Malakayi 1:11 - ALLALA KUMƐ

¹¹ Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Malakayi 1:11 ပူးပေါင်းရင်းမြစ်များ

1 Ko-Kɔrɔta-Karan 16:25

Mari makawara. A bɛnta, mɔgɛ ni ale le bato. Mɔgɛ ni kilan a la ka tenbi bɛsɛnu na.

Yaburi 111:9

A ya ala mɔgɛnu hɔrɔya ka sarama-kan kiri anu nyɔgɔn tɛma min ti ban mumɛ! Ata sɛninyɛ anubɛ ata sɛnbɛ-dan ti lɔn.

Yaburi 113:3

Ka a bi tele-bɔɛ ha tele-yigi, a bɛnnɛ wo ni to Mari matɔgɔla wo dama rɔ.

Yaburi 138:5

Anu si i matɔgɔ-sigi sa ka a tɛgɛ i wara min ma anubɛ ita gbiliya-makawanɛla ko la.

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 45:17

Nna bɛti kɛ si a ma, ila mansaya-mankan ni to koloyala burubukai! Mɔgɛ bɛɛ si to i matɔgɔla habadan!

Yaburi 48:10

Mɔgɛnu bi i matɔgɔla duninya kan tinɛ bɛɛ rɔ. Ila tɔgɔlamayɛ ye duninya-tonke bɛɛ rɔ. Ile si maralɛ kɛ telenbagayɛ la.

Yaburi 48:11

Alamɛ Yerusalɛm kɛnu sewara. Alamɛ Yuda nyamanita-mɔgɛnu nyagalenta bawo ile si kiti tɛgɛ telenbagayɛ la.

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Yaburi 65:9

I ye dugi fɛ-birala bandɛ la. I ye a mala, mala dugi ye nɔrɔnna sɛnita-fannu kɔrɔ kati! I ye yi-worɔnnu nafala yi la. I ye duninya lafala ki-fannu na.

Yaburi 67:2

Woletɔ duninya-mɔgɛ bɛɛ si i kɛ-nya lɔn. Anu si a lɔn ko kisi-ko-sɛnbɛ ye i bolo.

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Yaburi 96:8

Wo ni Mari tanto a tɔgɔ-gbiliyanɛla ko la. Wo na kɔ-fannu na wo bolo a bato tinɛ.

Aiseya 12:4

Wati ye nala mɔgɛnu si sigi sa ko, “Wo ni baraka bira Mari ye. Wo ni a kele wo dɛnbɛn-koe la. A ara min ma wo ye, wo ni wonu fɔ sibole mumɛ bɛɛ ye tɛrr! Wo ni Alla-makawanɛ wara-koe fɔ anu ye.

Aiseya 12:5

Wo ni bɛtinu bɔ Mari ye ka a tɛgɛ kabana-koenu ma a ara minnu ma wo ye. Wo ni a ma, duninya mumɛ bɛɛsi ni a mankan lamɔɛn.

Aiseya 19:21

Mari si a nyɛrɛ yira Iyipiti mɔgɛnu na. Wo si a ma, anu ni a bato ka sarakɛ bɔ a ye ka kɔ-fannu di ale Mari ma. Anu si lanyirinu kiri a ye ka wonu natɔnbagaya.

Aiseya 30:27

Mɔgɛnu si Marita gbiliyɛ anubɛ sɛnbɛ yen nala wula-yan la. Tɛ anubɛ ta-sisi si ata diminyɛ mayira. Ala kumɛnu si mɔgɛnu mintan iko tɛ.

Aiseya 45:6

A ko ni i ya a yen, a ye wo mala, wo manɛ alako duninya-tonko-nanɛ bɛɛ ni a lɔn ko ale le Mari la, ado Alla-gbɛrɛkɛ sa ale kɔma.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Aiseya 59:19

Wo si a ma, tele-yigi warala-mɔgɛnu ni kilan Mari la. Tele-bɔɛ-warala-mɔgɛnu ni a gbiliya. Mari si na tiriya iko bɛ fanɛ ye yigila a burila nya min, ado Mari karata fɔnyɔ le ye a mala, bɛ ye yigila fanka la wo nya na.

