Maraka 1:24 - ALLALA KUMƐ

²⁴ A ko, “Yisa, Nasarɛti kɛ, i ye nyinina nfen ma ma bolo? I wara na ma halaki-koe la, wa? Ma ya ile lɔn. Allata mɔgɔ-sɛnimɛ le ile la!”

Maraka 1:24 ပူးပေါင်းရင်းမြစ်များ

Yaburi 16:10

bawo n yili-latɛgɛnɛ le ko ile Mari ti i ban n na ka n kunyɛ ladon lakira. I ti sɔn ita mɔgɔ-latelennɛ ni tuli kanbɛ rɔ.

Bɔ-Koe-Iyipiti 14:12

Wo tumɛ ma ye Iyipiti nyamanɛ rɔ, ma ma a fɔ i ye nun ko i ni ma to nyɔ ka wɔlɛ kɛ Iyipiti kɛnu ye? Yanni ma ni faga wulɛ kɛ rɔ, a fisa worɔ, ma ni to tɔrɔla Iyipiti kɛnu ye.”

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Matiyu 2:23

Anu sigira soe do burɔ min tɔgɛ Nasarɛti. Wo mara tumɛ min, nɛbinu ya min fɔ kɔrɔma la, wo kanbalita ko, “Mɔgɛnu si a lɔn Nasarɛti kɛ la.”

Matiyu 8:29

Tiriyante wo rɔ, anu gbele-gbelenta ko, “Allala dan, i ye nfen nyinina ma fɛ? I wara na ma tɔrɔ-koe la, yanni ma kiti-wati ni ke, wa?”

Maraka 1:23

Nyina-yogomɛ ye kei min fɛ, tiriyante wo rɔ, wo nara Yahudiya-dina-bɔn la. A wulita gbele-gbelenna.

Maraka 1:25

Yisa ya a fɔ nyinɛ wo ye ko, “A sigi-a-la don! Bɔ kei kɛ fɛ kelenna!”

Maraka 10:47

A ya a lamɔɛn tumɛ min ko Yisa Nasarɛti kɛ le wo la, a ya gbele-gbelan dabira. A ko, “Yisa! Mansa Dawudala dan, kinikini n ma!”

Maraka 14:67

A ya Pita yen a ye a gbalala tɛ fɛ tumɛ min, a ya a mafɛlɛn sin! A ko, “Ile fanan bi Yisa, Nasarɛti kɛ fɛ nun.”

Maraka 16:6

Ale fonike ko, “Wo kana kawa. Wo ye Yisa, Nasarɛti kɛ le nyinina min gbangbanta kɔlɔma ma nun. Kɔnɔ a sa yan. A la ara wuli! Anu ya a sa kan min, wo le kɛ la. Wo ni a mafɛlɛn.

Maraka 5:7

Yisa ya a fɔ nyinɛ wo ye ko, “Nyina-yogomɛ, bɔ kei kɛ fɛ!” A gbele-gbelenta a kulu-mayɛlɛnɛ la ko, “Alla min bi Fan Bɛɛ Kun Na, wola dan Yisa, i ye nyinina nfen ma n bolo? I keli ko i ti n tɔrɔ!”

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Luka 24:19

Yisa ya a manyinika ko, “Koe nyamintannu?” Anu ya a yabi ko, “Koe minnu bara ma Yisa Nasarɛti kɛ la. Nɛbi le kei wo la nun. Sɛnbɛ ye ala kɛwɔlɛnu anubɛ ala kumɛnu tɔ Alla anubɛ mɔgɛ bɛɛ yala.

Luka 4:34

“E! Ile Yisa Nasarɛti kɛ, i ye nfen fɛ ma bolo? I nara yan ma halaki-koe la, wa? N ya ile lɔn. Allata kilaya-sɛnimɛ le ile la!”

Luka 8:28

Nyinatoe wo ya Yisa yen tumɛ min, a wɔrɔndɔra bɛrɛkɛ! A ya a sa Yisa kɔrɔ ka a fɔ a kulu-mayɛlɛnɛ la ko, “Alla min Bi Fan Bɛɛ Kun Na, wola dan Yisa, i ye nyinina nfen ma n bolo? N bi i madiyala, i kana n tɔrɔ!”

Luka 8:37

Nyama min bɛɛ bɔra Kadara kɛnuna nyamanɛ rɔ, anu ya a fɔ Yisa ye ko a ni bɔ nyɔ bawo anu dama ara kilan bɛrɛkɛ! Woletɔ Yisa donta kulɔn rɔ ka sɛgi.

Yɔni 6:69

Nba, ma ara dɛnkɛninya i ma ka i lɔn Allatalata mɔgɔ-sɛnimɛ la.”

Kɛwɔlɛnu 2:27

Yigi wo ye n bolo bawo n niyi ti to lakira. I ti sɔn nde, ila Wɔli-Kɛla-Sɛnimɛ ni tuli kanbɛ rɔ.

Kɛwɔlɛnu 24:5

Ma ya kei kɛ lɔn mɔgɔ-tɔrɔla-wɛ la. A ye murutiyɛ kɛla Yahudiyanu tɛma duninya fan bɛɛ. Nasarɛti kɛ ya dina min nafɔlɔ, ale le ye wo kun-tigiyɛ la.

Kɛwɔlɛnu 3:14

Yisa telennɛ, fɛɛ-wo-fɛɛ sa a la kɔnɔ wo ya wo ban a la. Wo ya Pailɛti madiya ko a ni mɔgɔ-fagalɛ do boloka wo ye.

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.

Yemesi 2:19

I lanɛ a la ko Alla kelen pe le nyɔ, nyɛ? Wo kin! Nyinɛnu fanan lanɛ wo la ka yɛrɛyɛrɛn kilan bolo.

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.