ado kirayɛ wo tora a ma ha a lakirayara. Ka a tɛgɛ kirayɛ wo ma, a tora sigini bɔn do la a dan na. Ale ma mansaya-wɔli kɛ tun fɔ ala den Yotam, a ya wo le ma ala nyamani-kumafɛlɛnnɛ la.

2 Mansɛnu 7:3

Wati wo ya a taran, kunato mɔgɔ nani siginɛ tarɛ-don-dɛ kɔma. Wonu bi a fɔla anu nyɔgɔn ye ko, “Nfen ya a to, male siginɛ yan saya makɔnɔ tinɛ.

2 Ko-Kɔrɔta-Karan 6:13

(Mansa Silamɛni ya bɛndɛ do ladan silɛɛ la nun ka wo sɔ kata-kɔmatɛ burɔ. Bɛndɛ wo lɔngbɔn nunkan-nya loli, a kɔnɛ nunkan-nya loli, a sɔɛ nunkan-nya sawa. A yɛlɛta bɛndɛ wo kuma, a ya a nyɛnkin mɔgɛ bɛɛ yala nyɔ. A ya a bolo filɛ sigi san ma.)

Matiyu 11:5

Ya-fiyɔnnu bi fan yenna, namarɛnu bi tagamana, kunatoenu bara kɛndɛya, tolo-gberenu bi ko lamɔɛnna, furinu na ara wuli ka niyi lafɛ, kibara-nyima-kawandili ara bɔ bolo-kolɔnnu ye.

Matiyu 17:14

Anu sɛgira nyama wara la tumɛ min, kei do nara Yisa wara ka a nyɛnkin a kɔrɔ.

Maraka 1:41

Yisa kinikinita a ma. A ya a bole sa a kuma. A ya a fɔ a ye ko, “N bara sɔn i lakɛndɛya-koe ma.”

Maraka 10:17

Yisa wulita ala tagama rɔ tumɛ min tun, kei do burimatoe nara ka a nyɛnkin a kɔrɔ a madiya tinɛ. A ko, “Karan-mɔgɔ-nyimɛ, n ni nfen ma alako n ni habadan-nimayɛ sɔrɔn?”

Luka 22:41

Yisa ya a masɛgi anu na doni ka ta a dan na. A ya a nyɛnkin madiyali-kɛ-tinɛ.

Kɛwɔlɛnu 7:60

A ya a nyɛnkin ka gbele-gbelen kan-ba la, a ko, “Mari! I kana i fonde lamiri anuna hakɛ kɛ ma!” A ban wo fɔla, a niyi bɔra.

Ɛfɛsa 3:14

Ka a tɛgɛ wo kɔsɔn ma, n bi n nyɛnkinna ma Fa Alla kɔrɔ