Malakayi 1:3 - ALLALA KUMƐ

³ kɔnɔ Isɔ anubɛ a kegeyɛ ma di a ye. A ko a ara Isɔla kɔnkɔ-nyamanɛ tinya ka nyɔ ma fira-wulinu-halalɛ la.

Malakayi 1:3 ပူးပေါင်းရင်းမြစ်များ

Ko-Dabirɛnu 25:23

Mari ya a fɔ a ye ko, “I si fɛrannu sɔrɔn. Wonu si ma bɔnsɔn-kun-tiginu na. A kinamɛ si wɔli a dɔgɔmɛ ye.” Bɔnsɔn wonu si to anu nyɔgɔn kɛlɛla. Bɔnsɔn doi sɛnbɛ si koloya doitɛ ko.

Aiseya 35:7

Kɛnkɛn-kalimɛ si ma dalɛ la. Tenkenu si taran nyamani-tagbalanɛ wo kan tinɛ bɛɛ rɔ. Fira-wulinu sigi tinɛ si ma gbofɛ la.

Yɛrɛmaya 49:10

Kɔnɔ Mari ko a si Isɔla nyamanɛ makolonya filili, ka anu dogon-tinɛ bɛɛ ma gbɛkole la. Idɔm mɔgɛ bɛɛ si kasara tɛrr! Hali mɔgɔ den kolo kelan, a ti to a niyi la.

Yɛrɛmaya 49:20

Mari ko a ara koe min tabɛn Idɔm kɛnu kan ma, hali minnu siginɛ Timan soe burɔ, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Yɛrɛmaya 49:33

Hesɔ soe si ma wula-da-rakolɔn la. A si ma sulukinu sigi-tinɛ la. Hadama-den ti sigi nyɔ tun. Mari kan le kɛ la.

Yɛrɛmaya 49:7

Mari Sɛnbɛ-Bɛɛ-Tigi ya kɛ le fɔ Idɔm kɛnuna ko rɔ ko hɛnkilima sa Idɔm kɛnu tɔ, wa? Anu hɛnkili-kɔlɛnuna hɛnkili ara toronde anu na, wa? Anuna ko-lɔn ara tunu anu bolo, wa?

Yɛrɛmaya 49:8

Didan so-burɔ-mɔgɛnu ni anu kan-kɔ sɔ. Anu ni anu buri tala anu dogonna. Mari ko a ye nala Isɔ kegeyɛnu kasarala, Idɔm kɛnu, kɔni bawo anu tɔrɔ-wati ara ke a bolo.

Yɛrɛmaya 51:37

Nyamanɛ wo si ma tonbɔn la. Mɔgɔ ti taran nyɔ fɔ bintɔ-sogenu. Mɔgɔ-wo-mɔgɔ ya nyɔ yen, a kun ma si kɔ.

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Nimisa Koe 4:22

Yerusalɛm kɛnuta tɔrɔyɛ dan na ara tenbi. Mari ti sɔn anu ni ta biralɛ rɔ tun. Kɔnɔ lunyɛ do, a si wole Idɔm kɛnu tɔrɔ ka wo hakɛ labɔ gbɛ rɔ.

Isikiyɛli 36:7

Woletɔ nde, anu Tigi Mari ara ban a latɛgɛla ko nde si anu dan-masa-nyɔgɛ wonu namiliya.

Isikiyɛli 36:9

N bi anu fɛ, yɔ! N si a ma, anuna dugi ra ni sin tun ka suginu fui anu tɔ.

Yowɛli 3:19

Mari ko Iyipiti si ma wula-da-rakolɔn la. Idɔm si ma nyamani-kasaranɛ la. Wo ye mala bawo anu nara bui Yuda nyamanɛ ma ka mɔgɔ-magbalanɛnu faga nyɔ.

Hɔbadaya 1:10

Mari ko tɔrɔyɛ bɛɛ si na wo kuma kamasɔrɔn wo ara wo na-kelen-nyɔgɛnu Yakoba kegeyɛnu kankan ka anu faga. Woletɔ a ko wole Idɔm mɔgɛnu si yarabiyi sɔrɔn ka halaki pɔɔ!

Luka 14:26

“Mɔgɔ-wo-mɔgɔ nara nde wara, a ti ke mala nna karan-dan la fɔ a wa a kan-kɔ sɔ a na anubɛ a fa la, ala musi anubɛ ala dannu anubɛ a na-kelen-nyɔgɛnu anubɛ a nyɛrɛ fanan.