Malakayi 2:7 - ALLALA KUMƐ

⁷ A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Malakayi 2:7 ပူးပေါင်းရင်းမြစ်များ

2 Mansɛnu 16:11

Yanni ale Mansa Ehasi ni sɛgi a warɛ, a ya a taran, Saraka-Masɔla Yuraya ara ban saraka-mintan-tinɛ wo sufa ladanna.

2 Mansɛnu 16:16

Saraka-Masɔla Yuraya ya a ma iko Mansa Ehasi ya a fɔ a ye nya min.

2 Ko-Kɔrɔta-Karan 30:22

Mansa Hɛsakaya ya Lifayinu matɔgɔ ka a tɛgɛ anu ya Mari bato nya min ka ladɛn kɛ a kilɛ fɛ. Tele wɔrɔnfila dɛgɛdɛgɛ, Isirɛla mɔgɛnu bi sarakɛnu bɔla anuta Mari Alla ye. Wo kanɛ a la,

2 Ko-Kɔrɔta-Karan 31:4

Ale Mansa Hɛsakaya ya a fɔ Yerusalɛm kɛnu ye ko anu ni na anuna kɔ-fannu na a bɛnta, saraka-masɔlɛnu anubɛ Lifayinu ni min sɔrɔn. Anu si fɛrɛ di anu ma alako anu sɔndɔmɛ ni sa Marita wɔlɛ kuma wati bɛɛ.

Ɛsira 7:10

Ɛsira ara a nyɛrɛ to Marita tɔn karan anubɛ ka a bira anubɛ ka Isirɛla mɔgɛnu karan a la.

Ɛsira 7:25

“Alla ara hɛnkili min di ile Ɛsira ma, i si wo lawɔli. Minnu bi ita Allata tɔn birala Yufereti bɛ tele-yigi wara la, ile Ɛsira si kun-tiginu anubɛ kiti-tɛgɛlɛnu yabɔ wonu tɔ, ado ni minnu ma Allata tɔn lɔn, i si wonu karan a la.

Hɛnkilimaya-Kumɛnu 5:2

Ni i ya wo ma, i si kusanya i nyɛrɛ birala. I kuma-nya si a yira ko i wara a nya-lɔn.

Makawandili Kumɛnu 5:5

Ni i ti ke lanyiri latɔnbagayala, hali i ma a kiri nun.

Aiseya 42:19

Fiyɔn do ye nyɔ minna fiyonyɛ tenbira nta Isirɛla mɔgɛnutɛ la, wa? Tolo-gbere do ye nyɔ minna tolo-gbereyɛ tenbira nde, Marita kilayatɛ la, wa?

Aiseya 44:26

Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Yɛrɛmaya 15:19

Mari ya nde, Yɛrɛmaya yabi ka le ko ni n sɛgira a wara la, a ko a si n yisi kurakuraya. Wo kɔma, a ko n si ke ata wɔlɛ kɛla le worɔ. A ko ni a sɔgɛ ye n na ka ma nɛbi-bɛrɛbɛrɛ la, fɔ n ba n fara kun-takolonya-kuma-fɔɛ la ka don hɛnkilimaya-kuma-fɔɛ rɔ. A ko a bɛnta, wole Yuda kɛnu ni na nde wara la kɔnɔ a ma bɛn, nde ni ta wole wara la.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 2:8

Hali saraka-masɔlɛnu ma Mari manyinika. Anu denu minnu bɛnta ka ale Marita karan lɔn, anu miriya ma ke a ma lefan! Mari ko wo benbanuna kun-tiginu wulita a kan ma. Hali aleta nɛbinu ya wɔlɔyiya-kumɛnu fɔ bɛsi Beyalila ko rɔ ka bɛsi-fufafuyi wo kɔ.

Isikiyɛli 22:26

Anuna saraka-masɔlɛnu bi tɔnnu tinyana ka ko-sɛnimɛnu nafɛya. Dan-nafara ma taran fen-sɛninyanɛ anubɛ fen-sɛninyabɛlɛnu tɛma anu yala. Anu sa mɔgɛnu karanna ka a lɔn ni Allatɛ ye min na anubɛ ni mɔgɛnutɛ ye min na. Sulen-Tele bira-koe bɔrɔ-wo-bɔrɔ sa anu ye. Ka a tɛgɛ anu sɔn wonu ma, n ma gbili Isirɛla mɔgɛnu ma tun.

