Makawandili Kumɛnu 9:10 - ALLALA KUMƐ

¹⁰ Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Makawandili Kumɛnu 9:10 ပူးပေါင်းရင်းမြစ်များ

Ko-Dabirɛnu 37:35

Yakobala dannu ya anu taya ka anu fa madiya kɔnɔ a ma sɔn a rade-koe ma. A ko, “Nde si to nna dan kɛ dila ha n ni a taran lakira.” A tora dila ala dan Yusufula ko la wo nya le.

1 Ko-Kɔrɔta-Karan 22:19

Wo ni wota Mari Allata wɔlɛ kɛ wo yisi bɛɛ la. Wo ni Bato-Bon-sɔɛ dabira. Wo wa wo laban tumɛ min, wo si Marita tɔn-kenkirɛ anubɛ fen-sɛnima-toenu nadon a burɔ wo ye a batola minnu na.”

1 Ko-Kɔrɔta-Karan 28:20

Mansa Dawuda ya a fɔ ala den Silamɛni ye ko, “I kerinteya ka i yisi gbɛlɛya. I ni wɔlɛ dabira. Fenfen kana ila wɔlɛ tinya. Nde ye nta Mari Alla min sako kɛla, wo si to i fɛ, ado a ti i boloka muk! Ka tenbi wo la, a ti bɔ i fɛ Bato-Bɔn sɔ-ko-wɔlɛ kɛ rɔ.”

Nihɛmaya 2:12

Alla ya min sa n sɔndɔmɛ rɔ nyɔla ko la, n ma wo fɔ mɔgɔ-wo-mɔgɔ ye. Suyi tɛma, n ya n ta-nyɔgɔ mɔgɔ-dande bi ka ta soe kɔmɛ lakɔrɔsi. Ma tara sofɛlɛ kelen pe le la ma bolo, nde siginɛ min na, kɔni.

Nihɛmaya 4:2

A kɛnɛna a fɔla a na-kelen-nyɔgɛnu anubɛ Samariya kɛlɛ-dannu yala ko, “Yahudiya-manyimanɛ kɛnu miri ye nfen ma? Soe kɛ mumɛ ladan-sɔgɛ le ye anu na, wa? Kɛnu miri ko anu si banna soe kɛ mumɛ bɛɛsi ladanna tele kelen kɔrɔ saraka-bɔɛ fɛ? Anu si buriburi-mintantɛ-kɛ yɛlɛma kurinu na ka bɔn sɔ anu na?”

Nihɛmaya 4:6

Ma ban matarali-kɛla, ma ya mala wɔlɛ dabira tun. A ma mɛ lefan, ma ya tarɛ wo labila a nyɔgɔn ma ka a mayɛlɛ gbagba ha a tɛma bawo ma sɛbɛ donnɛ wɔlɛ wo ma a nya ma.

Yobu 10:21

A ti mɛ tun, n si ta bɛɛ ta tinɛ, ado n ti sɛgi tun. N bi tala pinpi-makilanni-bɛ le tɔ.

Yobu 10:22

N bi tala kan min, fenfen sa nyɔ fɔ pinpi anubɛ nini-pinpi-nɛ anubɛ yakɔrɔ-mamɔɛ. Hali wan-takanɛ min bi nyɔ, wo mani de iko pinpi.

Yobu 21:13

Karagbɛlɛnu bi anu siyi labɔla yisi-kimɛ rɔ. Anu ti tɔrɔ faga tinɛ.

Yaburi 6:5

Mɔgɔ wa faga, a si nyina ile Alla ko. Ni mɔgɛ ara ban donna lakira, a ti i matɔgɔ nyɔ rɔ tun.

Hɛnkilimaya-Kumɛnu 3:28

Ni i sigi-nyɔgɛ dɛnbɛn-fɛrɛ taranta i ma, i ni a kɛ a ye. I kana a fɔ a ye ko, “Ta fɔlɔn, sina i ni na.”

Makawandili Kumɛnu 11:3

Kɔlɔma ye buila a yɛ min ma, a ye tola sani wo le kuma. Fɔ banda wa fin, bandɛ ni na to nala.

Makawandili Kumɛnu 11:6

Mɔgɛ ni to sugi fuila sɔgɔma ani wurɛ la bawo a ma a lɔn min bi fɛrɛnna, ka, ni min bi sabatila ka tenbi a nyɔgɔn na. Tumado anu dama si fɛrɛn ka sabati.

Aiseya 38:10

N bi fonikeyɛ la tumɛ min, n miri n ko n donmatoe le lakira. N ko n siyi ti a labɔ.

Yɛrɛmaya 29:13

A ko wo si to a nyinina, ado wo wa a nyini wo yisi bɛɛ la, wo si a yen.

Yilan-Yilan Koe 13:30

Isirɛla mɔgɔ damasi wulita da-kɔrɔ-kumɛ fɔla Musa ma. Kɔnɔ Kelabu ya anu nakala, a ko, “Ma ni ta anu kɛlɛ kaka ka nyamanɛ wo bi anu bolo. Ma si ke le ka anu nɔ feu!”

Matiyu 20:7

“Anu ya a yabi ko, ‘Wɔli sa ma bolo.’ “A ya a fɔ anu ye ko, ‘Nba, wole fanan ni ta nna sɛnɛ rɔ wɔli-kɛ-tinɛ.’

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Yɔni 4:34

Yisa ya a fɔ anu ye ko, “Min ya n sɔ ka ata wɔlɛ lakanbali ka wo sako kɛ, wo le si n buyi lafa.

Yɔni 5:4

bawo wati si na Marita melika si to nala yi wo ramagala. Nba, kirayatoe min fɔlɔn ba yigi yi wo rɔ, kirayɛ wo si a boloka feu!]

Yɔni 9:4

Min ya n sɔ, fɔ ni ma tora wola wɔli kɛla tele rɔ. Suyi ketoe le, ado suyi wa ke tumɛ min, wo si a taran, wɔli-wo-wɔli ti taran tun.

Romu 12:11

Wo ni wola wɔlɛ kɛ bɛrɛkɛ! Mɔgɔ kana tinya-mansayɛ kɛ. Wo ni wɔli Mari ye wo yisi bɛɛ la sewɛ rɔ.

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

1 Kɔrɛnti 16:10

Ni Timoti nara ke wo ma, wo ni a rabira gben, bawo a ye wɔlila Mari ye iko nde fanan bi wɔlila nya min.

1 Kɔrɛnti 9:24

Wo ya a lɔn serr, ko hali buri-kɛlɛ siyaman si anu buri kɔnɔ mɔgɛ kelen pe le si sarɛ wo sɔrɔn. Nba, wo ni wo buri wo nya alako wo ni wota sarɛ sɔrɔn.

1 Kɔrɛnti 9:26

Wo le ya a to, n bi n burila ha n ni ke n dan ma. N manɛ iko kei minnu bi anu nyɔgɔn tugula minnu ti foo anu ta-nyɔgɛ la.

Ɛfɛsa 5:16

Wo kana wo nyɛrɛ matanbani. Wo ni wo raya ko-nyima-kɛ koe ma bawo tele kɛnu ma kin.

Kɔlɔsi 3:23

Wo ye wɔlɛ min bɛɛ kɛla, wo ni wo ma wo yisi bɛɛ la iko wo ye wɔlila Mari ye nya min. Wo sa a mala mɔgɔni-gbuyi ye.

1 Samuwɛli 10:7

Kɛnu ba ma i la wati min, Alla ya i sɔ ko-wo-ko la, i ni wo ma bawo Alla ye i fɛ.