Maraka 1:21 - ALLALA KUMƐ

²¹ Anu tara ke Kapereniyam soe burɔ. Yahudiyanuta Sulen-Tele kera nkɛkuna, Yisa donta Yahudiya-dina-bɔn la ka mɔgɛnu karan dabira.

Maraka 1:21 ပူးပေါင်းရင်းမြစ်များ

Matiyu 4:13

A bɔɛ Nasarɛti soe burɔ, a tara a sigi Kapereniyam soe burɔ Kalili dalɛ dafɛ min bi Sɛbulɔn anubɛ Nafatali nyamanɛnu tɔ.

Matiyu 4:23

Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Maraka 1:20

Yisa ya anu yen nkɛkuna, tiriyante wo rɔ, a ya wonu fanan kele. Anu ya anu fa Sɛbɛdi to kulɔn rɔ, anubɛ ata wɔli-kɛlɛnu. Anu fanan bilara Yisa fɛ.

Maraka 1:29

Anu bɔɛ Yahudiya-dina-bɔn la, anu tara Saimon anubɛ Anduru warɛ kelenna! Yemesi anubɛ Yɔni bilara anu fɛ.

Maraka 1:33

So-burɔ-mɔgɛ bɛɛ ya anu nadɛn Saimonna bonda-dɛ wo la.

Maraka 1:39

Woletɔ a tara Kalili sigisɔn bɛɛ rɔ. A ya kawandili bɔ Yahudiya-dina-bɔnnu na ka nyinɛnu gben mɔgɛnu fɛ.

Maraka 10:1

Wo kɔma, Yisa bɔra nyɔ ka ta Yudiya nyamanɛ rɔ Yorodan bɛ kɔgɔma. Nyama nara a wara tun. A ya anu karan iko a duruta a mala nya min tuma-wo-tuma.

Maraka 2:1

Tele-dande kɔma, Yisa sɛgira Kapereniyam soe burɔ. Kumɛ wo nyɛnsɛnta ko a ara a kɔsɛgi a warɛ.

Maraka 3:1

Wo kɔma, Yisa sɛgira Yahudiya-dina-bɔn la. Kei do ye nyɔ, a bole faganɛ a la.

Maraka 6:2

Sulen-Tele ma, a ya mɔgɛnu karan Yahudiya-dina-bɔn la. Mɔgɔ siyaman nadɛnta nyɔ. Anu ya ala karan lamɔɛn tumɛ min, anu dama kawara. Anu ya nyinikalɛ kɛ ko, “Yon ya hɛnkili kɛ di a ma? A ya hɛnkili kɛ bɛɛ sɔrɔn mintɔ? A si ke kabana-koenu mala kama?

Luka 10:15

Kɔnɔ wole Kapereniyam so-burɔ-mɔgɛnu! Wo ye a fɛ ka wo nyɛrɛ layɛlɛ ha ka ke Arinyɛni tɔ, nyɛ? Ade, Alla si wo lafili ka wo ladon nyahanama rɔ!”

Luka 13:10

Sulen-Tele do ma, Yisa ye mɔgɛnu karanna nun Yahudiya-dina-bɔn la.

Luka 4:16

Wo kɔma, Yisa tara Nasarɛti soe burɔ, a makolota kan min. Sulen-Tele ma, a wulita ka ta Yahudiya-dina-bɔn la iko a duruta a mala nya min. A ya a lasɔ alako a ni Allata kitabu karan anu ye.

Luka 4:23

Yisa ya a fɔ anu ye ko, “N lanɛ a la serr, ko wo si na tili kɛ tɛgɛ n ye ko, ‘Bɛsi-bɔlɛ, i nyɛrɛ lakɛndɛya.’ Wo si a fɔ n ye fanan ko, ‘Ma ya koe minnu namɔɛn i wara-koe rɔ Kapereniyam soe burɔ, i ni wonu ma i nyɛrɛta soe burɔ yan fanan.’

Kɛwɔlɛnu 17:2

Pɔli ya Sulen-Tele sawa kɛ nyɔ. A tara dina-bɔn la iko a duruta a mala nya min. A ya mɔgɛnu makawandi ka bɔ Allata kitabu rɔ

Kɛwɔlɛnu 18:4

Sulen-Tele bɛɛ ma, a kumara Yahudiya-dina-bɔn la ka a raya ko Yahudiyanubɛ sibolo-gbɛrɛnu ni yɛlɛma ka ma dɛnkɛninya-mɔgɛnu na.