Malakayi 2:15 - ALLALA KUMƐ

¹⁵ Alla ma wobɛ wola musinu ma fen kelen de la, wa? Nfenna Alla ya kɛ ma? A ya kɛ ma le alako wo ye dan minnu sɔrɔnna, wonu ni ma ale Alla-halalɛ la. Wo do-wo-do kana lanyiri kɛ tinya wola musinu bara la.

Malakayi 2:15 ပူးပေါင်းရင်းမြစ်များ

Ko-Dabirɛnu 1:27

Woletɔ Alla ya mɔgɔni-gbuyi dan a nyɛrɛta muninyɛ rɔ. A ya kei anubɛ musi dan.

Ko-Dabirɛnu 2:7

Wo kɔma, Mari Alla ya kei dan ka bɔ bɔnkɛ rɔ. Alla ya a nyɛrɛ niyi bila a sunyɛ rɔ. Kei wo ya niyila fɛyɛ dabira. A mara dali-fen-kɛndɛ la.

Ko-Dabirɛnu 24:44

Ni a sɔnta n kɔla ka do di nna nyomɛnu fanan ma,’ n ko, ‘alamɛ musi wo mara Isiyakala musi la.’

Ko-Dabirɛnu 27:46

Rebɛka ya a fɔ Isiyaka ye ko, “Isɔ ya Hɛti dunmusi minnu furu nun, n bara bandan wonu kɔrɔ. Ni Yakoba fanan ya Hɛti musi do furu min si ma iko kɛnu, wo si a ma, n niyi ra ni gbɛrɛn n ma n siyi-tele-bɛɛ kɔrɔ.”

Ɛsira 9:4

N tora sigini nyɔ ha wurala-saraka-bɔ-wati. Mɔgɛnu nara anu kinki n na, katarala minnu bara kilan ka a tɛgɛ Alla ara min fɔ mɔgɔ-birani-kɔrɛ wonuna hakɛla ko rɔ.

Nihɛmaya 13:24

Yahudiyanuna dannu talɛ ye Asadadi kan fɔla, ni wo ma, kan-gbɛrɛ kɔnɔ anu ma kusan anuta Yahudiya-kan fɔla.

Yobu 27:3

fananta n bi n niyi wo lafɛla ale Alla bolo,

Bɔ-Koe-Iyipiti 20:14

“Wo kana yɛlɛnyɛ kɛ.

Hɛnkilimaya-Kumɛnu 2:17

bawo musi wo ma telen ala kei ye. A ya lanyiri min kiri Alla ye a furu tinɛ, a ara nyina wo ko salon!

Hɛnkilimaya-Kumɛnu 4:23

A ma i fɛrɛma i miri tinɛ bawo tɔ-a-la, i miri-nya si ma i kɛ-nya la.

Hɛnkilimaya-Kumɛnu 6:25

Hali yɛlannu kinyara ka a dan-natenbi, anuna kinyɛ kana i bole labira. Anu bi anu yɛ min tɛgɛla a kɔrɔ, wonu kana i bole labira.

Hɛnkilimaya-Kumɛnu 7:25

Wo kana sɔn, musu-sufa wo wara-koe ni banban wo yisi rɔ. Wo kana wola kila-nyimɛnu boloka ka kilɛ bira min bi tala ale warɛ.

Makawandili Kumɛnu 12:7

Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Yɛrɛmaya 2:21

Mari ko a ya wo ki le iko ki-fen-natankanɛ. Wo mani de iko sugu-bɛrɛ. A ko nfenna wo ara yɛlɛman nɔnbɛ la min gbɔɛ kunayanɛ kelele?

Hoseya 1:10

Hali wo, Isirɛla mɔgɛnu si na siyaya iko ba-kɛnkɛn. Mɔgɔ ti ke anu danna siyayɛ bolo. Kaka, Alla ye a fɔla anu ma ko ata mɔgɔ ma Isirɛla mɔgɛnu na kɔnɔ yarɔma, a si na a fɔ anu ma ko ale Alla-nimɛta dan le anu na.

