Malakayi 3:15 - ALLALA KUMƐ

¹⁵ Alla ko wole mirinɛ ko mɔgɔ-wasinɛnu denu dɔrɔn sewanɛ. Karagbɛlɛnu bara-koe ye tala yarɔ. Wo mirinɛ ko hali anu bi Alla rasumanna anuna ko-yogoma-ladan la, a sa anu tɔrɔla.

Malakayi 3:15 ပူးပေါင်းရင်းမြစ်များ

Ɛsita 5:10

Kɔnɔ a ya a bira a rɔ. A tara bɔn la. A ya a diyana-mɔgɛnu kele a warɛ bɔn la. A ya ala musi Sirɛsi fanan kele.

Yobu 1:22

Hali koe kɛ damasi ara sigi Yobu la, a ma a tɛgɛ sigi Alla ma ka hakɛ kɛ a la.

Yobu 12:6

Kankan anubɛ Alla-lɔnbɛlɛnu bi yisi-kimɛ rɔ. Anu sɛnbɛ le anuta alla la.

Yobu 21:30

Anu si a fɔ ko Alla wa tɔrɔyɛ sigi mɔgɛnu ma tumɛ min, a si kinikini karagbɛlɛnu denu ma.

Yobu 22:23

Nba, kaka gbɛ, i ni i sɛgi Alla Sɛnbɛ-Bɛɛ-Tigi ma famayigi rɔ. I ye ko-yogomɛ min kun na nun, i ni tɔn sigi wo la ila bɔn la.

Yaburi 10:3

Karagbɛlɛnu kɛnɛna anu wasila anuna karagbɛlɛyɛnu tɔ. Kensuntenu bi Alla mamɔɛnna ka a lafɛya.

Yaburi 106:14

Mɛyɛ ya anu bira wula-da-rakolɔn rɔ dɔgɔma-ma-de ha anu ya Alla kɔrɔbɔ.

Yaburi 141:4

N miriya bɔ ko-yogomɛ ma. Doinu tenbi ko-yogomɛ mala, n kana kofu anu ma. N kana na anuna bɛsi-kɔ-fannu dɔn.

Yaburi 49:18

Hali mɔgɔ wara-koe ara a nyɛrɛ hɛnɛ, ado mɔgɛnu bi a matɔgɔla bawo a ara bɔ ko ma,

Yaburi 58:2

Ade! Wo miriya bɛɛ bɛnnɛ wola ko-yogoma-kɛnu ma tolon! Wo ye karagbɛlɛyɛ kɛla da-wo-da nyamanɛ rɔ.

Yaburi 73:12

Karagbɛlɛnu bi wo nya na le. Fen bi anu bolo duk, ado a ye tola sala a kuma tun!

Yaburi 78:18

Anu ya a lawuli a ma ka Alla kɔrɔbɔ alako anu si anu nyɛrɛ diyana-dɔn-fan sɔrɔn nya min.

Yaburi 78:41

Anu tora a kɔrɔbɔla le tolon! Anu ya Isirɛlata Alla-sɛnimɛ fonde kɔrɔtɔ a ma.

Yaburi 78:56

Hali wo, anu murutiyara Alla Sɛnbɛ-Bɛɛ-Tigi ma ka don a kɔrɔbɔɛ rɔ. Anu ma ata tɔnnu bira mumɛ!

Yaburi 95:9

Hali a ya minnu ma anu ye, anu ya wonu tagbɛ anu nyɛrɛ yɛ la ka Mari kɔrɔbɔ nyɔnu tɔ.

Hɛnkilimaya-Kumɛnu 12:12

Karagbɛlɛ si nyini a karagbɛlɛ-nyɔgɛ le bolo-fan ma. Kɔnɔ mɔgɔ-latelennɛ munna ara faga bawo a mani de iko kɔlɔma min si gbɔ yisikiri!

Makawandili Kumɛnu 8:14

Ko kelen de ye duninya rɔ min tagbɛlɛ. A bɛnta, karagbɛlɛ ni tɔrɔyɛ min sɔrɔn, wo ye sigila telenbagɛ ma. A bɛnta, telenbagɛ ni min sɔrɔn, karagbɛlɛ ye wo nyɔgɔn sɔrɔnna. N ma koe kɛnu kɔrɔ yen a la. A ragbɛlɛ.

Aiseya 2:22

Wo kana lanaya sa hadama-dan rɔ tun! Tɔnɔ-wo-tɔnɔ sa wo la.

Yɛrɛmaya 7:10

Mari ko wo bole si to ko sufa kɛnu tɔ minnu gbo a ye, wo kɔma, wo ni na sɔ a yakɔrɔ yan? A ko ale ara a bato-tinɛ min yabɔ kɛ, wo si ke nala sɔla yan ka a bato, wa? Wole miri ko wo ara kanan, nyɛ? Wo kanannɛ alako wo ni fɛrɛ sɔrɔn ko sufa kɛnu ma-tinɛ, wa?

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Daniyɛli 6:16

Wo le ya a ma, mansɛ ya a fɔ ko Daniyɛli la ni kɛ yarɛnu kɔrɔ. Nba, anu nara Daniyɛli la ka a lafili yarɛnu kɔrɔ. Mansɛ duwara ale Daniyɛli ye ko, “Ile ye Alla min batola tuma-wo-tuma, alamɛ wo ya i kisi.”

Malakayi 2:17

Wola kuma-siyamɛnu bara a ma, Mari ara gbunya wo kɔrɔ. Kɔnɔ wo ye a fɔla ko, “Male ya a ma kama a gbunyara ma kɔrɔ?” Bawo wo ye a fɔla ko, “Mari Sɛnbɛ-Bɛɛ-Tigi mirinɛ ko-yogoma-kɛlɛnu ma ko anu kin. Wo kɔma, anu bara-koe di a ye.” Wo ye a fɔla tun ko, “Alla-telennɛ kɛ ye mintɔ?”

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Kɛwɔlɛnu 12:21

Wati wo kera tumɛ min, Hɛrodi ya ala mansaya-duruki don a kan na ka sigi ala mansaya-waganɛ rɔ. A kumara mɔgɛnu ye.

Kɛwɔlɛnu 5:9

Woletɔ Pita ya a fɔ a ye ko, “Nfenna wobɛ ila kei ya a latɛgɛ ko wo ni Marita Ni-Sɛnimɛ kɔrɔbɔ? Minnu tara ila kei togon, wonu bi dɛ la kaka. Anu si ta ile fanan na!”

1 Kɔrɛnti 10:9

Ma kana Mari kɔrɔbɔ wona iko wo do ya a ma nya min, ha duguma-fannu ya anu faga.

Hiburunu 3:9

Hali anu mara nta kabana-koenu sere la san bi-nani kɔrɔ, wo benbanu ya a lagbɛlɛya n kuma ka n tɔrɔ.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”