Makawandili Kumɛnu 7:6 - ALLALA KUMƐ

⁶ Kuntanla yɛlan mani de iko gbankinya tenbi fɛrɛnna dagɛ-kɔrɔ-tɛ rɔ. A sɔnkɔ-sɔnkɔ da ra kolo kɔnɔ a ti ko nyinya dagɛ burɔ.

Makawandili Kumɛnu 7:6 ပူးပေါင်းရင်းမြစ်များ

Yaburi 118:12

Anu bi finya-finyala n ma iko li-kolenu, kɔnɔ anu wara-koe kara-a-la tiriya iko tɛ tenbi fira-gbalɛ la. N ya anu halaki Marita sɛnbɛ la.

Yaburi 58:9

Yanni anu ni a lɔn, anu ma ara lanfan iko binyɛ. Anu tenbi anu niyi la, ile Alla ni anu kɛndɛ firan ita fondo-bɔɛ la.

Hɛnkilimaya-Kumɛnu 29:9

Ni hɛnkilimɛ tara kun-takolɔn la mɔgɔ-banu bara kiti tɛgɛ tinɛ, kun-takolɔn si to a mayɛlɛnna ka sɔnkɔ tɛgɛ. Wo si a ma, yisi-kimɛ ti taran anu tɛma.

Makawandili Kumɛnu 2:2

N ya a yen ni mɔgɛ tora yɛlɛnna, wo ti ko-wo-ko nyinya mɔgɛ ma, ado n ya a yen fanan ko kuntanyɛ ye a rɔ.

Emɔsi 8:10

Wo si wo kundɛn wola sewa-tele minnu ma, Mari si tele wonu ma di-kɛ-tele la. Mari ko a si wola sewa-siginu yɛlɛma yisi-magboya-siginu na. A si a ma, wo ni wo kunyɛ gbana ka kasa-kurɛnu don wo kan na. A si kunaya wole, Isirɛla mɔgɛnu kuma iko mɔgɔ-kɔrɔyanɛla den kelan wa sa. A si gbɛlɛya wo kuma ha wola tɔrɔya-wati da ni fa.

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Luka 6:25

Wole minnu buyi lafanɛ, gbalo ye wo kuma bawo kɔnkɛ si wo bira! Wole minnu bi yɛlɛnna kaka, gbalo ye wo kuma bawo wo si mɔni ka di!