Aiseya 66:18

Mari ko a ya anu miriya-yoge anubɛ anu kɛ-nya-yoge lɔn. Woletɔ a ko a ye nala anu tɔrɔla. A si kan-siyamɛ-mɔgɛnu nadɛn kan-tina-kelen ala gbiliyɛ yen-koe la.

Yɛrɛmaya 10:6

Mari, i nyɔgɔn sa. I makawara. I tɔgɛ mankan kolo.

Yɛrɛmaya 10:7

Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Daniyɛli 2:45

Farɛ min kurukurunta ka bɔ kɔnkɛ kuma a nyɛrɛ ma a kerita kan min, Allata mansayɛ le wo la. A fɛrɛnta mɔgɔla muninyɛ wo la min nadannɛ nɛgɛ anubɛ bɔnkɛ anubɛ silɛɛ anubɛ wodi-gbɛ anubɛ sɛnɛ la. Koe minnu bi nala mala yarɔ, Alla-makawanɛ ya wonu denu yira ile, ma tigi, la wo la. N bara ala kiyo anubɛ a kɔrɔ-bɛrɛbɛrɛ le fɔ a ye kɛ la gben, ado a ye bɔla a la le serr!”

Emɔsi 9:12

A ko Idɔm nyamani-toe min tora a bibɛlɛ nun, ata Isirɛla mɔgɛnu si wo fanan nɔ ka anubɛ sibole doinutɛ ma anutɛ la. Mari ko a nyɛrɛ gbɛ le wo bɛɛ la.

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

Sɛfanaya 3:9

Kɛ dama wa ka-a-la tumɛ min, Mari ko a si sibole bɛɛ yɛlɛma ka anu fara anuna bɛsi-kɔ-koe la. A ko mɔgɛ bɛɛ si ale kelen pe bato ka ata kumɛ bira.

Sakaraya 8:7

Anu tara wole, ala mɔgɛnu na kan tinɛ minnu tɔ, ale Mari Sɛnbɛ-Bɛɛ-Tigi ko a si ke wo kunyɛ bɔla gbaran rɔ nyɔnu tɔ. A ko ala mɔgɛ minnu bi tele-yigi anubɛ tele-bɔɛ waralɛ rɔ,

Malakayi 1:14

Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.

Malakayi 3:3

A si kiti sa a kilɛ fɛ iko siyaki min bi wodi-gbɛ laleela ka a bɛrɛ bɔ a boe yala. Iko siyaki ye sɛnɛ anubɛ wodi-gbɛ sɛninyala nya min, Mari si saraka-masɔlɛnu fanan sɛninya wo nya na le. Woletɔ saraka-masɔlɛ wonu si ke saraka-hakikɛnu bɔla Mari ye.

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Matiyu 8:11

Wo ni wo hɛnkili to kɛ ko! Mɔgɔ siyaman si na ka bɔ duninya fan bɛɛ rɔ ka ladiyɛ kɛ Iburayima anubɛ Isiyaka anubɛ Yakoba fɛ Allata mansayɛ rɔ min bi Arinyɛni tɔ.

Luka 1:10

ado fen-suma-diyamɛ mintan tumɛ, kurun-wɛ min nadɛnnɛ luyi ma, wonu bi madiyali kɛla.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!

2 Tɛsalonaika 1:12

Ma Mari Yisa tɔgɛ si gbiliyɛ sɔrɔn wo bolo worɔ. Wole fanan si a sɔrɔn mata Alla anubɛ Mari Yisa, Allata-Mɔgɔ-Yabɔnɛta hinɛ baraka rɔ.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.