Malakayi 1:6 - ALLALA KUMƐ

⁶ Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Malakayi 1:6 ပူးပေါင်းရင်းမြစ်များ

Yaburi 123:2

E, mata Mari Alla, ma yɛ bɛnnɛ i ma ha i ni kinikini ma ma iko wɔli-kɛlɛ si a yɛ bɛn a tigi ma nya min.

Bɔ-Koe-Iyipiti 20:12

“Wo ni wo fanu anubɛ wo nanu gbiliya. Woletɔ n bara wo yili-madiya nyamanɛ min na, wo si simayɛ sɔrɔn wo rɔ.

Hɛnkilimaya-Kumɛnu 17:6

Benbe si a wasi a mamanɛ la iko dan si a wasi a fa la nya min.

Hɛnkilimaya-Kumɛnu 30:11

Mɔgɛ donu bi nyɔ, wonu bi anu fanu mɔɛnna, katarala anu nanu ma.

Hɛnkilimaya-Kumɛnu 30:17

Mɔgɛ min bi a na anubɛ a fa bɔrɔbɔla, a bɛnta, a furi-bolokanɛ ni to. Mansa-wala-kona anubɛ dogɛnu ni a furi dɔn.

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 43:23

A ko ma ara ma ban nala saraka-sagɛnu na minnu bi mintanna a ye. Ma ma sɔn a gbiliyala sarakɛnu na tun. A ko ale ma dunu sa ma kuma ka to ma manyinikala sɔli-fannuna ko ma. A ma to ma fɔrɔsɛla isɛnti mintan ko ma ka ma labandan wola ko la,

Aiseya 45:10

Dan si ke a fɔla a sɔrɔnnɛnu ma ko, “Nfenna ko la wo ya n nadan ka?”

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Aiseya 64:8

Kɔnɔ Mari, ma fa le ile la. Male manɛ iko dugu-namɛ. Daga-sɔlɛ le ile la. I kɔɛn-nyɛrɛ-nyɛrɛ le ya ma dan.

Yɛrɛmaya 23:11

Mari ko nɛbinu anubɛ saraka-masɔlɛnu bara kisimiriya-koe dan-natenbi. A ko hali a nyɛrɛta Bato-Bɔn, a ara anu bira sɔn-yogoyɛ la nyɔ.

Yɛrɛmaya 3:4

Kɔnɔ Mari ko wo ye a fɔla a ma ko kebi wo dennɛ, wo fa le ale Mari la, wo di min ye.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yɛrɛmaya 35:16

A ko Yonadabu mamanɛnu bara anu benba kan to a gbɛ rɔ kɔnɔ wole, Isirɛla mɔgɛnu ma sɔn ale Mari kan tola a gbɛ rɔ.

Isikiyɛli 22:26

Anuna saraka-masɔlɛnu bi tɔnnu tinyana ka ko-sɛnimɛnu nafɛya. Dan-nafara ma taran fen-sɛninyanɛ anubɛ fen-sɛninyabɛlɛnu tɛma anu yala. Anu sa mɔgɛnu karanna ka a lɔn ni Allatɛ ye min na anubɛ ni mɔgɛnutɛ ye min na. Sulen-Tele bira-koe bɔrɔ-wo-bɔrɔ sa anu ye. Ka a tɛgɛ anu sɔn wonu ma, n ma gbili Isirɛla mɔgɛnu ma tun.

Hoseya 12:8

Wo ye a fɔla ko, ‘Ma ara ma nɔnfulu-tiginu na, ado mɔgɔ-den-kelen ti ke a fɔla ma ma ko ma ara kɛ sɔrɔn kensunyɛ le tɔ.’

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Hoseya 5:1

“Wole saraka-masɔlɛnu, wo ni wo tole masɔ. Wole Isirɛla kun-tiginu, wole fanan ni wo tole masɔ. Wole min bi mansa-bɔn la, wo ni wo tole masɔ. Wo si kiti sɔrɔn bawo a bɛnta, wo ni kiti sa telenbagayɛ la nun. Wo ye bɛsi minnu kɔla Misipa soe burɔ, wo mara gbɛrɛ la mɔgɛnu ye. Wo ara ma donsoya-yalɛ la Tebɔ kɔnkɛ kuma.

Saraka-Masɔlɛnuta Tɔnnu 19:3

Wo ni wo fanu anubɛ wo nanu gbiliya iko n ya a fɔ nya min wati tenbinɛ rɔ. Wo ni Sulen-Tele ma tele-latankanɛ la fanan. Nde, wota Mari Alla ya kɛ le fɔ wo ye.

Sɛfanaya 3:4

Fenfen sa yan-nɛbinu da rɔ fɔ nyɛrɛ-matɔgɔ-kumɛnu. Anu bi min fɔla, mɔgɔ ti la wonu na. Fan minnu dantɛgɛnɛ Mari ma, saraka-masɔlɛnu bi wo latinyana, ado Allata tɔnnu minnu sɛbɛnɛ, anu bi wonu tadula alako anu ni fen bɔ mɔgɛnu bolo.

