Malakayi 1:4 - ALLALA KUMƐ

⁴ Idɔm kɛnu, Isɔ kegeyɛ, kɔni, tumado wonu si a fɔ ko, “Hali mala soenu bara kasara, ma si anu sɔ-kura-kɛ tun.” Ni anu ya wo fɔ, Mari si a fɔ worɔ ko ni anu ya anu sɔ tun, a si na anu tii mɛmɛ! Mɔgɛnu si na nyamanɛ wo kele ko, “Karagbɛlɛya-nyamanɛ.” Anu si to a fɔla tun fanan ko, “Mari fonde bɔnɛ nyɔ-mɔgɛnu kan ma tolon!”

Malakayi 1:4 ပူးပေါင်းရင်းမြစ်များ

Yobu 12:14

Alla ara ban min nawuyala, mɔgɔ-wo-mɔgɔ ti ke wo lasɔla tun. Alla wa mɔgɛ min nadon yele la, mɔgɔ-wo-mɔgɔ ti ke wo kunkala.

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yaburi 127:1

Ni Mari ma a kɔɛn don bɔn-sɔɛ rɔ nun, bon-sɔlɛnu bi tɔrɔ-fu le kɛla wo rɔ. Wo rɔ, ni Mari ma a kolonkɛ bɛn soe ma a latanka-koe la, so-kandannɛnu bi wɔli-fu le kɛla wo rɔ.

Yaburi 137:7

E, Mari, Idɔm kɛnu ya min ma, Yerusalɛm birara tele min na, i fonde lamiri wo ma. Anu tora a fɔla ko, “Wo ni soe tii mɛmɛ ka anubɛ dugu-kole rakɛnya.”

Yaburi 33:10

Mari ya sibolo-gbɛrɛnuna miriya-yogenu tinya. A ya a ma, anuna miriya-yogenu tora anu burɔ.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Aiseya 10:4

Wo kunyɛ si to kɛlɛ rɔ, ni wo ma, kɛlɛ si ta wo la pon! Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ wo tɔrɔ-koe la.

Aiseya 11:14

Anu dama si ta anu nyɔgɔn fɛ ka bui Filisitinu ma tele-yigi wara la. Anu si ta anu yogenu bolo-fan toronde anu na tele-bɔɛ wara la. Idɔm kɛnu wo, Mohabu kɛnu wo, Amonnu wo, wonu damasi si to anuna sɛnbɛ kɔrɔ.

Aiseya 34:10

Tɛ si to sigini a la dɔnkɔnyɔ, su-ni-tele. A sisi si to yɛlɛla kulakula! Nyamanɛ tinyanɛ si to burubukai! Mɔgɔ-wo-mɔgɔ ti tagama nyamanɛ wo rɔ tun!

Aiseya 34:5

Mari ara ala faan sagan a lɛɛ rɔ san-kole rɔ. A ye nala Idɔm kundu bɔla, ado a ara kasarɛ wara-koe fɔ mɔgɛ kɛnu ye nun.

Yɛrɛmaya 31:17

A ko yigi ye nyɔ yarɔla ko la bawo ala dannu si sɛgi anu barɛnu tɔ. Mari kan le kɛ la.

Yɛrɛmaya 49:20

Mari ko a ara koe min tabɛn Idɔm kɛnu kan ma, hali minnu siginɛ Timan soe burɔ, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Yɛrɛmaya 49:7

Mari Sɛnbɛ-Bɛɛ-Tigi ya kɛ le fɔ Idɔm kɛnuna ko rɔ ko hɛnkilima sa Idɔm kɛnu tɔ, wa? Anu hɛnkili-kɔlɛnuna hɛnkili ara toronde anu na, wa? Anuna ko-lɔn ara tunu anu bolo, wa?

Yɛrɛmaya 49:8

Didan so-burɔ-mɔgɛnu ni anu kan-kɔ sɔ. Anu ni anu buri tala anu dogonna. Mari ko a ye nala Isɔ kegeyɛnu kasarala, Idɔm kɛnu, kɔni bawo anu tɔrɔ-wati ara ke a bolo.

Yɛrɛmaya 5:17

Anu si wola fui-fannu anubɛ wola dɔn-fannu ban fegba! Anu si wola dannu dɔn sa! Anu si wola kolo-fannu nato dogbe! Anu si wola ki-fan bɛɛ dɔn tɛrr! Wo lanɛ wola so-latankanɛ minnu na, anu si wonu takerikeri.

Nimisa Koe 3:37

Yon si ke kumɛ fɔla, a ni bɔ-a-la, ni n Tigi Mari ma sɔn wo ma fɔlɔ nun, ba?

Isikiyɛli 11:10

ado a ko wo kunyɛ si to kɛlɛ rɔ wota nyamanɛ kɛ rɔ yan. Woletɔ bɛɛ si a lɔn ko ale le wota Mari la.

