Malakayi 2:13 - ALLALA KUMƐ

¹³ Wo ye ko-yogomɛ do mala fanan tun! Wo ye nala wola sarakɛnu na saraka-mintan-tinɛ kɔnɔ wo wa ke nyɔ rɔ, wo si worondo ha wo ya-yinu ni saraka-mintan-tinɛ wo kimɛ yɔgbɔ! Wo ye dila bawo Mari sa sɔnna wola sarakɛnu na.

Malakayi 2:13 ပူးပေါင်းရင်းမြစ်များ

Nihɛmaya 5:1

Wati tenbinɛ, keinu wo, musinu wo, anubɛ mɔgɔ-siyaman donta masigima-kan-fɔɛ rɔ ka a bɛn anu ta-nyɔgɛ Yahudiyanu ma.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Yɛrɛmaya 11:14

Mari ko nde, Yɛrɛmaya kana madiyali kɛ wole ye. A ko n kana n dɛ sa-a-rɔ wola ko la, ni wo ma, ka tarali kɛ wo ye. Wo wa Mari rakele tɔrɔyɛla ko la, a ko a ti a wɔlɔ matɔlɔ wo la.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Tɔn-Fɔɛ-Fila-Nyɔgɛ 15:9

Hali a ya a taran, san wɔrɔnfilɛ kɛ ara gbɛrɛn, wo si yili boloka san min na, wo kana wo ban wo nyɔgɔn-dɔndɔ-koe ma. Hali miriya-yogoma-su wo kana na wo hɛnkili ma. Ni wo ya wo ban wo na-kelen-nyɔgɛnu dɔndɔ-koe ma, ni wo do ya a yasere-masa Allatala ye, wo tigi min ya karagbɛlɛyɛ sigi a la wo la, wo si yiliki sɔrɔn Alla bolo.

Tɔn-Fɔɛ-Fila-Nyɔgɛ 26:14

N bi saya-diyi-kɛ la tumɛ min, n ma fenfen bɔ yaka kɛ la ka a dɔn. Wo tumɛ n sɛninyabɛlɛ iko tɔn ya a fɔ nya min, n ma fenfen bɔ ila yaka kɛnu na bɔn la. N ma fenfen bɔ anu na ka anu ma furu-kɔ-fan la. N bara ile Mari kuman-kan bira ka a latɔnbagaya ka a tɛgɛ ila yaka kɛnuna ko ma.