Malakayi 2:14 - ALLALA KUMƐ

¹⁴ Wo ye a fɔla ko, “Nfenna Alla sa sɔnna mala sarakɛnu na tun?” Ni i ya a yen, Alla sa sɔnna wola sarakɛnu na bawo wobɛ wola musinu ya lanyiri min kiri wo nyɔgɔn tɛma wo tumɛ wo dennɛ, wo ara wo tinya. Wo ya lanyiri kiri Alla yala ko wo ti wola musinu boloka, ado wo makofu le musi wonu na. Wo ya lanyiri kiri Alla yala ko wo si to lanayɛ rɔ wola musi wonu ye.

Malakayi 2:14 ပူးပေါင်းရင်းမြစ်များ

Ko-Dabirɛnu 2:18

Mari Alla ko, “Kei kelan ma bɛn. N si a dɛnbɛnɛ dan a ye, anubɛ min si bɛn.”

Ko-Dabirɛnu 31:50

Ni i ya nna dunmusinu bira boloko-yogomɛ-kɛ, nde ya sa i la kɔnɔ Alla kolonkɛ ye i la. Ni i ya dunmusu-gbɛrɛkɛ furu ka anu sa nna dunmusinu kuma, hali sereyɛ sa ma tɛma yan, i hɛnkili to a ko ko Mari le sereyɛ la mabɛ ile tɛma.”

Hɛnkilimaya-Kumɛnu 2:17

bawo musi wo ma telen ala kei ye. A ya lanyiri min kiri Alla ye a furu tinɛ, a ara nyina wo ko salon!

Hɛnkilimaya-Kumɛnu 30:20

Koe do ye nyɔ fanan min makawara iko musu-yɛlan si ta yɛlɛnya-kɛ-tinɛ nya min. A ban fen-dɔn-kɛla ka a dɛ mafiran, wo kɔma, a si a fɔ ko, “Nde ya nfen tinya?”

Hɛnkilimaya-Kumɛnu 5:20

nna den, nfenna i si ila keninteyɛ yira musu-gbɛrɛkɛ la ka ila musi to nyɔ? I kana mɔgɔ-gbɛrɛla musi bira a bole ma.

Makawandili Kumɛnu 9:9

Wobɛ i diyana-musi ni taran wo diya tolon! I ni to kɛnu kun na i siyi-tele-bɛɛ kɔrɔ bawo duninya ragbɛlɛ. Mɔgɛ ni to a nyɛrɛ ladiyala tele-ragbɛlɛyani kɛnu tɔ bawo tɔnɛ dama-damɛ le wo la.

Keninteya-Siginu 1:15

E, n kɔntɔ-musi, i kin. I kin dɔgɔma-ma-de! I yɛ kɛlɛlɛ iko kura-kangbɔɛtɛ.

Aiseya 54:6

Ile Yerusalɛm makinikininɛ iko nyaganɛla kei wa a boloka, a ya min biri-musi furu. Kɔnɔ Mari si sɔn ile la tun ka a fɔ i ye ko

Aiseya 58:3

Mɔgɛnu bi a fɔla ko anu bi sunyɛ donna tele donu tɔ kɔnɔ Alla sa anu denkunna. Anu ko anu bara anu famayigi Mari gbiliya tinɛ kɔnɔ Alla sa anu mafɛlɛnna. Kɔnɔ Mari ko min di wole ye, wo ye wonu denu mala tele wonu tɔ. Wo ye wola wɔli-kɛ-dannu kensunna.

Yɛrɛmaya 42:5

Wo kɔma, anu ya a fɔ n ye tun ko, “Ile ye nala ma Mari Allata tɔn min fɔla ma ye, ni ma ma wo bɛɛ bira a kilɛ fɛ, ale Mari min telennɛ, alamɛ a mara sere la ma kan ma.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Yɛrɛmaya 9:2

Alako bon-nɛ taranta n bolo wulɛ rɔ nun, n si to n dan na kan min. Ni wo mara, n si ke bɔla le wole, nta mɔgɛnu tɛma worɔ. N si n masɛgi wo la worɔ. N bi wo mala bawo wo do-wo-do ma telen Alla ye. Wo dama ara wo kan-kɔ sɔ Mari la.

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Maika 1:2

Maika ya Mari kuman-kan latenbi ata mɔgɛnu ma ko, “Sibolo-mɔgɛ bɛɛsi ni anu tole masɔ a kin na! Duninya-tigi Mari si ma sereyɛ la wo kan ma. Wo ni wo tole masɔ. A ye nala kumala ata Arinyɛnɛ-bon-sɛnimɛ la.

Malakayi 2:15

Alla ma wobɛ wola musinu ma fen kelen de la, wa? Nfenna Alla ya kɛ ma? A ya kɛ ma le alako wo ye dan minnu sɔrɔnna, wonu ni ma ale Alla-halalɛ la. Wo do-wo-do kana lanyiri kɛ tinya wola musinu bara la.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Malakayi 3:8

Kɔnɔ Alla ye wo manyinikala ko a bɛnnɛ mɔgɛ ni ale Alla kensun, wa? Wo ma telen kɔnɔ a ko wo ye a kensunna. Wole ye a fɔla ko, “Ma ye a kensunyala kama?” A ko wo ye a kensunna yakanu anubɛ kɔ-fannu tɔ.

Kɛlɛ-Kurugbɛnu 11:10

Mɔgɔ-ba wonu ko, “Ma ara sɔn wo ma. Mari le ma sere la. Ma si a ma iko ma ara a fɔ i ye nya min.”

1 Samuwɛli 12:5

Samuwɛli ya a fɔ anu ye ko, “Mari anubɛ ata mansa-yabɔnɛ ara ma sereyɛ la ma tɛma wona bi, ko wo ara n bara-koe fɛsɛfɛsɛ. Wo ma fɛɛ yen n na.” Anu denu fanan ya a fɔ ko, “Ɔn, Mari le ma sereyɛ la.”