Malakayi 3:16 - ALLALA KUMƐ

¹⁶ Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Malakayi 3:16 ပူးပေါင်းရင်းမြစ်များ

Ko-Dabirɛnu 22:12

Mari ya a fɔ a ye ko, “I kana ko-wo-ko ma ila dan kɛ la kamasɔrɔn n bara a lɔn kaka ko nde, Alla, gbiliyanɛ i bolo. I ma sɔn ka ila dan kelan dogon fɔ ka a di nde, Alla, ma.”

2 Samuwɛli 7:1

Mari ban Mansa Dawuda latankala a yoge bɛɛ ma, mansɛ niyi-labilanɛ tora siginɛ ala bon-kurɛ la.

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

1 Mansɛnu 18:3

Ale Mansa Ehabu ya Hɔbadaya kele min bi ala bolɔn kun na. (Hɔbadaya lara Mari la dɔgɔma-ma-de!

2 Ko-Kɔrɔta-Karan 6:7

Mansa Silamɛni ya a fɔ tun ko, “Isirɛlata Mari Alla Bato-Bɔn sɔ-sɔgɛ ye n fa Mansa Dawuda la nun

Nihɛmaya 1:11

I wɔlɔ matɔlɔ nta matarali-kan la anubɛ minnu bi i gbiliya-koenu mala ka wonu fananta matarali-kan lamɔɛn. I yandi, n ba ta n sɔ mansɛ yakɔrɔ bi, n ba ko-wo-ko fɔ a ye, wo la ni tɔnbagaya. A ma, mansɛ ni a ya-nyimɛ yira n na.” Mansɛla baan-bɔlɛ le nde la wo wati rɔ.

Ɛsita 2:23

Anu ya kumɛ wo fɛ-bira wati min, a mara tonyɛ la, anu ya yili sɔ mɔgɔ filɛ wonu kan la ka anu dun. Mansɛ fanan ya a fɔ ko ko sifa min bara ma kɛ la, anu ni wo sɛbɛ anuna nyamani-buku rɔ.

Ɛsita 6:1

Suyi wo nyɛrɛ rɔ, mansɛ ma a sa a yɛ ma. Woletɔ a ya nyamanɛ ko-kɔrɔta-karan-buku makele alako anu ni wo karan a ye.

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Yaburi 10:4

Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 104:33

N si bɛtinu bɔ Mari ye n siyi-tele bɛɛ rɔ. Fananta n bi n niyi la, n bi tantoli-bɛtinu bɔla nta Alla ye.

Yaburi 111:10

Hɛnkilimayɛ dabirɛ le Mari gbiliyɛ la. Min bɛɛsi ye Marita sereyanu birala, a si ko-kɔrɔ-lɔn di wonu ma. Ma ni to a matɔgɔla burubukai!

Yaburi 115:13

Min bɛɛ ye a gbiliyala, ata duwɛ ye yigila wonu kuma. A dɔgɔma wo, a kinama wo, a bɛɛ rakɛn a yala.

Yaburi 119:63

Min bɛɛ ye wɔlila ile Mari ye, anu diyana-mɔgɛ le nde la anubɛ minnu bi i sako kɛla ka ita tɔnnu bira.

Yaburi 139:4

Mari, yanni kumɛ ni bɔ n da rɔ, i ya a lɔn n bi min fɔla.

Yaburi 147:11

Kɔnɔ a kolan si bɔ a gbiliyalɛnu denu na. Minnu yigi bɛnnɛ ala hinɛ ma, a makoe ye wonu denu na.

Yaburi 16:3

Mɔgɔ-nyimɛ le Marita mɔgɛnu na. Ni n bi anu kurun tɔ, n si nyagalen.

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Yaburi 33:18

Mari kolan bɛnnɛ a gbiliyalɛnu ma. Minnu bara la Mari la ka anu yigi sa ata keninteya-dannatɛgɛbɛlɛ rɔ, a kolan bɛnnɛ wonu fanan ma.

Yaburi 34:15

Mari kolan bɛnnɛ mɔgɔ-latelennɛnu ma. A wɔlɔ matɔlɔnɛ anu di-kɛ-kannu na.

Yaburi 56:8

N kira n ya la nya min, i fonde ni to wo ko. I ni n ya-yi lamara a dan na fan do rɔ alako i ni a lɔn n bara min nyɔgɔn diyi kɛ.

Yaburi 56:9

N ya a lɔn serr, ni n ya i rakele i si a ma, n yogenu ni anu masɛgi n na fass! N hɛnkili latɛgɛnɛ ko ile Alla ye n fɛ.

Yaburi 66:16

Wole minnu si Alla gbiliya, wo na wo tole masɔ. A ara min kɛ n ye, n si wo rakaran wo ye.

Yaburi 94:19

N hɔnta tuma-wo-tuma, i si n nadiya ka sewɛ di n ma.

Bɔ-Koe-Iyipiti 32:32

kɔnɔ ni i sɔnta ka anu hakɛ makoto, wo kin. Ni i ti sɔn, i yandi, i ni nde fanan tɔgɛ firan ila buku ma.”

Hɛnkilimaya-Kumɛnu 13:20

Ni mɔgɛ tora a gbɛrɛnna hɛnkilimɛnu ma, ale fanan si ma hɛnkilimɛ la kɔnɔ ni mɔgɛ tora a gbɛrɛnna kun-takolɔnnu ma, ale fanan si tɔrɔ anu fɛ.

