Malakayi 1:14 - ALLALA KUMƐ

¹⁴ Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.

Malakayi 1:14 ပူးပေါင်းရင်းမြစ်များ

Ko-Dabirɛnu 27:12

Tumado, n fa si a bole tugu n na kɔrɛ. A si a miri ko n bi yanfanteyɛ le la. N si dankɛ lana n nyɛrɛ kuma. N ti ata duwɛ sɔrɔn.”

2 Samuwɛli 24:24

Kɔnɔ Mansa Dawuda ya a fɔ a ye ko, “Fɔ n ba anu san i ma le serr, bawo ni n ma wusi tirindi fan minna ko la, n ti wo di nta Mari Alla ma.” A ya gbere-kole wonubɛ sara-ninki wonu san wodi-gbɛ-gbu bi-loli la.

Yaburi 102:16

Mari wa Yerusalɛm sɔ a kurɛ la tun, ata gbiliyɛ si bɔ gbɛ rɔ wo rɔ.

Yaburi 47:2

Alla Min Bi Fan Bɛɛ Kun Na, mɔgɛ bɛɛ ni kilan wo la. Duninya kun-na-mansa-makawanɛ le ale la.

Yaburi 47:3

A ara a ma, ma ara nɔ-ko sɔrɔn sibole doinu kuma ka anu don ma kɔrɔ.

Yaburi 47:8

Alla mayiginɛ ata sigi-fen-sɛnimɛ kuma. A ye mansayɛ kɛla sibole bɛɛ kun na.

Yaburi 48:2

Allata kɔnkɛ kin, ado a layan. Mansa-makawanɛta soe ye sewɛ lanala duninya bɛɛ ma.

Yaburi 68:35

Isirɛlata Alla tenbi bɔla ala kan-tina-sɛnimɛ rɔ, a makilannɛ. A si sɛnbɛ di ala mɔgɛnu ma. Alla tanto!

Yaburi 76:12

A ye kun-tigi-wasinɛnu famayigila. A ye mansa-makawanɛnu kumakɔla.

Yaburi 95:3

Mari-makawanɛ le mata Alla la. Ata mansayɛ makawara ka tenbi mɔgɛnu bi minnu kɔla.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Yɛrɛmaya 46:18

Mari ko mansɛ le ale Mari Sɛnbɛ-Bɛɛ-Tigi la. A ko Alla-nimɛ le ale la. Iko Tebɔ kɔnkɛ layan kɔnkɛ bɛɛ ko nya min, iko Kamɛli kɔnkɛ dunnɛ kɔgɔ-yi kuma nya min, Iyipiti yogenu sɛnbɛ kolo Iyipititɛ ko wo nya na le.

Yɛrɛmaya 48:10

Dankɛ ye wo tigi ma min sa sɔnna Marita wɔlɛ kɛla a sɛnbɛ la. Dankɛ ye wo tigi ma min ti sɔn yele ni don ala faan ma.

Yɛrɛmaya 48:15

Mohabu nyamanɛ anubɛ a soenu si tinya pɔ! A kemini-mɛsɛ-nyimɛnu kan na si tɛgɛ. Mala mansɛ Mari Sɛnbɛ-Bɛɛ-Tigi kan le kɛ la.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Malakayi 1:8

Wo taranta kolo-fen-fiyon minnu dila a ma sarakayɛ la, wo kin? Wo taranta kolo-fen-namarɛ minnu dila a ma, wo kin? Wo taranta kolo-fen-kirɛ minnu dila a ma, wo kin? Nba, wo ni wo to wonu sufa dila wola mansɛnu ma, wa, ni anu si sewa wo la. Wo ye nyinina minnu ma mansɛ wonu bolo, anu si wonu di wo ma?

Malakayi 2:1

Mari Sɛnbɛ-Bɛɛ-Tigi ye a fɔla saraka-masɔlɛnu ye ko tɔn kɛ ye wola ko la.

Malakayi 3:9

Mari ko a ara wo dama danka bawo Isirɛla mɔgɛ bɛɛ ye a kensunyala gbɛ!

Matiyu 24:51

A tigi si a ratɛgɛtɛgɛ ka anubɛ kolandinu don kan-tina-kelen. Mɔgɛnu si di nyɔ ka anu nyin masɔgɔ dumɛ bolo.

Matiyu 5:35

Wo kana wo gboro dugu-kole rɔ bawo Alla kin-sɔ-tinɛ le wo fanan na. Wo kana wo gboro Yerusalɛm tɔ bawo ale Alla-mansa-ba-warɛ le soe wo la.

Maraka 14:8

A si ke min kɛla, a ara wo le kɛ. A ya sɛnti kɛ n fɛrɛ ma ka n tabɛn n togon koe la, yanni a wati ni ke.

Luka 12:46

Nba, wɔli-kɛlɛ wo tigi si na wulɔn tele le ma, yɔ, ado a hɛnkili sa tele wo ko, a ma a na-wati lɔn mumɛ! A tigi si a ratɛgɛtɛgɛ ka anubɛ lanayabɛlɛnu don kan-tina-kelen.

2 Kɔrɛnti 8:12

Ni fen bi wo bolo min ni-sɔgɛ ye wo la, Alla si sɔn wola kɔ-fan wo la iko wo bole danta kan min. Fan min sa wo bolo, wo sɛ sa wo ye.

Tɔn-Fɔɛ-Fila-Nyɔgɛ 28:58

“Ni wo ma wota Mari Alla tɔgɔ-makawanɛ gbiliya ka ata tɔn kɛnu bira minnu sɛbɛnɛ kitabu kɛ rɔ,

1 Timoti 6:15

Mɔgɛnu bi Alla min gbiliyala, ma kun-tigi-kelan, kɔni, wo si Kirasiti labɔ gbɛ rɔ a nyɛrɛta wati-latɛgɛnɛ rɔ. Allatala le mansɛnuna Mansɛ la anubɛ marinuna Mari.

Hiburunu 12:29

ado mata Alla mani de iko tɛ min si fan bɛɛ mintan gburr!

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”