Malakayi 3:5 - ALLALA KUMƐ

⁵ Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Malakayi 3:5 ပူးပေါင်းရင်းမြစ်များ

Ko-Dabirɛnu 20:11

Iburayima ya a fɔ a ye ko, “Ni i ya a yen n ya kɛ ma, n ya a lɔn ko mɔgɔ sa nyamanɛ kɛ rɔ min si kilan Alla la bawo n ya a lɔn ko anu si n faga ka nna musi kɛ bi n bolo.

Ko-Dabirɛnu 42:18

A tele sawa nyɔgɛ ma, Yusufu ya a fɔ anu ye ko, “Nde kilannɛ Alla la min kɛ, wo ni ko kelen ma min si a ma, wo ni kisi.

Nihɛmaya 5:15

Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Yobu 31:12

Ni a taranta, n bara ko sufa wo ma, n bolo-fan bɛɛ ni mintan nyahanama-tɛ rɔ.

Yobu 7:2

A manɛ fanan iko yɔɔn min bi nini nyinɛ la a si a sulen kan min. A mani de iko wɔli-kɛlɛ min hɔnnɛ a sara-koe la.

Yaburi 36:1

Kumɛ do ye n yisi rɔ ka a tɛgɛ mɔgɔ-yogenuna wunduyogoyɛ ma. A si a ban Alla la. Kilan sa a rɔ Alla wara la muk!

Yaburi 81:8

Alla ko, “Nta mɔgɛnu, wo ni wo tole masɔ nta kawandili-kan la. E, Isirɛla, alako wo ya wo tole masɔ n na nun, wo si diya n ye.

Yaburi 96:13

Mari wa na kiti tɛgɛ tinɛ lunyɛ min, kɔni. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Yaburi 98:9

bawo a nara duninya mumɛ bɛɛ le mara tinɛ. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Bɔ-Koe-Iyipiti 1:17

Kɔnɔ tinkɔrɔ-sigilɛ wonu kilanta Alla la. Anu ma a ma iko Iyipiti mansɛ ya a fɔ anu ye nya min. Anu ya anuna den-keinu nakisi.

Bɔ-Koe-Iyipiti 18:21

Wo kɔma, i ni hɛnkilimɛnu nyini mɔgɛ wonu tɛma, minnu kilannɛ Alla la, ado anu si tonyɛ fɔ, kensunyɛ ma di anu ye. I ni mɔgɔ-sufa wonu sigi anu kuma. I ni donu sigi mɔgɔ waga kelen-kelannu kun na. I ni donu sigi mɔgɔ kɛmɛ-kɛmɛnu kun na. I ni donu fanan sigi mɔgɔ bi-loli bi-lolɛnu kun na ka donu sigi mɔgɔ tan-tannu kun na.

Bɔ-Koe-Iyipiti 20:7

“Mɔgɔ kana n tɔgɛ ratɛgɛ fufafui la. Ni min ya wo ma, n si wo tigi tɔrɔ.

Bɔ-Koe-Iyipiti 22:20

“Min ba bɛsɛ kɔ nde, Mari Alla kɔma, wo ni wo tigi faga feu!

Hɛnkilimaya-Kumɛnu 16:6

Keninteyɛ anubɛ tonyɛ si a ma, mɔgɔ hakɛ ma si koto. Mɔgɛ min bi kilanna Mari la, wo si fara le ko-yogoma-kɛ la.

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Aiseya 57:3

Mari ko wole bolo-tafɛlɛnnɛnu, wo na yan wole yɛlɛn-dannu, wole kenita-dannu,

Yɛrɛmaya 23:10

Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 27:10

Foninya-nɛbi wonu bi anu yanfa-tinɛ le. Wonu si a ma, anu ni ta nyamani-gbɛrɛnu tɔ, ado ale Mari ko a si anu gben ka anu kasara.

Yɛrɛmaya 27:9

N ya a fɔ kilayɛ wonu ye ko anu ni n kan natenbi ko anuna mansɛnu kana anu tole sigi foninya-nɛbinu anubɛ bolo-tafɛlɛnnɛnu kan kɔrɔ minnu bi a fɔla ko anu ni anu ban Babilɔn mansɛ la. Ni kiyo-rakarannɛnu kumara anu ye yarɔ-koenu fɔ-tinɛ, ni wo ma, ka yarɔ-koenu fɔ iko furinu denu ya a fɔ anu ye, ni wo ma, ka yarɔ-kumɛnu fɔ kofo-denyɛ rɔ, anu kana anu tole masɔ wo do-wo-do la.

Yɛrɛmaya 42:5

Wo kɔma, anu ya a fɔ n ye tun ko, “Ile ye nala ma Mari Allata tɔn min fɔla ma ye, ni ma ma wo bɛɛ bira a kilɛ fɛ, ale Mari min telennɛ, alamɛ a mara sere la ma kan ma.

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Yɛrɛmaya 5:29

Kɔnɔ ale Mari ko a si karagbɛlɛ wonu tɔrɔ kɛnuna ko la. Mari ko fɔ a wa mɔgɛ kɛnu tayili sara.

Saraka-Masɔlɛnuta Tɔnnu 19:13

“Wo kana tɔnɔ-wɛ labɔ wo ta-nyɔgɛnu kuma. Ni wo ya wɔli-kɛlɛ bi ka ta wola wɔli-kɛ-tinɛ, yanni i ni a boloka, wo ni a sarɛ don a bolo. Wo kana a sarɛ bira ha wo banda kɛ sɔgɔma.

