Makawandili Kumɛnu 7:8 - ALLALA KUMƐ

⁸ Ko-laban kin ko-dabirɛ ko, ado munyɛ fisa wasinteyɛ ko.

Makawandili Kumɛnu 7:8 ပူးပေါင်းရင်းမြစ်များ

Hɛnkilimaya-Kumɛnu 13:10

Wasinteyɛ si na kɛlɛ-nyɔgɔnyɛ le la kɔnɔ min si a tole masɔ kawandili-kan la, hɛnkilimɛ le wo tigi la.

Hɛnkilimaya-Kumɛnu 14:29

Ni min si ke a yisi birala, hɛnkilimɛ le wo la. Kɔnɔ mɔgɛ min ti ke a yisi birala, wo ye a yirala ko hɛnkili sa a la.

Hɛnkilimaya-Kumɛnu 15:18

Mɔgɛ min yisi lakala, a si a ma, kɛlɛ ni ta yarɔ tiriya kɔnɔ min si a munyu, wo si kɛlɛ-wuyan bɔ a la.

Hɛnkilimaya-Kumɛnu 16:32

Yanni i ni sɛnbɛ sɔrɔn ka so-kun kelan gbesi, a fisa, i ni kun i nyɛrɛ ma ka i nyɛrɛ mara.

Hɛnkilimaya-Kumɛnu 28:25

Mɔgɛ min si hɔn a nyɛrɛ la, wo si kɛlɛ-nyɔgɔnyɛ lawuli le. Kɔnɔ mɔgɛ min bi lala Mari la, wo wara-koe si to tala yarɔ.

Makawandili Kumɛnu 7:1

Tɔgɔ-nyimɛ fisa tulu-suma-diyamɛ ko. Mɔgɔ-saya-tele fisa a sɔrɔn-tele ko.

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Luka 21:19

Wo ni wo sɔ yiri bawo wo si ni-bɛrɛ sɔrɔn wo le fɛ.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Ɛfɛsa 4:2

Wo kana a lagbɛlɛya wo nyɔgɔn kuma fɔ ka famayigiyɛ kɛ wo nyɔgɔn ye a nya bɛɛ ma. Wo ni wo munyu wo nyɔgɔn kɔrɔ keninteyɛ rɔ.

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Yemesi 5:11

Ma ye mɔgɔ-munyanɛnu kelela ko mɔgɔ-sewanɛ bawo anu bara anu munyu. Wo ma Yobuta munyu-koe lamɔɛn, ba? Ado nfan, Mari ya Yobu makoe nyinya nya min a laban, wo ma wo lɔn fanan, ba? Wo mara bawo Mari fanɛ kinikinɛ anubɛ hinɛ la.

Yemesi 5:8

Wole fanan ni wo munyu! Wo ni wo yigi don gbɛn, bawo Mari na-wati ara gbɛrɛn.

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!