Saraka-Masɔlɛnuta Tɔnnu 20:10

“Ni kei do ya a sa a ta-nyɔgɛla musi fɛ, Mari ko wo ni anubɛ musi wo faga.

Malakayi 2:14

Wo ye a fɔla ko, “Nfenna Alla sa sɔnna mala sarakɛnu na tun?” Ni i ya a yen, Alla sa sɔnna wola sarakɛnu na bawo wobɛ wola musinu ya lanyiri min kiri wo nyɔgɔn tɛma wo tumɛ wo dennɛ, wo ara wo tinya. Wo ya lanyiri kiri Alla yala ko wo ti wola musinu boloka, ado wo makofu le musi wonu na. Wo ya lanyiri kiri Alla yala ko wo si to lanayɛ rɔ wola musi wonu ye.

Matiyu 15:19

Ado nfan, miriya-yogomɛnu bi bɔla mɔgɔ-yisi le tɔ min si a sɔ mɔgɔ-faga-koe la anubɛ yɛlɛnyɛ anubɛ milibɛlitaya-koenu na, hali kankanyɛ anubɛ foninya-fɔɛ anubɛ mɔgɔ-rafɔɛ.

Yɔni 20:22

A ya kɛ fɔ tumɛ min, a ya a niyi lafɛ anu kuma. A ko, “Wo ni Allala Ni-Sɛnimɛ sɔrɔn.

Kɛwɔlɛnu 3:25

Alla ya lanyiri minnu kiri ala nɛbinu baraka rɔ, wotɛ le wonu na. Alla ya lanyiri minnu kiri wo benbanu ye, wo ara wo sɔrɔn iko a ya a fɔ Iburayima ye nya min. A ko duninya-mɔgɛ bɛɛ si na duwɛ sɔrɔn ale bɔnsɔn fɛ.

1 Kɔrɛnti 7:14

N bi wo fɔla bawo dɛnkɛninya-musi si sɛninyɛ lana ala kei-wara-sigi rɔ. Dɛnkɛninya-kei fanan si sɛninyɛ lana ala furi rɔ. Ni a sa wo nya, anuna dannu si ma iko Alla-lɔnbɛlɛnuta dannu. Ka a tɛgɛ dɛnkɛninya-mɔgɛ wo ma, dan wonu bara dantɛgɛ Alla ma worɔ.

1 Kɔrɛnti 7:2

Kɔnɔ yɛlɛnyɛ ara siyaya min kɛ, a fisa, kei bɛɛ ni musi furu. Musi bɛɛ ni sigi kei-wara-sigi rɔ.

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Ɛfɛsa 6:4

Wole denbɛnu, wo kana wola dannu manyini fɔ ka anu makolo dɛnkɛninyɛ makololi-nya la.

Tɔn-Fɔɛ-Fila-Nyɔgɛ 7:4

Ni wo ya wo ma, wo si a ma, wola dannu si anu kan-kɔ sɔ Mari la ka anu nyɛrɛ don bɛsi-kɔ-koe rɔ. Ni anu ya anu don wo rɔ, Mari fonde si bɔ wo kuma ka wo damasi halaki pɔɔ!

Taita 1:6

N ko fɛɛ kana taran chɔchi-mɔgɔ-ba la. A ni telen ala musi ye. Ala dannu ni ma dɛnkɛninya-mɔgɛnu na. Mɔgɛnu kana anu lɔn kalabante anubɛ kuma-birabɛlɛnu na.

Ruti 4:12

Iko Yakobala den-kei Pɛrɛsi yirita nya min Tema ya minnu sɔrɔn, alamɛ Alla ya den-siyamɛ di wobɛ Ruti ma wo nya na le.”

1 Samuwɛli 2:20

Saraka-Masɔla-Kun-Tigi-Wɛ Ilayi si duwa Ɛlakena anubɛ ala musi, Hana ye wo wati le tɔ. A si a fɔ Ɛlakena ye ko, “Alamɛ Mari ya den di ila musi kɛ ma ila den Samuwɛli kɛ gbɛ rɔ bawo i wara kɛ dantɛgɛ Mari ma.” Wo kɔma, anu si sɛgi anu barɛ.