Malakayi 3:6 - ALLALA KUMƐ

⁶ Mari ko Mari le ale la. A ti yɛlɛma muk! Ka a tɛgɛ wo ma, a ko wole Yakoba kegeyɛnu, wo la ma ban natola wɛ.

Malakayi 3:6 ပူးပေါင်းရင်းမြစ်များ

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 15:7

Mari ya a fɔ a ye tun ko, “Ita Mari le nde la min nara i la ka bɔ Yuri soe burɔ Babilɔn nyamanɛ rɔ alako ka nyamanɛ kɛ ma itɛ la.”

Ko-Dabirɛnu 22:16

Mari ya a fɔ a ye ko, “Bawo i ma ila den kelen pe dogon n ma min kɛ, n bara n keli n nyɛrɛ rɔ

Yaburi 102:26

Fan bɛɛ si tunu yen, fɔ ile min kelen pe ye tola. Anu na si murun iko kura-kore. I si anu nakɛ a rɔ iko kura-nɔgɔnɛ.

Yaburi 102:27

Kɔnɔ i ti yɛlɛma muk! Ile siyi ti ban mumɛ!

Yaburi 102:28

Kɔnɔ mala dannu ti to nyagbɛ rɔ. Wonu kegeyɛnu si to lafɛrɛ rɔ. Anuna dannu si taran ila matankalɛ kɔrɔ.

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 78:38

Kɔnɔ hali wo, Alla kinikinita ala mɔgɛnu ma. A ya anu hakɛ makoto. A ma anu nato. A mɛra a fonde birala a rɔ. A tora a munyuna anu kɔrɔ.

Yaburi 78:57

Anu mara telenbɛlɛnu anubɛ murutinu na iko anu fanu. Ni mɔgɛ si la kalabɛn-tadunɛ la, mani mɔgɛ si la mɔgɛ kɛnu na.

Aiseya 41:13

Wo Mari Alla le ale la. A ye sɛnbɛ dila wo ma ka a fɔ wo ye ko hali wo ma kilan. A si wo dɛnbɛ.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 46:4

ado a ko wota Alla le ale la min si to wo fɛ-birala ha wo kunyɛ si gbɛ. A ko ale le ya wo dan, ale le ye wo marala. A si wo dɛnbɛ ka wo kunyɛ bɔ gbaran rɔ.

Yɛrɛmaya 32:27

Mari le ale la min bi hadama-dan bɛɛ kun na. A ko a ti kuri fenfen ma.

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Hoseya 11:9

N ti wo tɔrɔ nta diminya-belebele la. N ti Isirɛla kasara tun bawo nde, Alla le, hadama-den ma. Nde sɛninyanɛ wo tɛma, ado n diminyanɛ ti na wo wara.

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

Filipai 1:6

Nba, n lanɛ a la serr, ko Alla min ya wɔli-nyimɛ kɛ dabira wole rɔ, wo si to wɔlɛ wo kun na, ha a ni bɛn Kirasiti Yisata tele ma.

Hiburunu 13:8

Yisa Kirasiti ye nya min kunu, a ye wo nya na bi, ado a si to wo nya na burubukai!

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.

Lankɛnimayɛ 22:13

A fɔlɔtɛ anubɛ a laban le nde la, a dabirɛ anubɛ a kundɔn.”

1 Samuwɛli 15:29

Isirɛlata Alla-makawanɛ, wo ti foninyɛ fɔ hali ka a miriyanu yɛlɛma bawo mɔgɔ ma ale la iko a ye nala a miriyanu yɛlɛmana.”