Malakayi 3:10 - ALLALA KUMƐ

¹⁰ A bɛnta, a ni yaka min nyɔgɔn sɔrɔn wo bolo, a ko wo ni na wo dama la Bato-Bɔn la woletɔ dɔn-fan ra si boroko-baraka nyɔ rɔ. Mari ko wo ni a rasuma. A ko wo si a yen ni a ti san-kolo-dɛnu naka ka fen-nyima-siyaman nayigi wo ma biribiri!

Malakayi 3:10 ပူးပေါင်းရင်းမြစ်များ

Ko-Dabirɛnu 28:22

N bara kuri kɛ latelen kan min kɛ la, nyɔ si ma Alla madiya tinɛ la. Ni Mari ya fan minnu di n ma, n si wonu yaka bɔ wo rɔ ka a di a ma.”

2 Mansɛnu 7:2

Ale mansa-makandannɛ ya a fɔ Nɛbi Ilaisa ye ko, “Wo ti ma mumɛ! Hali Mari ya fui-fan bɛɛ layigi a nyɔgɔn fɛ, kɛ ti ma hali!” Nɛbi ya a fɔ a ye ko, “Ile nyɛrɛ si a yen i yɛ la sina kɔnɔ i ti fen dɔn a rɔ muk!”

1 Ko-Kɔrɔta-Karan 26:20

Lifayi bɔnsɔn-mɔgɛ donu mara Bato-Bɔn-wodi anubɛ Alla kɔ-fannu-namaralɛnu na.

Nihɛmaya 12:44

Anu bi yakanu namarala Bato-Bon-konko minnu na, a fui-fen wo, a ki-fen wo, anu ya mɔgɛ donu sigi wonu kun na. Wonuta wɔlɛ ma fenfen na fɔ ka yakanu makele mɔgɛnu bolo saraka-masɔlɛnu anubɛ Lifayinu ye sɛnɛnu tɔ soenu dafɛ iko tɔn ya a fɔ nya min. Yuda nyamanita-mɔgɛnu sewara saraka-masɔlɛnu anubɛ Lifayinu na

Nihɛmaya 12:47

Ka a bi Sarababuluta wati ma ka a sigi Nihɛmayata wati la, tele-wo-tele, Isirɛla mɔgɛnu si anu bolo labui Bato-Bon-fɔli-kɛlɛnu anubɛ a makandannɛnu ye. Wo kɔma, anu si kɔ-fen-sɛnimɛnu sa a dan na Lifayinu ye. Wo kɔma, Lifayinu ya saraka-masɔlɛnutɛ bɔ kɔ-fan wonu tɔ.

Nihɛmaya 13:5

Bato-Bɔn wo konko-fulan-bɛ do ye nyɔ, fui-fen-sarakɛnu wo, isɛnti wo, Bato-Bon-mirannu wo, saraka-masɔlɛnu niyi wo, fui-fen-yakanu wo, minni-fen-yakanu wo, anubɛ tulu-yakanu anu bi min dila Lifayinu anubɛ Bato-Bon-fɔli-kɛlɛnu anubɛ a da-makandannɛnu ma, wonu namara tinɛ le konko wo la. Ilayasibu sɔnta Tobayata fen namara koe ma nyɔ.

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Yaburi 78:23

Kɔnɔ hali wo, a kumara san-kole ye wo ya a dɛ bɔ dɔn-fan kɔrɔ.

Makawandili Kumɛnu 11:3

Kɔlɔma ye buila a yɛ min ma, a ye tola sani wo le kuma. Fɔ banda wa fin, bandɛ ni na to nala.

Isikiyɛli 34:26

“N si duwa anu ye, ado anu si taran nna kɔnkɔ-sɛnimɛla foolɛ rɔ. Anu makoe wa bila bandɛ la tuma-wo-tuma, n si bandɛ lana anu ye.

Isikiyɛli 44:30

Anutɛ le dɔn-fen-kun-fɔlɔ-hakikɛ bɛɛ la anubɛ anu bi fan min dama dila nde, Mari ma. Mɔgɔ-wo-mɔgɔ wa biredi mintan, a fɔlɔtɛ, saraka-masɔlɛtɛ le wo la. Ni mɔgɔ-wo-mɔgɔ ya wo ma, nna duwɛ ti bɔ wola bɔn la.

