Makawandili Kumɛnu 9:18 - ALLALA KUMƐ

¹⁸ Hɛnkilimayɛ fisa kɛlɛ-kɛ-miran-siyamɛ ko kɔnɔ ko-yogoma-kelen si ko-nyima-siyaman tinya.

Makawandili Kumɛnu 9:18 ပူးပေါင်းရင်းမြစ်များ

2 Mansɛnu 21:2

Mansa Manasa ya hakɛ kɛ Mari la ka kisimiriya-koenu ma iko Mari ya mɔgɛ minnu gben Isirɛla mɔgɛnu yarɔ fɔlɔ nun.

Yobu 35:8

I hakɛ ye i hadama-den-nyɔgɛnu denu tɔrɔla dɔrɔn. I ya ko-nyima wo ko-nyima ma, wo tɔnɛ si to wonu denu ye.

Makawandili Kumɛnu 10:1

Sisa-faganɛnu si tulu-suma-diyamɛ sɔgɔ labɔ mɔgɛ la nya min, kun-takolonyɛ doni si fɛɛ sa hɛnkilimaya-kumɛ la wo nya na le.

Makawandili Kumɛnu 10:10

Tɛgɛran min da sa a la bawo i ma a dɛ lasa, wo si a ma, i ni wɔli kosɛbɛ! Woletɔ hɛnkilimɛ si koe bɛɛ rabɛn yanni a wati ni ke.

Makawandili Kumɛnu 2:13

Tonyɛ le, yɔ! Hɛnkilimayɛ fisa kuntanyɛ ko iko wan-takanɛ tenbira pinpi la nya min.

Makawandili Kumɛnu 7:12

Hɛnkili fanan si ko-nyinya i ma yarɔ ma iko wodi si ko-nyinya mɔgɛ ma nya min. Hɛnkilimayɛ si mɔgɔ-kunyɛ bɔ le nanparan rɔ. Ko-kɔrɔ-lɔn-tɔnɛ le wo la.

Makawandili Kumɛnu 7:19

Hɛnkilimayɛ si koe min nyinya mɔgɔ kelen ma, kun-tigi tan ti ke wo nyɔgɔ-sufa mala so-kun kelan ye.

Makawandili Kumɛnu 9:16

Woletɔ n bi a fɔla ko hɛnkilimayɛ fisa sɛnbɛlamayɛ ko kɔnɔ mɔgɔ-wo-mɔgɔ ma a lɔn ni bolo-kolon-hɛnkili ye, ado anu ti ala kumɛ bira.

2 Timoti 3:8

Mɔgɛ kɛnu fanan bi tonyɛ kan ma iko Yanisi anubɛ Yanbarisi minnu ya Nɛbi Musa sɔsɔ wulɔn. Mɔgɛ wonu hɛnkili rabasannɛ, ado anuna dɛnkɛninyɛ ma mɔnɔ bɔ!

Yasowa 22:20

Ekan ya hakɛ min kɛ, wo ara nyina wo ko, wa? A ya Marila kumɛ tinya ka fan donu kankan anu bɛnnɛ ka minnu di Mari ma. Ekan kelen pe ma faga hakɛ wola ko la. Isirɛla mɔgɛ bɛɛ tɔrɔta kankanyɛ wola ko la.”

Yasowa 7:1

Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

Yasowa 7:5

ka dabira tarɛ dɛ ma ha ka ke fara-gbaran ma. Anu bi yigila kɔnkɛ la tumɛ min, anu ya mɔgɔ bi-sawa ani mɔgɔ wɔrɔ (36) faga. Isirɛla mɔgɛnu yisi tinyanta kilan bolo.

1 Samuwɛli 14:30

Mala kɛlɛ-dan kɛnu ya Filisitinuna bolo-fan minnu bi anu bolo kɛlɛ rɔ, ni anu ya wo dɔn nun, wo bɛnta bawo anu bi Filisiti mɔgɔ-siyaman fagala le nun ka tenbi kɛ la.”