Malakayi 1:5 - ALLALA KUMƐ

⁵ Isirɛla mɔgɛnu si kɛ rayen anu nyɛrɛ yɛ la. Anu si a fɔ ko, “Hali mata nyamani ma min na, sɛnbɛ ye Mari bolo nyɔ kuma fanan.”

Malakayi 1:5 ပူးပေါင်းရင်းမြစ်များ

2 Ko-Kɔrɔta-Karan 29:8

Ka a tɛgɛ wo ma, Mari fonde bɔra Yuda kɛnu anubɛ Yerusalɛm kɛnu kuma. Mari ya min sigi anu ma, wo ara anu dama kumakɔ. Anu mara yɛlɛnma-fan la mɔgɛnu yala, ado wo ya wo lɔn bɛrɛkɛ!

Isikiyɛli 38:16

A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.

Isikiyɛli 38:23

Wo wa ma tumɛ min, ale Mari si a yira sibole bɛɛ la ko a makawara, ado a sɛnima. Anu si a lɔn ko Mari le ale la.

Isikiyɛli 39:9

Mɔgɛ minnu siginɛ Isirɛla nyamanita soenu tɔ, wonu si anu yogenuna kɛlɛ-miran matɔnbɔn ka anu ma anuna sɔgɛnu na. A nɛgɛ-walan wo, a kalabɛn wo, a tanba wo, a gbeleka-kundi wo, anu si wonu ma anuna gba-don-sɔgɛnu na. Wonu sinkannu nadɛnnɛ si to anu bolo san wɔrɔnfila kɔrɔ.

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Tɔn-Fɔɛ-Fila-Nyɔgɛ 11:7

Tonyɛ le, wole ara kabana-koe kɛ damasi yen wo yɛ la.”

Tɔn-Fɔɛ-Fila-Nyɔgɛ 4:3

“Wo tumɛ ma ye Piyɔri kɔnkɛ fɛ, wo nyɛrɛ-nyɛrɛ ya a yen Mari ya min ma wo wati rɔ. Minnu ya Beyali bɛsɛ kɔ, Mari ya wonu faga nya min, wo ya a yen wo nyɛrɛ yɛ la serr!

Yasowa 24:7

Isirɛla mɔgɛnu wɔrɔndɔra ko ale Mari ni anu dɛnbɛ. A ya anu dɛnbɛ ka pinpi-belebele-wɛ don anubɛ Iyipiti mɔgɛnu tɛma. A ya yi-belebele-wɛ keri Iyipiti mɔgɛnu kuma ka anu faga. Wo ya a lɔn a ya min ma Iyipiti mɔgɛnu na. Wo kɔma, wo ya san-siyaman bɔ wula-da-rakolɔn rɔ.

1 Samuwɛli 12:16

“Mari ye kabana-koe min mala wo yala, wo si wo yen wo nyɛrɛ yɛ la kaka.