Malakayi 4:1 - ALLALA KUMƐ

¹ Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Malakayi 4:1 ပူးပေါင်းရင်းမြစ်များ

Yobu 18:16

A si ma iko kɔlɔma min suli ye gbalala. A bolon-mɛsɛnu ma ye fɔsɔla.

Yaburi 119:119

I si karagbɛlɛnu bira boloko-yogomɛ-kɛ iko nyama-nyama, woletɔ ila karan di n ye.

Yaburi 37:9

Minnu lanɛ Mari la, wonu si sigi anu halala-nyamanɛ rɔ kɔnɔ karagbɛlɛnu, wonu bara-koe si firan nyɔ.

Bɔ-Koe-Iyipiti 15:7

Minnu wulita ila mɔgɛnu kan ma, i wara wonu nabui ka anu dɛ ragborokan ita sɛnbɛ-makawanɛ la. I ya ila diminyɛ lana anu kuma ka anu mintan iko bin-gbalɛ.

Aiseya 40:24

Mansɛ wonu mani de iko ki-fan min bɔ-san anu suli labɔla. Mari wa fɔn-fɛlɛfɛlɛnɛ lana, anu si gbala iko bin-gbalɛ. Fɔnyɔ wo ni ta anu na pon!

Aiseya 41:2

“Yon nara nɔli-kɛlɛ la ka bɔ tele-bɔɛ wara la? A wa ta kan-bo-kan, yon ye nɔli-sɛnbɛ dila a ma? Yon bi nɔ-ko-sɛnbɛ dila wo ma mansɛnu anubɛ nyamanɛnu kuma? Nɔli-kɛlɛ wola faan ye mɔgɛnu murumurula iko gbangban. Wola kalabɛn ye anu tanyɛnsɛnna iko fɔnyɔ wa bin-gbalɛnu fɔrɔn.

Aiseya 47:14

I makawandilɛ kɛnu si ma iko tɛ wa sigi yefe-gbalɛ la. Hali ka anu nyɛrɛ lakanan, anu ti ke. Tɛ wo wuyan si anu tabɔ, ado anu gbala ta ma kɛ la.

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Aiseya 9:18

Mɔgɛnuna wunduyogoyɛ ye mintannɛ kɛla iko tɛ tenbi wɔnɔ-fira-gbalanɛ la. A si mintannɛ kɛ fanan iko tɛ tenbi kala-gbalɛ la. A sisi si yɛlɛ kulakula!

Aiseya 9:19

Mari Sɛnbɛ-Bɛɛ-Tigita fondo-bɔ-belebele kɛ si mintannɛ kɛ ka nyamanɛ mumɛ bɛɛ mintan gburr! Mɔgɔ-wo-mɔgɔ ti a nyɔgɔn denkun. Bɛɛ paraparɛ si ta a kun fɛ.

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 21:32

Tɛ si wo tinya. Wo yele si yigi wo halala-nyamanɛ rɔ, ado wo wara-koe la si nyina mɔgɛ bɛɛ la.” Mari kan le kɛ la.

Isikiyɛli 24:11

Wo kɔma, i ni daga-rakolonyanɛ wo sigi ta-wɔlɔn rɔ ha a silɛɛ ni mɔ puipui! Dagɛ wo burɔ-nɔgɛ bɛɛ wa mintan, dagɛ wo sɛninyanɛ si to.

Isikiyɛli 34:17

“Woletɔ a fɔ nna sagɛnu ye ko n bi nala anu kitila ka a nyimɛnu bɔ a yogomɛnu yala. N si baanu bɔ sagɛnu tɛma.

Isikiyɛli 7:10

“Halakiyi ye nala wole Isirɛla mɔgɛnu ma. Wo ara karagbɛlɛyɛ dan-natenbi. Wo ara wasɛ dan-natenbi.

