Makawandili Kumɛnu 8:17 - ALLALA KUMƐ

¹⁷ n ti a lɔn Alla ye min kun na. Hali mɔgɛ ya a raya nya-wo-nya, a ti ban Alla wara-koe nya-yenna. Hali hɛnkilimɛ donu si a fɔ ko anu ya Alla wara-koe lɔn kɔnɔ anu foni.

Makawandili Kumɛnu 8:17 ပူးပေါင်းရင်းမြစ်များ

Yobu 5:9

Male ti Allata ko-makawanɛ-dan lɔn, ado ala kabana-koenu dan sa.

Yaburi 104:24

Mari, i wara fen-siyaman dan. Ita hɛnkilimayɛ le ya wo bɛɛ dan. Duninya lafanɛ ila nima-fannu na.

Yaburi 40:5

Mata Mari Alla, i wara ko-siyaman ma ma ye. I nyɔgɔn sa! I wara kabana-ko-miriya-siyaman tabɛn ma ye. N ti ke anu damasi wara-koe rakaranna. N ma anu dan-natɛgɛ lɔn.

Yaburi 73:16

N ya n miri kɔndɔfili kɛ ma kɔnɔ a gbɛlɛ n kuma.

Makawandili Kumɛnu 1:13

N ya n nyɛrɛ to karan ma alako koe min bɛɛsi ara ma duninya rɔ, n ni wo bɛɛ kɔrɛ lɔn. N bara a yen ko Alla ara dunu-belebele-wɛ le sigi ma kuma kɛ la.

Makawandili Kumɛnu 11:5

Ni mɔgɛ si a lɔn dan ye mala mɔgɛ la nya min a na burɔ, mani mɔgɔ si ke a lɔnna Alla ye min kun na bawo Alla le ye fan bɛɛ ladanna.

Makawandili Kumɛnu 3:11

A ara koe bɛɛ wati latɛgɛ a kilɛ fɛ. Alla ara habadan-ko-lɔn-koe sigi hadama-dan yisi rɔ kɔnɔ hali wo, ka a bi duninya dabirɛ ma ha duninyala ban, mɔgɔ ti ban Alla wara-koe lɔnna dɛnkɛninyɛ kɔma.

Makawandili Kumɛnu 7:13

I miri Allata kabana-koenu ma. Alla ara min tadu, yon si ke wo latelenna?

Aiseya 40:28

Wo ma a lɔn, ba? Wo ma a lamɔɛn nun, ba? Habadan-Alla le Mari la. Ale le ya duninya dan, yɔ! A ti bandan. A ti yunkun. Mɔgɔ-wo-mɔgɔ ti ke a miriya lɔnna.

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?