Aiseya 26:3

Mari biranɛ minnu bolo gben, ka a ma anu yigi la, a ye yisi-kima-bɛrɛbɛrɛ dila wonu ma.

Aiseya 26:8

Ma ye i sako kɛla ka ma yigi sa ile rɔ. Ma ye nyinina fan min bɛɛsi ma, ile le wonu kun-bira-yili la ma ye.

Aiseya 4:3

Alla ara ban a latɛgɛla min kɛndɛ si to Yerusalɛm soe burɔ, wonu si kele ko mɔgɔ-sɛnimɛnu.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Aiseya 65:6

A ko wo ni wo yɛ lata min sɛbɛnɛ a yakɔrɔ. A ti ke a muinna wo ma. A si a tayili sara wo bɛɛ la. A si wo tɔrɔ wo hakɛla ko la.

Yɛrɛmaya 31:18

Mari ko a ara Isirɛla mɔgɛnu karanton-kan lamɔɛn. Anu bi a fɔla ko, “Mari, i wara ma tɔrɔ, ado ma ara hɛnkili sɔrɔn. Ma mani de nun iko ninki-den-kolobɛlɛ. Ta ma la ma warɛ. Ma si sɛgi i ma. Tonya-bɛrɛbɛrɛ, mata Mari Alla le ile la.

Yɛrɛmaya 8:6

Mari ko a ya a wɔlɔ matɔlɔ wo la a kin na kɔnɔ fenfen ti bɔ wo da rɔ fɔ foninyɛ. Wo fenfen ma nimisa wo hakɛla ko la. Wo miriya ma ke wo sɔn-kɔrɛ wonu ma lefan anu boloka-koe ma. Bɛɛ ye a kun fɛ iko soee-kɛlɛta talɛ.

Isikiyɛli 9:4

“Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

Daniyɛli 12:1

Linɛn-kurɛ donnɛ melika min kan na, wo ya a fɔ n ye ko, “Wati wo si a taran, ila nyamanita-mɔgɛnuna kandan-melika min tɔgɛ Maikali, wo si bɔ gbɛ rɔ. Wo wati rɔ, tɔrɔyɛ si koloya duninyama-tɔrɔyɛ bɛɛ ko. Ile Daniyɛlila nyamanita-mɔgɛ minnu tɔgɛ sɛbɛnɛ Allata buku rɔ, wonu si kisi.

Daniyɛli 7:10

Tɛ ye bɔla waganɛ wo kɔrɔ iko ba-yi. Melika-wulu-yirika-siyaman sɔnɛ a yakɔrɔ. Wonu bi ata wɔlɛ kɛla. Kiti-tɛgɛlɛnu ya anu sigi ka kiti-sa-bukunu dɛ laka.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Luka 2:38

Wo wati, a nara ka baraka bira Alla ye. Min bɛɛ ye Alla makɔnɔna ko a ni na Yerusalɛm kunka tinɛ, a ya dennɛla ko fɔ wonu denu ye.

Kɛwɔlɛnu 1:13

Anu donta Yerusalɛm. Anu yiyanɛ san-bɔn min na, anu yɛlɛta nyɔ rɔ. Minnu bi nyɔ nun, wo le Pita wo, Yɔni wo, Yemesi wo, Anduru wo, Filipi wo, Tamasi wo, Batalamiyu wo, Matiyu wo, Alafala dan Yemesi wo, ale Saimon min si kɛlɛ kɛ ala nyamanɛla ko la wo, anubɛ Yemesila dan Yudasi.

Kɛwɔlɛnu 10:2

Dina-mɔgɛ le fanan. Ale anubɛ ala denbayɛ bɛɛ ye Alla batola, ado a duruta Yahudiya bolo-kolɔnnu dɛnbɛna bɛrɛkɛ! A ye Alla madiyala tuma-wo-tuma kɔnɔ Yahudiya ma.

Kɛwɔlɛnu 2:1

Ladɛn min tɔgɛ Pɛntikɔsi, wo kera tumɛ min, dɛnkɛninya-mɔgɛ bɛɛ ladɛnnɛ anu nyɔgɔn fɛ kan-tina-kelen.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Ɛfɛsa 5:19

Yaburi-kumɛnu ni ma wo kirabɔ-fan la. Wo ni bɛtinu bɔ ka Allata siginu sa Mari ye ka a tanto wo yisi rɔ.

1 Tɛsalonaika 5:11

Woletɔ wo ni wo nyɔgɔn sɛnbɛ don ka wo nyɔgɔn madɛnbɛ iko wo ye a kɛla nya min kaka.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

Hiburunu 10:24

Ma ni ma hɛnkili lamiri ma si ke ma nyɔgɔn kenina nya min anubɛ ma si ma nyɔgɔn dɛnbɛ nya min ko-nyima-kɛ-tinɛ.

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

Hiburunu 3:13

Fananta ma ye a fɔla bi ma ko, “Bi,” wo ni to wo nyɔgɔn dɛnbɛna tele-wo-tele alako wo fenfen kana yanfa hakɛ bolo. Wo kana ma sɔndɔma-gbɛlɛ-tiginu na.

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.