Malakayi 2:1

Mari Sɛnbɛ-Bɛɛ-Tigi ye a fɔla saraka-masɔlɛnu ye ko tɔn kɛ ye wola ko la.

Malakayi 2:10

Wole Yuda mɔgɛnu, kɛmɔgɔni-kelan-sɔrɛ le ma dama la. Alla kelen de ya ma dama ladan. Ni tonyɛ le wo la, nfenna ma si mala lanyiri tinya ma nyɔgɔn bara la? Nfenna Alla ya sarama-kan min kiri ma benbanu ye, ma si tɛgɛ wo rɔ?

Malakayi 2:8

Kɔnɔ wole saraka-masɔlɛnu, a ko kaka wo ara ka kila-telennɛ ma, ado wola karan-bole ara a ma, mɔgɔ-siyaman bara don ko-yogoma-kɛ rɔ. A ko wo sarata min ma, wo ara wotɛ tinya.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 15:4

Alla ko, ‘I ni i na anubɛ i fa gbiliya.’ A ko fanan, ‘Mɔgɔ-wo-mɔgɔ wa kuma-yogomɛ fɔ a na anubɛ a fa ma, wo ni wo faga serr!’

Matiyu 15:6

ko ni min ya wo ma, hali a ma anu gbiliya kɔ-fan wo la tun. Wo wa bila wo benbanuna karan fɛ, wo ye Allala kumɛ mala fuyi la wo nya na le.

Matiyu 19:19

I ni i na anubɛ i fa gbiliya. I ni i sigi-nyɔgɛ keni iko i nyɛrɛ.”

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.

Matiyu 7:21

“Min bɛɛ ye a fɔla ko ata Mari le nde la, wo bɛɛ ti don Allala mansayɛ rɔ fɔ minnu bi n Fa diyana-koenu kɛla, n Fa min bi Arinyɛni tɔ, kɔni.

Maraka 10:19

Ka ila nyinikalɛ yabi, i ya tɔn kɛnu lɔn. Anu ko, ‘Wo kana mɔgɔ faga. Wo kana yɛlɛnyɛ kɛ. Wo kana kankanyɛ kɛ. Wo kana foninya-sereyɛ bɔ. Wo kana mɔgɔ kensunya. Wo ni wo na anubɛ wo fa gbiliya.’ ”

Maraka 7:10

Bawo Nɛbi Musa ya a fɔ ko, ‘Wo ni wo fanu anubɛ wo nanu gbiliya.’ A ko fanan, ‘Ni mɔgɔ-wo-mɔgɔ ya kuma-yogomɛ fɔ a na anubɛ a fa ma, fɔ wo tigi ni faga serr!’

Luka 10:29

Kɔnɔ tɔn-karan-mɔgɛ ye nyinina a nyɛrɛ fɛkala. Woletɔ a ya Yisa manyinika ko, “N sigi-nyɔgɛ ye yon na?”

Luka 18:20

Ka ila nyinikalɛ yabi, i ya tɔn kɛnu lɔn. Anu ko, ‘Wo kana yɛlɛnyɛ kɛ. Wo kana mɔgɔ faga. Wo kana kankanyɛ kɛ. Wo kana foninya-sereyɛ bɔ. Wo ni wo fa anubɛ wo na gbiliya.’ ”

Luka 6:36

Wo ni kinikini mɔgɛnu ma iko wo Fa Alla kinikininɛ wole ma nya min.

Luka 6:46

“Nfenna wo ye a fɔla ko wota Mari le nde la kɔnɔ wo sa nna kumɛ birala?

Ɛfɛsa 6:2

Alla ko, “I ni i fa anubɛ i na gbiliya alako i ni hɛrɛ anubɛ simayɛ sɔrɔn dugu-kole kuma.” Tɔn kɛ, ale le tɔn fɔlɔtɛ la lanyiri kirita minna ko la, kɔni.

Tɔn-Fɔɛ-Fila-Nyɔgɛ 1:31

Iko kei si ala dan sigi a kɔnkɔn tɔ nya min, a ya ma sigi a kɔnkɔn tɔ wo nya na le wulɛ rɔ ha ka na ke ma la yan.

Tɔn-Fɔɛ-Fila-Nyɔgɛ 32:6

Wole mɔgɔ-fufafuyinu anubɛ hɛnkilibɔnɛnu, wo ya Mari sara wola fisiriwɔlitayɛ kɛ le la, wa? Wo fa anubɛ wo Dali-Mari le ale la min ya wole ma bɔnsɔn kelen na.

Tɔn-Fɔɛ-Fila-Nyɔgɛ 5:16

“Wota Mari Alla ko wo ni wo fanu anubɛ wo nanu gbiliya, woletɔ a ye nala nyamanɛ min dila wo ma, wo si simayɛ sɔrɔn ka sigi hɛrɛ rɔ nyɔ rɔ.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.