Malakayi 3:2 - ALLALA KUMƐ

² Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Malakayi 3:2 ပူးပေါင်းရင်းမြစ်များ

Ko-Dabirɛnu 19:28

A ya a yɛ lata Sɔdɔm anubɛ Kɔmɔra wara la anubɛ anuna ba-lɛɛ. A ya ta-sisi yen yɛlɛla iko sulubondɔn ta-sisi.

Yobu 28:1

Denkɛnu bi nyɔ, mɔgɛnu bi wodi-gbɛ sɔrɔnna kan min. Kan-tinɛnu bi nyɔ, anu si sɛnɛ layigi kan min.

Yaburi 130:3

Ni i ye mɔgɛ bɛɛta hakɛ sɛbɛla le nun, yon si a bɔ ila yilikiyi kɔrɔ?

Yaburi 2:7

Mari ara kumɛ min mabanban, nde, mansɛ ye wo le latenbila wo ma. Mari ya a fɔ n ye ko ka a bi bi ma, ala dan le nde la. Nde fa le ale Mari la.

Yaburi 76:7

Bɛɛ kilannɛ ile Mari la. Mɔgɔ-wo-mɔgɔ ti a sɔ i fonde bɔnɛ yarɔ.

Hɛnkilimaya-Kumɛnu 25:4

Ni wodi-gbɛ-layigilɛ ya a boe bɔ a bɛrɛ yala, a si ke le wodi-gbɛ-bɛrɛbɛrɛ wo mala fen-kolomɛ do la.

Aiseya 1:18

Mari ko, “Wole Isirɛla mɔgɛnu, wo na, ma ni kumɛ kɛ ban.” Hali wo ara wo kɔsɔ hakɛ la, a ko a si wo ku ka wo gbɛ feu! Hali wo ara wo nyɛrɛ mafin hakɛ la, a ko a si wo gbɛ iko kɔlɔli-munke.

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Aiseya 4:4

Mari si kiti sa ka Yuda nyamanita-mɔgɛnu sɛninya. Ata sɛnbɛ si Yerusalɛm yele ku a ma ka yiliki bɔ a ma.

Yɛrɛmaya 2:22

Nde, wo Tigi Mari ko hali wo ya soda bi ka wo ku a la, hali wo ya sefini-siyaman yogobɔrɔ wo ma, wo hakɛ ye a yirala ko wo kɔsɔnɛ.

Isikiyɛli 22:14

N ba anu tɔrɔ, anu si la a la ko anu si anu kerinteya ka sɛnbɛ sɔrɔn wo rɔ tun, ba? Nde, Mari kan le kɛ la, ado n ti n nyɛrɛ sɔsɔ.

Daniyɛli 11:35

Kun-tigi-hɛnkilimɛ donu si faga kɔnɔ a toe minnu bi tola, wonu si anu sɔ anuna telenbagayɛ rɔ gben! Anu bi tola wo le kun na ha Allata wati-latɛgɛnɛ ni ke.

Yowɛli 2:11

Mari ye kumala ala kɛlɛ-dannu ye iko san-sɛran, ado kɛlɛ-dan wonu bi ata kumɛ birala. Anu kolo gbɛlɛ, ado anu siya. Marita tele-makilannɛ wo, yon si ke a muinna wo kɔrɔ?

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Matiyu 25:10

“Woletɔ sunkurun-kun-takolɔn wonu tara tulu san tinɛ. Anu tara tumɛ min, kɔnyɔ-tigi nara anu kɔma. Sunkurun loli minnu tabɛnnɛ, wonu donta a fɛ kɔnyɔ-masɔ-ladiyɛ rɔ. Nba, wɔli-kɛlɛnu ya nyɔ-dɛ latogon.

Maraka 9:3

Ala kurɛnu gbɛra iko bɛgi-gbɛ. Kura-kula fenfen sa duninya rɔ min si kurɛ gbɛ wo nya.

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Luka 3:17

Ala fɛrɛ ye a bolo ka ala fui-fan funfan alako a si anu sa ala birɛ rɔ nya min. Kɔnɔ a si a fofenu mintan ta-dufenbɛlɛ la!”

Luka 3:9

Yende ra ara bɛn ka kɔlɔma-kurinu tɛgɛ anu sulinu tɔ. Kɔlɔma min ti gbɔ-nyimɛ labɔ, a bɛnta, wo ni tɛgɛ ka a lakɛ tɛ rɔ.”

Luka 7:23

Sika sa min tɔ ndela ko la, duwa-dan le wo tigi la!”

Yɔni 8:55

Wo ma ale lɔn mumɛ! Kɔnɔ nde le ya a lɔn. Ni n ya a fɔ ko nde ma a lɔn, n si ma foninya-fɔlɛ la iko wole. Kɔnɔ n ya a lɔn feu, ado n bi ala kumɛ birala.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Lankɛnimayɛ 19:8

Mɔgɛnu sɔnta ko kɔɛn-kurɛ ni a nyɛrɛ fɛrɛya bɔ linɛn-kura-hakika-sɛninyanɛ la.” (Linɛn-kura-nyimɛ wo, Allata mɔgɛnuna kɛwɔli-nyimɛ-misalɛ le wo la.)

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

Lankɛnimayɛ 6:17

ado anuna diminya-tele-wɛ ara ke. Yon si to a niyi la wulɔn?”

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.

1 Samuwɛli 6:20

A kei-toe minnu tora Bɛti-Simɛsi soe burɔ, wonu ya a fɔ ko, “Yon si ke a sɔla Mari Alla-sɛnimɛ kɛ yakɔrɔ? Ma si tɔn-kenkirɛ kɛ lata mintɔ alako a ni bɔ ma dafɛ?”