Hoseya 2:21

Ni ile Isirɛla ya n matara ko-wo-ko rɔ wo wati rɔ, n si wo lamɔɛn. N si a ma, bandɛ ni bui dugi ma. Wo si a ma, Yɛsɛreli lɛɛ ni dɔn-fan labɔ, a fui-fen wo, a ki-fen wo.

Yowɛli 2:19

Wo kɔma, Mari si a fɔ wo ye ko a si dɔn-fan anubɛ minni-fan anubɛ tuli di wo ma min si na wo wasa. Wo si a ma, sibolo-gbɛrɛ doinu ti wo ma yɛlɛnma-fan la tun.

Yowɛli 2:24

A ko wola gbere-kolenu na si fa dɔn-fannu na. Wola baan-barɛnu anubɛ wola tulu-barɛnu na si fa pen!

Saraka-Masɔlɛnuta Tɔnnu 26:10

Wo tenbi wola dɔn-fen-kurɛnu tɛgɛla, wo si a kɔrɔmɛnu nabɔ bɔn la ka a kurɛnu nadon.

Saraka-Masɔlɛnuta Tɔnnu 26:3

“Ni wo ya nna tɔn damasi bira a kila-bɛrɛbɛrɛ fɛ, n ti bandan ko-nyimɛ kɛla wo ye.

Saraka-Masɔlɛnuta Tɔnnu 27:30

“Fenfen bɔra wola sɛnɛ anubɛ wola ki-fannu tɔ, wonu yaka, Maritɛ le wonu na.

Hegayi 2:19

Wo ma a yen? Dɔn-fen sa wo bolo. Hali wola nɔnbɔ-kurinu anubɛ wola toro-kurinu anubɛ wola ɔlifi-kurinu sa gbɔla. Kɔnɔ ka a dabira kaka ma, Mari si ata duwɛ layigi wo kuma.”

Yilan-Yilan Koe 18:21

Mari ya a fɔ tun ko, “Isirɛla mɔgɛnu bi yaka min bɛɛ dila nde ma, n bara wo latenbi wole Lifayi mɔgɛnu ma. Wo sarɛ le kɛ la kamasɔrɔn wo ara nta Fani-Bɔn fɛ-bira a kilɛ fɛ.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Tɔn-Fɔɛ-Fila-Nyɔgɛ 12:6

Nyɔ si ma wola saraka-bɔ-tinɛ la, a mara saraka-mintantɛ la wo, a mara yaka la wo, a mara dato-saraka la wo, a mara hɛniki-sarakɛ la wo, a mara kolo-fen-den fɔlɔtɛ la wo,

Tɔn-Fɔɛ-Fila-Nyɔgɛ 14:22

“San-bo-san, wo wa ban wola ki-fannu tɛgɛla tumɛ min, wo si anu yaka bɔ ka anu nadɛn anu dan na.

Tɔn-Fɔɛ-Fila-Nyɔgɛ 14:29

Yaka wonu, Lifayi mɔgɛnutɛ le wonu na bawo dugi sa anu bolo anu si wɔli kan min. Sundannu wo, kelennɛnu wo, anubɛ kɛɛ-musi minnu bi wola soenu tɔ, wo ni wonu fanan nahina yaka kɛ rɔ kamasɔrɔn anu dɛnbɛna-gbɛrɛkɛ sa. Ni wo ya wo ma, wota Mari Alla si ata duwɛ layigi wo kuma koe bɛɛ rɔ.”

Tɔn-Fɔɛ-Fila-Nyɔgɛ 28:12

Wota Mari Alla si bandɛ lana a wati rɔ ka bɔ ala yi-bara-lafani-belebele-wɛ rɔ san-kole ma. Wo ye wɔlɛ minnu kɛla, ale si wɔlɛ wonu baraka, woletɔ sibolo-gbɛrɛkɛ-mɔgɛnu si ta wole wara dɔndɔ sa tinɛ kɔnɔ wole ti ta anu denu bara yili tɛgɛ tinɛ.