Yowɛli 2:1

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wole Yuda nyamanita-mɔgɛnu, wo ni yɛrɛyɛrɛn kilan bolo bawo Mari natoe le, ado wo wati ara gbɛrɛn.

Yowɛli 2:31

Yanni Marita tele-makilannɛ wo ni ke, tele si fin, karɛ si wulen iko yele.

Emɔsi 2:9

“Mari ko hali wo, wo ni la a la ko ale le nara wo la ka bɔ Iyipiti nyamanɛ rɔ. San bi-nani, a sɔnɛ wo yarɔ wulɛ rɔ. Wo ni wo miri wo yogenu ma, Amoranu, kɔni. Anu yan, anu kolo, anu tagbɛlɛ kɔnɔ Mari ya anu halaki wolela ko la. A ya anuta nyamanɛ di wo ma ka a ma wo halalɛ la.

Hɔbadaya 1:18

Yakoba kegeyɛnu si ma iko tɛ. Ata den Yusufu fanan kegeyɛnu si ma iko ta-mɛlan, ado Isɔ kegeyɛnu si ma iko bin-gbalɛ. Kɔnɔ a ko wonu si Isɔ kegeyɛnu mintan ka anu nato dogbe! Ale Mari kuman-kan le kɛ la.

Nehami 1:10

Anu si mintan iko wɔnɔ-dɛngban anubɛ bin-gbalɛ si mintan nya min gburr!

Sɛfanaya 1:14

Marita kiti-tɛgɛ-wati ara gbɛrɛn, ado a ti mɛ! Wo tele si gbɛlɛya kati! Hali kɛlɛ-den-tagbɛlɛmɛnu si di bawo anu yigi ara tɛgɛ tɔrɔya-sufa wonuna ko la.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Sakaraya 14:1

Marita kiti-tɛgɛ-tele ara gbɛrɛn. Wo tele nyɛrɛ rɔ, sibolo-gbɛrɛnu si bui Yerusalɛm soe ma ka wola fen-kolomɛnu tala wo ya la.

Malakayi 3:15

Alla ko wole mirinɛ ko mɔgɔ-wasinɛnu denu dɔrɔn sewanɛ. Karagbɛlɛnu bara-koe ye tala yarɔ. Wo mirinɛ ko hali anu bi Alla rasumanna anuna ko-yogoma-ladan la, a sa anu tɔrɔla.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Malakayi 3:3

A si kiti sa a kilɛ fɛ iko siyaki min bi wodi-gbɛ laleela ka a bɛrɛ bɔ a boe yala. Iko siyaki ye sɛnɛ anubɛ wodi-gbɛ sɛninyala nya min, Mari si saraka-masɔlɛnu fanan sɛninya wo nya na le. Woletɔ saraka-masɔlɛ wonu si ke saraka-hakikɛnu bɔla Mari ye.

Malakayi 4:5

Yanni wo wati-makilannɛ ni ke tumɛ min, Mari ko a si Nɛbi Ilaya lana wo ma.

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

Luka 19:43

ado tele donu si na, wo yogenu si tarɛ mini wo ma ka kilɛ tɛgɛ wo ma kan tinɛ bɛɛ rɔ.

Luka 21:20

“Wo wa Yerusalɛm lafoonɛ yen kɛlɛ-dannu na tumɛ min, wo si a lɔn worɔ ko a kasara-tumɛ ara gbɛrɛn.

Luka 6:23

Wo wa ma tumɛ min, wo ni wo dɔn sewɛ la bawo barayi-wɛ maranɛ wo ye Arinyɛni tɔ, ado wo benbanu ya nɛbinu tɔrɔ wo nya na le.

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

2 Pita 3:7

Kɔnɔ san-kole anubɛ dugu-kole min bi kaka, wonu maranɛ Allala kuma kelen pe wo le fɛ alako a si mɔgɔ-yoge wo kiti nya min ka anu halaki tɛ la. Anu maranɛ halaki-telela ko la, yɔ!