Malakayi 4:3 - ALLALA KUMƐ

³ Wo tele wa ke, ale Alla wa a lawuli, a ko wo si wo yogenu nɔ ka anu tatɛrɛgbɛn wo kian kɔrɔ iko gbangban.

Malakayi 4:3 ပူးပေါင်းရင်းမြစ်များ

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

2 Samuwɛli 22:39

N ya anu gbesi dugi la. Anu ma ke anu nasɔla tun. Anu tora sani n kɔrɔ.

2 Samuwɛli 22:43

N ya anu bunden iko fɔnyɔ ye tala gbangban min na. N ya anu tadon iko bore min bi kilɛ la.

Yobu 40:12

Ni minnu ya anu nyɛrɛ lɔn fen na, i ni anu nayarabi. Karagbɛlɛnu sɔnɛ kan min, i ni anu gbesi a rɔ nyɔ.

Yaburi 147:6

A ye mɔgɔ-famayiginɛnu sɔla yiri! Kɔnɔ a si karagbɛlɛnu fɛrɛn dugi la ka anu bunden korr!

Yaburi 49:14

Anu bi fagala le iko sagɛ. Lakira si anu makandan. Lakira min fɛ-yan anu barɛ la, anu si tuli nyɔ rɔ tiriya! Kɔnɔ mɔgɔ-telennɛ minnu bi nala yarɔ, wonu si na fanka sɔrɔn anu kuma.

Yaburi 91:13

I si ke tagamana yarɛnu tɛma. Hali duguma-fen-maralamɛnu, i si ke tagamana wonu kuma dɔfidɔfi!

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 26:6

Minnu tɔrɔnɛ, wonu si tenbi so-labuinɛ wo kuma ka ta tagamana a kuma dafi-dafi!

Nimisa Koe 1:15

“N Tigi Mari ma nna kɛlɛ-kurugbɛnu lɔn fenfen na. A ya kɛlɛ-dan donu nana nta kemini-mɛsɛnu kan ma. Alla ara nna mɔgɛnu taburun sagbayi!

Isikiyɛli 28:18

A ya ko-yogoma-siyaman ma ala sanni-kɛ-tinɛ anubɛ fen-mayira-tinɛnu tɔ ha a ya ala batoli-kɛ-tinɛnu pirinkan. Woletɔ n ya ala soe mintan gburr! Mɔgɔ ti fenfen yen soe wo burɔ tun fɔ ta-gbangban.

Daniyɛli 7:18

Kɔnɔ tɔ-a-la, Alla Min Bi Fan Bɛɛ Kun Na, wola mɔgɔ-sɛnimɛnu si duninyama-kun-tigiyɛ sɔrɔn, ado wo ti bɔ anu bolo muk!’

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Maika 5:8

Isirɛla mɔgɛ toe minnu tonɛ, wonu makilannɛ si to iko yara-kɔnkɔtoe. Ni a tara saga-wɔrɛnu tɛma, a si gban ka kɛ do ma ka wo rafarafara. Sagɛ wo kisi-fɛrɛ ti sɔrɔn ale yarɛ bolo.

Maika 7:10

Ma yogenu ba a yen, Mari ara ma dɛnbɛn tun ka ma lasɔ, anu si miliya ka a tɛgɛ anu darɔ-kan ma. Anu denu denu ya ma manyini ko, “Mata Mari Alla wo ye mintɔ?” Kɔnɔ ma si ma yoge wonu tinyanɛ yen. Anu si ma iko bore, mɔgɛnu bi minnu tatɛntɛnna.

Sakaraya 10:5

A ko anu si nɔ-ko sɔrɔn iko kɛlɛ-dan minnu si anu yogenu matɔrɔngba bore rɔ. A ko anu si kɛlɛ kɛ bawo ale Mari ye anu fɛ. Hali kɛlɛ-dan minnu siginɛ soee la, anu si wonu nɔ.

Malakayi 3:17

Mari Sɛnbɛ-Bɛɛ-Tigi ko anu si ma ata mɔgɛ la. Mari ko a wa a halala-mɔgɛnu kundɛn lunyɛ min, anu si ma atɛ la. Iko fa si kinikini ala dan ma nya min min bi wɔli kɛla a ye, Alla fanan si kinikini ata mɔgɛ wonu ma wo nya na le.

Romu 16:20

Alla min bi yisi-kimɛ dila ma ma, wo ti mɛ Setanɛ kasarala wo kin kɔrɔ. Ma Mari Yisala hinɛ ni to wo fɛ.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 14:20

Anu ya nɔnbɔ-gbɔɛ radɔn soe kɔma. Yele bɔra nɔnbɔ-gbɔɛ radɔn tinɛ wo rɔ. A fara ka yɛlɛ iko bɛ. Ala yanyɛ si mɛli kɛmɛ fila bɔ. A rayanyɛ si nunkan-nya nani bɔ.