Isikiyɛli 7:26

Tɔrɔyɛ do tenbi banna, do ye nala. Yisi-tinya-kumɛ ye nala dɛɛ! Wo si to wola nɛbinu madiyala alako anu ni to yarɔ-koenu fɔla wo ye kɔnɔ anu ti wo kɔntɔ-diya-kuma fenfen fɔ. Wo karan-fen fenfen ti taran wola saraka-masɔlɛnu bolo. Hɛnkili-wo-hɛnkili ti taran wola kun-tiginu na.

Daniyɛli 11:33

Allala mɔgɛta hɛnkilimɛnu si hɛnkili di mɔgɔ-siyaman ma. Kɔnɔ hali wo, anu si Allata mɔgɛnu tɔrɔ. Donu kunyɛ si to kɛlɛ rɔ. Donu si mintan tɛ rɔ. Kɛlɛ si ta donu na. Anu si donu gben anu bolo-fannu kuma.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Saraka-Masɔlɛnuta Tɔnnu 10:11

Fɔ wo ni Isirɛla mɔgɛnu karan tɔn kɛnu damasi la n ya min di i dɔgɛ Musa ma ka a di ile Aruna ma.”

Sɛfanaya 3:4

Fenfen sa yan-nɛbinu da rɔ fɔ nyɛrɛ-matɔgɔ-kumɛnu. Anu bi min fɔla, mɔgɔ ti la wonu na. Fan minnu dantɛgɛnɛ Mari ma, saraka-masɔlɛnu bi wo latinyana, ado Allata tɔnnu minnu sɛbɛnɛ, anu bi wonu tadula alako anu ni fen bɔ mɔgɛnu bolo.

Hegayi 1:13

Nde, Nɛbi Hegayi ya Marita kumɛ wo latenbi Isirɛla mɔgɛnu ma ko ata lanyiri le kɛ la ko ale si to anu fɛ.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Yilan-Yilan Koe 27:21

A si a yɛ bɛn Ɛliyasa ma. Wo si ke ka nde diyana-koe lɔn fen fila fɛ min bi saraka-masɔla-wɛla kɔgɔ-dala-kurɛ ma. Yasowa anubɛ Isirɛla mɔgɛnu si min ma, kɛnu si a ma, Ɛliyasa ni wo rakaran anu ye.”

Yɔni 13:20

“N bi tonyɛ fɔla wo ye, min ba nna kilayɛ rabira, wo ara nde fanan rabira. Min ba nde rabira, wo ara wo rabira min ya n sɔ.”

Yɔni 20:21

Wo kɔma, Yisa ya a fɔ anu ye tun ko, “Alamɛ wo ya yisi-kimɛ sɔrɔn. N Fa Alla ya n sɔ nya min, nde fanan bi wo sɔla wo nya le.”

Kɛwɔlɛnu 16:17

Wo bilara mabɛ Pɔli fɛ. A ye gbele-gbelenna ko, “Alla Min Bi Fan Bɛɛ Kun Na, wola wɔli-kɛlɛ le kɛnu na. Wo si kisi nya min, anu bi wo le fɔla wo ye!”

2 Kɔrɛnti 5:20

Nba, male mara Kirasitita kilayɛnu na alako ma ni ata kumɛ fɔ mɔgɛnu ye. Alla nyɛrɛ ye ma sɔla ka ma ata kuma-lakelɛ la min kɛ, ma ye wo madiyala Kirasitila ko la ko wo ni sɔn ko wo ti to mani Alla yogenu na fɔ ka wo ma a diyana-mɔgɛnu na!

Kalesiya 4:14

Hali nna kirayɛ ye n tɔrɔla tumɛ min, wo gbɛlɛyara wo ma, ado wo ma a ma, wo ni wo ban n na ka n nafɛya. Wo ya n tabira iko wo si Allata melika rabira nya min. Wo ya n tabira iko wo si Yisa Kirasiti nyɛrɛ rabira nya min!

Tɔn-Fɔɛ-Fila-Nyɔgɛ 21:5

Saraka-masɔlɛ donu fanan si bɛn wo rɔ nyɔ bawo wonu denu bi karagbɛlɛnu kiti damasi tɛgɛla. Wota Mari Alla ya anu nabɔ ka anu ma ata wɔli-kɛlɛnu na minnu si duwɛ kɛ ale Mari tɔgɛ rɔ.

Tɔn-Fɔɛ-Fila-Nyɔgɛ 24:8

“Ni fɛrɛma-kirayɛ bɔra mɔgɛ do fɛrɛ ma, wo ni a ma iko Mari ya a fɔ saraka-masɔlɛnu ye nya min.

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Samuwɛli 2:17

Ilayita den-keminɛ kɛnuta hakɛ wo ma di Mari ye mumɛ bawo anu bi Mari lafɛyala a kɔ tinɛ.