Makawandili Kumɛnu 8:9 - ALLALA KUMƐ

⁹ N ya n hɛnkili lamiri duninya-koenu kɔrɛ-lɔn-koe ma wati min, n ya ko kelen de yen. Wo le, sɛnbɛ ye mɔgɛ do bolo, a kɔrɔ-mɔgɛnu tɔrɔnɛ a bolo.

Makawandili Kumɛnu 8:9 ပူးပေါင်းရင်းမြစ်များ

2 Mansɛnu 25:7

Anu ya ale Mansa Sɛdɛkayala den-keinu faga a nyɛrɛ yakɔrɔ nyɔ. Wo kɔma, Mansa Nɛbukanasa ya a ma, anu ya Mansa Sɛdɛkaya yɛnu bɔ a kolɔn rɔ. Anu ya yɔlɔkɛ kɛ a ma ka ta a la Babilɔn nyamanɛ rɔ.

Bɔ-Koe-Iyipiti 14:28

Iyipiti mɔgɛ minnu bɛɛsi tara Isirɛla mɔgɛnu sagaran tinɛ, wo bɛɛsi kunyɛ tora-a-rɔ dogbe! Hali mɔgɔ-den-kelen ma to.

Makawandili Kumɛnu 1:14

N bara koe kɛ bɛɛ lakɔrɔsi duninya ma kɔnɔ duninya ragbɛlɛ! Ko-sufa wo mani de iko mɔgɔ tenbi fɔnyɔ birala.

Makawandili Kumɛnu 3:10

Alla ara dunu-belebele minnu sigi male hadama-dannu kuma, nde ya wonu nakɔrɔsi.

Makawandili Kumɛnu 3:16

N sigira ka duninya lakɔrɔsi. N ya a yen ko a fisa, telenbagayɛ ni taran kan min, yaga, telenbɛlitayɛ ye nyɔ le!

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Makawandili Kumɛnu 5:13

N bara ko kelen de yen duninya ma, min ma kin hali doni bɛrɛn. Mɔgɛ do si a raya ka nɔnfuli lamara a nyɛrɛ ye sinanna ko la.

Makawandili Kumɛnu 5:7

I mara kiyo-siyaman-sala la wo, i mara wɔli-fufafu-kɛla la wo, i mara kuma-pɔrɔtɔ-parata-fɔla la wo, ko kelen fisa wo bɛɛ ko. I wa Alla yili-madiya fan min na, fɔ i ni kilan Alla la ka a gbiliya.

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Makawandili Kumɛnu 7:25

Nba, n ya n miriya mumɛ bɛɛ to ale hɛnkilimayɛ ma ka a lakɔrɔsi ka koe bɛɛ kɔrɛ lɔn. N ya wunduyogoyɛ lakɔrɔsi ka a lɔn minna ko la fenfen sa a rɔ fɔ kun-takolonyɛ.

Makawandili Kumɛnu 7:7

Kensunte si hɛnkilimɛ yɛlɛma kuntan la. Ni mɔgɛ ya dogonta-fan bira, wo ara fɛɛ sa a nyɛrɛ sɔn la.

Tɔn-Fɔɛ-Fila-Nyɔgɛ 2:30

“Kɔnɔ ma Mari Alla ya a ma, Mansa Saihɔn yisi gbɛlɛyara gbon! Wo le ya a ma, a ma sɔn ma ni tenbi ata nyamanɛ rɔ muk! Ma kɛlɛ-sɔgɛ ya a bira. Woletɔ Mari ya a ma, ma ya a nɔ ka ala nyamanɛ bi. Ha bi, nyamanɛ wo ye ma bolo.