Malakayi 1:10 - ALLALA KUMƐ

¹⁰ Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Malakayi 1:10 ပူးပေါင်းရင်းမြစ်များ

2 Mansɛnu 12:6

Kɔnɔ hali wo, ka a bi Mansa Yohasila mansayɛ ma ha ala mansayɛ san mogan-ni-sawa nyɔgɔn ma, saraka-masɔlɛ wonu ma ke ko-wo-ko ladanna Bato-Bɔn fɛ-bira-koe rɔ.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Yɛrɛmaya 14:10

Mari ya kɛ le fɔ wole, Yuda mɔgɛnuna ko la. A ko ka to wo masɛgila ale Mari la, wo di min ye kati! Fan min si wo masɛgi a la, wo ye wonu da kun tɔ. A ko ale Mari ti sɔn wole la. Wo ye ko-yogomɛ min da kun tɔ, a ya wonu lɔn. A ko wo si tɔrɔ wo hakɛla ko la.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 6:13

A mɔgɔ-ba wo, a fɛlɛteni wo, wo bɛɛ sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Yɛrɛmaya 8:10

Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Hoseya 5:6

Wo ye wola sagɛnu anubɛ ninkinu mala sarakɛnu na Mari ye kɔnɔ tɔnɔ-wo-tɔnɔ sa a la wo ye. Wo ti ale Mari yen bawo a ara a masɛgi wo la pon!

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Malakayi 1:13

Wole le gbunyara, wo ko wo ara bandan. Wo ya wo sunyɛnu sigi san ma a kɔrɔ. Wo ye tola nala kankanya-kolo-fan anubɛ kolo-fen-kirɛ anubɛ kolo-fen-namarɛnu na. Alla ko wole miri ko ale si sɔn wo la wo bolo?

Malakayi 2:12

Minnu bi kɛ sufa mala, alamɛ Mari ya wonu bɔ wo kurun tɔ, ado ni mala nyamanita-mɔgɛnu nara min na Mari Sɛnbɛ-Bɛɛ-Tigi ye, anuta mumɛ kana taran tun saraka-bɔ-koe rɔ.

Malakayi 2:13

Wo ye ko-yogomɛ do mala fanan tun! Wo ye nala wola sarakɛnu na saraka-mintan-tinɛ kɔnɔ wo wa ke nyɔ rɔ, wo si worondo ha wo ya-yinu ni saraka-mintan-tinɛ wo kimɛ yɔgbɔ! Wo ye dila bawo Mari sa sɔnna wola sarakɛnu na.

Yɔni 10:12

Min bi a sarɛ birala dɔrɔn, mintan ma sagɛnu na, kɔni, saga-fɛ-birala-bɛrɛ ma wo la. Wo wa suluki yen nala tumɛ min, a si anu boloka ka a buri. Nba, suluki si sagɛ do bira ka a toenu tanyɛnsɛn.

1 Kɔrɛnti 9:13

Wo ya a lɔn serr, ko minnu bi wɔlila Alla-Bato-Bɔn la, wonu si anu niyi sɔrɔn Alla-Bato-Bɔn wo le la, ado minnu bi sarakɛnu bɔla saraka mintan tinɛ kuma, wonu si anutɛ sɔrɔn sarakɛ wonu denu tɔ.

Filipai 2:21

Mɔgɔ-toe bɛɛ ye hɔnna a nyɛrɛta koenu denu dɔrɔn na, Yisa Kirasitila koenu ma de!

Hiburunu 10:38

Hali wo, nta mɔgɔ-latelennɛnu si to anuna dɛnkɛninyɛ rɔ. Kɔnɔ ni anu fenfen ya anuna dɛnkɛninyɛ boloka, wo tigi ti n hɛnɛ.”

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.