Makawandili Kumɛnu 9:11 - ALLALA KUMƐ

¹¹ N ya ko-gbɛrɛkɛ yen nna ko-lakɔrɔsiyi rɔ tun duninya kɛ rɔ. Buri-kɛla-wɛ ti to nɔ-ko sɔrɔnna tuma-wo-tuma. Kerinte ti to nɔ-ko sɔrɔnna kɛlɛ rɔ tuma-wo-tuma. Hɛnkilimɛ fanan ti ma-a-la, hali ka to a beli-fan sɔrɔnna tolon! Min bɛnta kun-tigiyɛ la, wo ti sɔ-tina-nyima sɔrɔn tuma-wo-tuma. Bɛɛ ti a harayɛgɛ sɔrɔn nya-kun-kelen.

Makawandili Kumɛnu 9:11 ပူးပေါင်းရင်းမြစ်များ

2 Samuwɛli 17:14

Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

2 Ko-Kɔrɔta-Karan 20:15

Yahasayɛli wo ya a fɔ ko, “N tigi Mansa Yɛhosafati, wobɛ ila mɔgɛnu, wo ni wo tole masɔ. Yerusalɛm so-burɔ-mɔgɛnu wo, Yuda nyamanita-mɔgɛnu wo, Mari ko wo yisi ma kana gboya, ado wo kana kilan kɛlɛ-den-siyamɛ kɛnu na. Alla letan kɛlɛ kɛ la, woleta ma.

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yaburi 76:5

Wo ya a ma, anuna kɛlɛ-kurugbɛnu bara foo anu bolo-fan bɛɛ la. Wonu sanɛ anuna kinɔgɔ-laban rɔ, ado anuna sɛnbɛ anubɛ anuna kusanyɛ bɛɛ ara ma fuyi la.

Hɛnkilimaya-Kumɛnu 1:5

Wole hɛnkilimɛnu, wo ni wo tole masɔ. Kumɛ kɛnu si do kofu wo hɛnkilinu ma. A si kilɛ yira mɔgɔ-karannɛnu na.

Makawandili Kumɛnu 2:12

Wo kɔma, n sigira ka n miri hɛnkilimayɛ, bagalanteyɛ anubɛ kuntanyɛ kɔrɛ ma bawo mansɛ doinu bara min nadan, nde fanan ya wo bɛɛ ma.

Makawandili Kumɛnu 3:14

Alla ara min nadan, wo si to burubukai! N bara wo yen. Fen ti bɔ a la, fen ti sa a kuma. Ni i ya a yen, Alla ye kɛ mala, a ya wo ma alako mɔgɛ ni kilan a la ka a gbiliya.

Makawandili Kumɛnu 3:17

N ya n miri n nyɛrɛ ma ko Alla si telenbɛlɛnu anubɛ telenbagɛnu kiti bawo koe bɛɛ ani a wati le.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Makawandili Kumɛnu 7:13

I miri Allata kabana-koenu ma. Alla ara min tadu, yon si ke wo latelenna?

Makawandili Kumɛnu 9:2

Dan-nafara woo sa wo la. A karagbɛlɛ wo, a mɔgɔ-latelenni wo, a mɔgɔ-nyima wo, a mɔgɔ-yogo wo, a mɔgɔ-sɛninyanɛ wo, a mɔgɔ-sɛninyabɛlɛ wo, a saraka-bɔla wo, a saraka-bɔlabɛlɛ wo, wo do-wo-do ma a laban-nya lɔn. Telenbaga ma tenbi hakɛ-tigi la. Nyɛrɛ-tasɛlɛla ban ma tenbi nyɛrɛ-tasɛbɛlɛtɛ la.

Makawandili Kumɛnu 9:3

N ya koe do lakɔrɔsi min yogo duninya kɛ rɔ. Wo le ko fen kelen de ye ma dama makɔnɔna, sayɛ, kɔni. Fananta mɔgɔ ye a niyi la, a sɔndɔmɛ lafanɛ ko-yoge anubɛ kuntanyɛ sufa bɛɛ le la. Anu bi tola wo le la, anu ni tɛgɛ a ma pan!

Yɛrɛmaya 46:6

Hali a buri-kɛla-wɛnu, anu kunyɛ ti bɔ a rɔ. Anuna kɛlɛ-dannu kunyɛ ti bɔ a rɔ. Anu bi anu kian latugula kantɔ-wara la Yufereti bɛ dafɛ ka ta bui fugbu!

Yɛrɛmaya 48:14

Mohabu keinu bi anu nyɛrɛ mala kɛlɛ-nyananu na nfenna ko la? Anu miri ko kɛlɛ ara anu tasuma nun, ba?

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.

Tɔn-Fɔɛ-Fila-Nyɔgɛ 8:17

Wo tenbi sewɛ wo rɔ, wo kana wo miri ko wo ye fan wonu sɔrɔnna wo nyɛrɛta fanka anubɛ wola kɛwunteyɛ le la.

Tɔn-Fɔɛ-Fila-Nyɔgɛ 8:18

Wo ni wo miri yati, ko wota Mari Alla le ya fan wonu di wo ma. A ye wonu mala wo ye bawo a ya lanyiri min kiri wo benbanu ye, wo kanbali-sɔgɛ ye a la.

1 Samuwɛli 17:50

Hali faan anubɛ tanbɛ sa Dawuda bolo, a ya Kolati nɔ ka a faga lenfiran-kuri la.

1 Samuwɛli 6:9

Wo ni wo yɛ bɛn anu ma. Ni anu ya anu kun telen Bɛti-Simɛsi soe wara la, wo ni a lɔn worɔ ko Isirɛla mɔgɛnuta Alla, wo le ya kirayɛ kɛ sigi ma ma. Kɔnɔ ni anu ma anu kun telen nyɔ la, ma ni a lɔn worɔ ko ale ma kirayɛ kɛ sigi ma ma. Kirayɛ le dɔrɔn nara ma ma.”