Isikiyɛli 25:13

Woletɔ n bara a latɛgɛ ko fɔ n ba Idɔm kɛnu tɔrɔ ka mɔgɛ bɛɛ faga anubɛ anuna kolo-fannu. Ka a dabira Tɛma soe ma ha ka ta a sigi Didan soe la, n si nyamanɛ wo bɛɛ tinya pɔ, ado nyɔ-mɔgɛ bɛɛ kunyɛ si to kɛlɛ rɔ.

Isikiyɛli 25:14

Nta Isirɛla mɔgɛnu si anu tayili sara Idɔm kɛnu na n ye. Anu denu si a ma, Idɔm kɛnu ni nna yisi-bɔɛ dan-natenbi lɔn. Idɔm kɛnu si a lɔn n si n tayili sara mɔgɛnu na nya min. Nde, wo Tigi Mari le ya kɛ fɔ.

Isikiyɛli 26:14

N si nyɔ ma iko fara-gbaran-makolɔn, yɛgɛ-fagalɛnu ni to anuna yalɛnu tagbalala kan min. Mɔgɔ-wo-mɔgɔ ti ke soe wo sɔla a kurɛ la tun. Nde, wo tigi Mari kan le kɛ la.

Isikiyɛli 35:4

N si Idɔm so-kunbɛnu ma tonbɔn la. N si ale nyamanɛ kasara pɔ! Wo wa ma tumɛ min, anu bi a lɔnna wo le ma ko Mari le nde la.

Isikiyɛli 35:9

N si a ma nyamani-halakinɛ la tolon, ado mɔgɔ-wo-mɔgɔ ti sigi ala soenu tɔ tun! Wo wa ma tumɛ min, anu si a lɔn wo le ma ko Mari le nde la.

Emɔsi 1:11

“Mari ko wole Idɔm mɔgɛnu, wo ara hakɛ dan-natenbi, ado a si wo tɔrɔ, yɔ! Wo ara wola kɛlɛ-kɛ-mirannu bi ka wo na-kelen-nyɔgɔ Isirɛla mɔgɛnu manɛgɛn. Wo ma sɔn kinikinina anu ma mumɛ! Wola diminyɛ ma sɛgi kɔma.

Emɔsi 3:15

Mari ko a si anuna bɔn damasi tinya, a mara a kinama la wo, a mara a dɔgɔma la wo. Hali anuna bon-hakikɛ minnu tabɛnnɛ sogo-ba-nyin-malɛsɛnɛnu na, wo damasi si tinya pɔ!

Emɔsi 5:11

Wo ara bolo-kolɔnnu tɔrɔ ka anuna dɔntɛnu bi anu bolo fufafu! Wo ara wo ma min kɛ, woletɔ Mari ko wo ara bon-hakikɛ minnu sɔ, wo ti don anu na. Wola ki-fen-hakikɛ minnu bi wo bolo, wo ti wonu dɔn.

Emɔsi 6:11

“Mari wa a fɔ wo yogenu ye tumɛ min ko anu ni ta wola bɔnnu tinya, wola bon-kinama wo, a dɔgɔma wo, anu si wo damasi murundu.

Emɔsi 6:2

Wo ye a fɔla wola mɔgɛnu ye ko anu ni ta Kalanɛ so-tinyanɛ mafɛlɛn, wo kɔma, anu ni ta Hamati so-karantan tinya-nya mafɛlɛn. Anu ni ta Kati so-wɛ mafɛlɛn min bi Filisitinu bolo. Wo ya anu manyinika ko, ‘Soe minnu bi Isirɛla anubɛ Yuda nyamanɛnu tɔ yan, wonu ma fisa sibolo-gbɛrɛ kɛnuna soenu ko, wa? Wola nyamani filɛ kɛnu ma kolo sibolo-gbɛrɛ kɛnuna nyamanɛnu ko, wa?’

Hɔbadaya 1:1

Mari Sɛnbɛ-Bɛɛ-Tigi ya kumɛ kɛ le fɔ nde, Nɛbi Hɔbadaya ye Idɔm nyamanita-mɔgɛnu wara-koela ko la. Mari ya mɔgɛ do sɔ ka kuma sibolo-siyamɛnu ye, ado ma ara kumɛ wo lamɔɛn. A ko, “Wo ni wo rabɛn ka ta bui Idɔm mɔgɛnu ma.”

Hɔbadaya 1:10

Mari ko tɔrɔyɛ bɛɛ si na wo kuma kamasɔrɔn wo ara wo na-kelen-nyɔgɛnu Yakoba kegeyɛnu kankan ka anu faga. Woletɔ a ko wole Idɔm mɔgɛnu si yarabiyi sɔrɔn ka halaki pɔɔ!

Malakayi 1:3

kɔnɔ Isɔ anubɛ a kegeyɛ ma di a ye. A ko a ara Isɔla kɔnkɔ-nyamanɛ tinya ka nyɔ ma fira-wulinu-halalɛ la.

Matiyu 12:30

“Mɔgɔ-wo-mɔgɔ min sa nde fɛ, wo ye n kan ma. Min sa n dɛnbɛna ka fannu nadɛn, wo ye wonu tanyɛnsɛnna.