Maraka 1:39 - ALLALA KUMƐ

³⁹ Woletɔ a tara Kalili sigisɔn bɛɛ rɔ. A ya kawandili bɔ Yahudiya-dina-bɔnnu na ka nyinɛnu gben mɔgɛnu fɛ.

Maraka 1:39 ပူးပေါင်းရင်းမြစ်များ

Matiyu 4:23

Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Matiyu 9:35

Nba, Yisa tara so-wɛnu anubɛ so-mɛsɛnu tɔ. A ya mɔgɛnu kɔndɔn ka anu karan Yahudiya-dina-bɔnnu na. A ya kibara-nyimɛ kawandili bɔ ka kiraya-sufa bɛɛ lakɛndɛya mɔgɛnu na.

Maraka 1:21

Anu tara ke Kapereniyam soe burɔ. Yahudiyanuta Sulen-Tele kera nkɛkuna, Yisa donta Yahudiya-dina-bɔn la ka mɔgɛnu karan dabira.

Maraka 1:23

Nyina-yogomɛ ye kei min fɛ, tiriyante wo rɔ, wo nara Yahudiya-dina-bɔn la. A wulita gbele-gbelenna.

Maraka 1:38

Kɔnɔ Yisa ya a fɔ anu ye ko, “Ma ni ta soe donu tɔ. A fɛrɛ sa fɔ n ni kibara-nyimɛ lake wonu fanan ma bawo n nara wo lela ko la.”

Maraka 3:1

Wo kɔma, Yisa sɛgira Yahudiya-dina-bɔn la. Kei do ye nyɔ, a bole faganɛ a la.

Maraka 6:6

A kawara anuna dɛnkɛninyabɛlitayɛ ma kati! Wo kɔma, so-mɛsɛ minnu bi nyɔla foolɛ rɔ, Yisa tagamanta wo bɛɛ rɔ ka mɔgɛnu karan.

Maraka 7:30

Woletɔ a sɛgira a warɛ. A ya ala dunmusu-nɛ sani taran sa-fan rɔ nyɔ. Nyinɛ ara bɔ a fɛ feu!

Luka 4:41

Nyinɛnu fanan gbele-gbelenmatoe bɔra nyinatoenu fɛ, anu ko, “Allala dan le ile la!” Anu ya a lɔn Allata-Mɔgɔ-Yabɔnɛ la min kɛ, Yisa ya a fɔ anu ye ko anu kana kuma.