Malakayi 3:11 - ALLALA KUMƐ

¹¹ A ko a ti sɔn tunbinu ni wola ki-fannu tinya. Wola ki-fannu si gbɔ tisikiri!

Malakayi 3:11 ပူးပေါင်းရင်းမြစ်များ

Yɛrɛmaya 8:13

Mari ko a si wola ki-fannu bi wo bolo. Wola ki-fen-gbɔ-wo-gbɔ ti taran a la. Toro-gbɔ-wo-gbɔ ti taran a la. Hali anu yanba-kunyɛ si yalan. Mari ko a ara min bɛɛ di wo ma nun, a si wo bɛɛ toronde wo la.

Hoseya 2:21

Ni ile Isirɛla ya n matara ko-wo-ko rɔ wo wati rɔ, n si wo lamɔɛn. N si a ma, bandɛ ni bui dugi ma. Wo si a ma, Yɛsɛreli lɛɛ ni dɔn-fan labɔ, a fui-fen wo, a ki-fen wo.

Yowɛli 1:4

Kondon kurun-siyaman nara ka mala ki-fannu dɔn. Kurɔn doi tenbi min tola, kurɔn doi ye nala wo dɔnna.

Yowɛli 1:7

Kɛlɛ-dannu bara mala ki-fannu tinya iko kondɔnnu si ki-fannu tinya nya min. Anu bara ban mala ki-fan wonu gbole bɔla a ma ha wonu bara to kolo-gbansan iko tɔnkasɛnu si kɔlɔmanu maka nya min.

Yowɛli 2:20

Kɛlɛ-den-siyamɛ minnu nara ka bɔ kantɔ-wara la a ko a si wo doinu kunyɛ lasɛgi a rɔ wulɛ wara la. Kɛlɛ-den yarɔ-sɔlɛ wonu si ta bui Dalɛ-Faganɛ rɔ. Minnu bi kɔma, wonu si ta bui Mɛdetereniyan Kɔgɔ-Yi rɔ. Wonu suyi-suma-titi-wɛ si bɔ. A ko a si kɛlɛ-dan wonu dama kasara tɛrr, ka a tɛgɛ anu bara min ma wo la nun.

Yowɛli 2:22

Mari si a fɔ kolo-fannu ye ko, “Wo kana kilan. Bin-fɛrɛntoe le dugi ma. Kɔlɔmanu si gbɔ. Ki-fannu si gbɔ tisikiri!”

Yowɛli 2:25

Kɛlɛ-dannu bara wo foo min bɛɛsi la san-dande kɛnu kɔrɔ, a ko a si wo bɛɛ lasɛgi wo ma. A ko ale le nyɛrɛ-nyɛrɛ ya kɛlɛ-dan wonu nana wo kan ma nun.

Emɔsi 4:9

Mari ko a ya fɔn-kalamɛ lana wola ki-fannu kuma ka anu bɛɛsi lagbala. A ya kondɔnnu natugu wola ki-fannu anubɛ wola fui-fannu kuma ka anu gbenda feu! Hali wo, wo ma sɔn sɛgila Mari ma.

Habakuku 3:17

Hali toro-gbɔ sa a la, hali nɔnbɔ-gbɔ sa a la, hali ɔlifi-gbɔ sa a la, hali ki-fen sa mala-a-la ma bolo, hali mala sagɛ dama fagara, mala wɔrɛ ta ni kolonya

Hegayi 1:11

N ya tɛtɛgɛ ladon bandɛla nɛ rɔ nyamanɛ kɛ rɔ. N ma bandɛ lana wola kɔnkɛnu kuma anubɛ wola sɛnɛnu tɔ. N ma bandɛ lana wola nɔnbɔ-gbɔɛnu kuma anubɛ wola ɔlifi-tuli kɔlɔmanu kuma. N ma bandɛ lana wo fenfen kuma wobɛ wola kolo-fannu si min dɔn.”

Hegayi 2:17

Mari nyɛrɛ-nyɛrɛ le ya fɔnyɔ wo lana wola ki-fannu kuma nun ka anu nagbala. Ale le fanan ya banda-kole layigi wola ki-fannu kuma ka anu tinya pɔ! Hali wo, wo ma yɛlɛma ka sɛgi a wara la.

Sakaraya 8:12

A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!

Tɔn-Fɔɛ-Fila-Nyɔgɛ 11:14

Ni wo ya wo ma, a si bandɛ lana a wati rɔ, wo ye nyinina a ma tumɛ min. Wo si a ma, wo ni ki-fen-siyaman tɛgɛ anubɛ fui-fannu.