Saraka-Masɔlɛnuta Tɔnnu 20:10

“Ni kei do ya a sa a ta-nyɔgɛla musi fɛ, Mari ko wo ni anubɛ musi wo faga.

Saraka-Masɔlɛnuta Tɔnnu 20:27

Kei wo, musi wo, ni min ya a nyɛrɛ don yi-kɔrɔ-fɛlɛn-koe rɔ, Mari ko wo ni wo tigi mabon kuri la. Wo tigi tɔgɛ si to a nyɛrɛ la.

Saraka-Masɔlɛnuta Tɔnnu 20:6

“Mari ko wo kana ta ke yi-kɔrɔ-fɛlɛnnɛnu ma ka hɛnkili sɔrɔn anu bolo. A ko ni min ya wo ma, a si a kan-kɔ sɔ wo tigi la. Mari ti a miri ko atɛ le wo mɔgɔ sufa la tun.

Maika 1:2

Maika ya Mari kuman-kan latenbi ata mɔgɛnu ma ko, “Sibolo-mɔgɛ bɛɛsi ni anu tole masɔ a kin na! Duninya-tigi Mari si ma sereyɛ la wo kan ma. Wo ni wo tole masɔ. A ye nala kumala ata Arinyɛnɛ-bon-sɛnimɛ la.

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Sakaraya 11:12

Nde, Sakaraya ya a fɔ anu ye ko, “Ni n sara-sɔgɛ ye wo la, wo ni n sara. Ni n sara-sɔgɔ sa wo la, awa, tana ma.” Wo le ya a ma, anu ya n sara wodi-gbɛ-gbu bi-sawa pe la.

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Malakayi 2:14

Wo ye a fɔla ko, “Nfenna Alla sa sɔnna mala sarakɛnu na tun?” Ni i ya a yen, Alla sa sɔnna wola sarakɛnu na bawo wobɛ wola musinu ya lanyiri min kiri wo nyɔgɔn tɛma wo tumɛ wo dennɛ, wo ara wo tinya. Wo ya lanyiri kiri Alla yala ko wo ti wola musinu boloka, ado wo makofu le musi wonu na. Wo ya lanyiri kiri Alla yala ko wo si to lanayɛ rɔ wola musi wonu ye.

Malakayi 2:17

Wola kuma-siyamɛnu bara a ma, Mari ara gbunya wo kɔrɔ. Kɔnɔ wo ye a fɔla ko, “Male ya a ma kama a gbunyara ma kɔrɔ?” Bawo wo ye a fɔla ko, “Mari Sɛnbɛ-Bɛɛ-Tigi mirinɛ ko-yogoma-kɛlɛnu ma ko anu kin. Wo kɔma, anu bara-koe di a ye.” Wo ye a fɔla tun ko, “Alla-telennɛ kɛ ye mintɔ?”

Luka 23:40

Kɔnɔ doi ya a makuma, a ko, “Ile ti kilan Alla la, wa? Ma dama ye yiliki kelan kɔrɔ yan.

Romu 3:8

Ni tonyɛ le wo la, fɔ ma wa ko-yogomɛ kɛ alako ko-nyimɛ ni bɔ gbɛ rɔ. Minnu bi wo fɔla, a bɛnta, wonu ni yiliki sɔrɔn, ado mɔgɛ donu bi a fɔla ko nde, Pɔli fanan bi kɛ le fɔla serr!

Tɔn-Fɔɛ-Fila-Nyɔgɛ 15:13

I tenbi a masarala, i kana a bolo-lakolɔn boloka de,

Tɔn-Fɔɛ-Fila-Nyɔgɛ 18:10

Wo kana wola dannu ma sarakɛ la ka anu nakɛ tɛ rɔ. Wo ka sɔn Isirɛla mɔgɛnu ni suwagayɛ anubɛ bolo-tafɛlan kɛ. Anu kana bɛsɛ nyini ka anu nyɛrɛ ma mɔgɔ-kun-nyininɛnu na anubɛ durinu.

Tɔn-Fɔɛ-Fila-Nyɔgɛ 24:17

“Wo kana sundannu anubɛ kelennɛnuna yo tinya anu bolo. Wo kana kɛɛ-nyaganɛnuna kurɛnu bi anu bolo tulumayɛ la.

Tɔn-Fɔɛ-Fila-Nyɔgɛ 27:19

“ ‘Alamɛ Allata dankɛ taranta wo mɔgɛnu kuma minnu si mɔgɔ-tɔrɔnɛnuna saratiyi tinya anu bolo, a mara sundan na wo, a mara kelenni na wo, a mara kɛɛ-musu la wo.’ “Anu si a labira ko, ‘Amina.’

Tɔn-Fɔɛ-Fila-Nyɔgɛ 5:11

“A ko mɔgɔ kana ale Mari tɔgɛ ratɛgɛ fufafu! Ni min ya wo ma, a si wo tigi tɔrɔ.

1 Tɛsalonaika 4:6

Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

Yemesi 5:12

N na-kelen-nyɔgɛnu, kuma-kolomɛ le kɛ la. Wo tenbi lanyiri kirila tumɛ min, wo kana wo gboro. Wo kana wo gboro san-kole rɔ, ni wo ma, dugu-kole rɔ, ni wo ma fanan, fenfen tɔ. Wo ni a fɔ dɔrɔn ko, “Ɔnde,” ni wo ma, “Ade.” Wo le ya a to, wo ti hakɛ kɛ ka yiliki sɔrɔn Alla bolo.

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.